الحمدلله ولدت

السلام عليكم

ابشركم ولدت

قيصري وبكريه

وسبب القيصريه

ماجاني طلق واخذت من العاشر 10 ايام تقريبا

رحت لموعدي يوم شافت الدكتوره قالت مويات الجنين قليله مره وهذا خطر

تعالي بكره الصباح الساعه 7 واعطيك طلق صناعي

ورحت من 7 وانا مصبحتهم ورحت مواصله طبعا ماقدرت انام من الخوف والتفكير ذبحني

المهم عطوني طلق وهو عباره عن تحميلات من تحت

اااااااااه يالطلق الصناعي ااااااااااه يمووووووووت يذبح شي ماينوصف يابنات

ودي اوصف لكم وش كانت حالتي بس وربي شي ماينوصف وكل الطلق بظهري
ياالله الحمد لله على كل حال


المهم ياحلوات بدى ينفتح الرحم يوم انفتح 3 سم قالوا يلا بنوديك غرفة الولاده

خفت وجتني زي الرعشه وابكي بكاء مستمر ماقدرت اسكت من الخوف

المهم حاولوا يهدوني الممرضات

طلعوني لغرفة الولاده

وطلع معي دم وخفت اكثر

جت الدكتوره وعطتني التحميله الثانيه

كل 6 ساعات تحميله

عذااااااااااااااااااااااااب

وانفتح تدريجيا الرحم

بس متى انفتح 8 سم الساعه 2 بالليل عليكم الحساب

من 7 الصباح الى 2 بالليل

ياويلهم من الله 19 ساعه طلق صناعي

جت الدكتوره قالت الحوض عندها صغير وراس البيبي واقف مايتحرك يعني ماراح يمر من الحوض

طيب ليه ماقالت من الأول ليه كل هالمعاناة؟؟؟؟

ليه كل هالانتظار؟

قال زوجي لأ عمليه لأ
قالت شوفة عينك شوف زوجتك وشلون حالتها حتى ملامحها تغيرت

تخيلوا يابنات اسمعهم فوق راسي يحكون وماني قادره اتكلم شفايفي زرقاء وربي

يومين مانمت وماعطوني شي اكله من دخلت الصباح

وطلق صناعي يهد الحيل اجتمعوا

قال زوجي بعد ماانفتح الرحم 8 سم تقولون عمليه لأ مابقى على الولاده شي ننتظر

قالت بكيفك ننتظر

اذا على الرحم بينتفح 10 سم لو انتظرنا بس المشكله بالحوض

جت بعدها بساعو ونص قالت اكثر من كذا انتظار خطر على الام من انفجار الرحم وخطر على الجنين لان الجنين من كثر الطلق راسه يضرب بالحوض ومو قادر يدخل اكثر تعلق راسه بالحوض وراح تشوف اثر الضربات من الحوض بعد الولاده وتصدق كلامي

قال خلاص مافيه امل تولد طبيعي؟

قالت 99 % قيصري

قال خلاص ووقع

والله يابنات انهم يترجون زوجي يوقع لان خلاص وصلت لمرحلة الخطر

والله يابنات وهم يدخلوني غرفة العمليات ان الدكتوره تلبس بالطوا العمليات وهي تركض

واستشاري التخدير يركض ركض

لان زوجي ماوقع الا متأخر

وعطوني بنج كامل طبعا لان حالتي ماتسمح بالبنج النصفي

وبعدها لقيتهم يصطروني ويصحوني وانا احس ان جسمي مقسوم نصفين

الله يرحمنا برحمته
والحمدلله على العافيه

وجاني ولد

واهم شي احنا بخير
صحتي وصحته بالدنيا

مع اني كنت اتمنى اولد طبيعي بس الحمد لله على كل حال

وهذي قصتي ياحلوات

والله يسهل على الحوامل
والله يرزق اللي ماحملت بالذريه الصالحه

واعذروني ع الاطاله

دمتم بحفظ الرحمن,,,