الحمدلله ولدت

اولا شي حبيت اشكر كل البنات اللي تواصلوا معاي .... انا كنت مخلصة الشهر التاسع وكان الرحم مفتوح عندي 3 سم ومن وقتها كنت انتظر موعد الولاده لاني اتاخر في ولاداتي السابقة... بعد 3 ايام رحت العيادة وقالتلي ان الرحم متهيا بس الماي حول الجنين مو صافي والجنين وزنة وايد كبير وعندة توسع في حوض الكلية بصراحة خفت وبديت امشي على الرمل لاني ما كنت اتحرك وايد وما كنت احس باعراض الولادة ابدا... يارب شسوي .... فقررت اني اروح اولد بطلق لانهم عطوني للطلق بتاريخ 10 بس انا رحت تاريخ 8 بعد ما توكلت على الله وخذيت اغراضي وشربت ماي ورد ورطب ورحت والدمعة حابستها من الخوف وشايفة عيالي وانا رايحة عنهم.....وصلت المستشفى وانا اقول حق الدكتوره ان فيني الم يروح ويرجع وفي الحقيقة مافيني شي قاستلي شافت الرحم فاتح 4 سم قلت الحمد لله اليوم بولد عطوني الحقنة الشرجية اللي تلوع بالجبد وبعدها تميت امشي ....بكمل بعد شوي