السلام عليكم ورحمة الله وبركاته
حبيباتي كيفكم ان شاء الله بخير
اللهم لك الحمد كما ينبغي لجلال وجهك وعظيم سلطانك
24/11/1431 هجري
بعد معاناة مثل اي حامل تعانيها ولدت ولله الحمد وكنت خايفه من الولاده لان ولادتي الاولى تعسرت
وتسكر الرحم على الطفل ونقلوني عمليه عاد تعرفون البكر تبطي بالطلق يومين وقسم اني ذقت الموت
وجلست خمس سنسن ماحملت اخاف يتكرر لي اللي صار لي بس ولله الحمد والمنه الله سهلها علي
اخذت وصفت الحلب مع العسل واول ماجاني الطلق وتكبيت بحلتيته وربصتها وصبيت مويتها بالفوطه الصحيه وانتم بكرامه وجزاكم الله الف خير الوصفات اخذتها من هنا
يوم الاحد بالليل كان معي طلق بس يروح ويجي لين صارت الساعه وحده بالليل بداء يتواصل كل خمس دقايق
انا وامي كنا خايفين مره وكل شوي تقولي امي خلينا نمشي وانا اقولها لا اصبري لين صارت الساعه 4 الفجر بدا يتواصل الطلق لبست عبايتي وابوي جالس بسجادته ربي يخليه لنا يدعي لي رحت للمستشفى قالوا مفتوح 5 سانتي ضاق صدري بصراحه المهم ودوني لغرفة الولاده وقالوا لامي خلاص روحي وحنا نبشركم
ودوني فوق لغرفة الولاده وحطوا علي الجهاز اللي بالبطن والله ياانا اكرهه والحلتيته بيدي بس اشم فيه
واول مره اخلي طرحتي معي اذا جاني طلق عضيت عليها وكتمت نفسي ودفيت على تحت دست علي الساعه اربع ونص قالت مفتوح 8 سانتي والله اني اصيح من الفرحه وانا ماغير على لساني كلمة الحمدلله المهم ولدت الساعه خمس ونص الحمدلله وجبت ولد سميته عبدالعزيز وماطولت بالطلق الحمدلله لان من حملي وانا بس ادعي ان الله يسهل علي بس بعد الولاده بثلاث ساعات جاني نزيف يقولون اثناء الطلق صار عندي ارتخاء بالرحم وزياده فقر دم عطوني تحميلات وخلوني تحت الملاحظه 24 ساعه الحمدلله على كل حال من بكرا طلعوني
والله يسهل على باقي الواصلات ان شاء الله
أم فيصل وعزوز @am_fysl_oaazoz_1
عضوة جديدة
يلزم عليك تسجيل الدخول أولًا لكتابة تعليق.
رمانه حلوه
•
ماشاء الله تبارك الله الف مبرووك يتربى بعزك وعز ابووه
ألف الحمدالله على سلامتك...وماتشوفين شر ويخليلك ماجبتي ياااارب...وعقبالنا يااارب
ودمتي بحفظ المولى...أختك أم الوليد
ودمتي بحفظ المولى...أختك أم الوليد
الصفحة الأخيرة