ماشاءالله تبارك الله
ربي يرزقك برهم ويحفظهم لك ويرزقكم من حيث لاتحتسبون

الف الف مبررروووك والله يحفظهم ويحميهم

ماشاء الله لا قوة الا بالله

اللهم اميييين ..
جزاكم الله خير على دعواتكم ومشاعركم ..
ويعلم الله اني وقت الولادة وفي شدة الخوف والكرب دعيتلكم جميعا ولكل محرومة ربي يرزقها الذرية الصالحة يارب خاصة البنات اللي عشت معاهم في التجمع محاولات كثيييير ..
يارب يارب يرزق كل وحده طلبت الدعاء بتوأم عاجلا يارب وييسر لكل مقبلة على العملية المحاولة ويبارك فيها يارب ..
باذن الله قريب بسوي عمرة ومحا انساكم من دعواتي ويعلم الله اني حاسة بمشاعر كل وحده لاني جربت هادي المشاعر بس ربنا قاااااااادر فوكلوا امركم اليه ..

اماني سبحان الله نفس كلامك انا استشرت بس وحده من صحباتي ومررره قالتلي ارفضي وانتي مو ناقصك شي وبيجوكي كثير لكن ارتحت له خاصة لمن سمعت انه لمن كان يخطب الكل يرحب فيه ويبغاه بس لمن يعرفوا حالته يرفضوا فكنت احسه مكسور والحمدلله ربي كتبه من نصيبي نعم الزوج والله..
وللان الحمدلله ولااحد مايعرف انه حملي بعلاج وانه من زوجي وهادي نصيحة للكل اي وحده تتاخر في حملها ويكون من زوجها لاتبين للناس راح يقدرها زوجها وماينسى لها ..
اماني يارب يبلغك انتي وزوجك والباقين اللحظة اللي عشناها ..
وقت ولادتي كانت قيصري وبنج نصفي وكان زوجي معايه ولمن خرجت البنوتة وبعدها الولد صار يبكي من قلبه وصرت ابكي معاه من الفرحة ..

هم شي يابنات ادعو كثير بالذرية الصالحة الطيبة السليمة المباركة ويكونوا سليمين صالحين مصلحين لان الذرية احيانا تكون بلاء مو نعمة ..

اللي سالت عن التحاليل فانا سويت بس تحليل الغدة وهرمون الحليب واشعة الصبغة والدكتور صرف لي الكرتزون وابر السيولة من باب الاحتياط واصلا جرعتها مو عالية بس تأدي الغرض لان كل شي سليم وكانت تفشل المحاولات ..

وصح نسيت اقولكم ان الدكتور الله يجزاه خير كنت اتابع مع غيره من بعد الربط بس اي استفسار ارسله وجزاه الله خير كان يرد برسالة ويوم ولادتي زوجي ارسله يبشره فاتصل وبارك لنا ..

سبحان الله قصتك تبعث الأمل في ارواحنا وكنت من المتابعات لك وقت حملك وماشالله لا قوة الا بالله ربي رزقكم الف مبروك والحمدلله ع سلامتك وسلامة عيالك... ليتني مثلك بالصبر والتحمل .. دعواتك لي ولأخواتي المحرومات الذرية 💔

ماشاءالله لاقوة الابالله
الله يفرحك بابنائك ويمتعكم بالصحة والعافية
ويرزقكم م حيث لاتعلمون