ولدت الحمدلله من قبل كم ساعة
أخذت إبرة الظهر وتصدقوا ماجابت مفعول بس خدرت رجايلي والحوض وانعكس الألم شديد في بطني وجا الدكتورة عطتني إبرة في العضل ولافاد وأنا اضرب في السرير من الالم واصلرخ للحين حلقي فيه حشرة مدري وش سببها هو الصراخ او الاكسجين لأنه طول الوقت علي والحين احس بحشرة فحلقي من كثرة الإحساس بطلعة الروح من الطلق.
الدكتورة تقول متجبت الابرة مفعول لان يمكن أنا تحركت ولكن والله ماذكر تحركت بس يمكن ماحسيت من ألم الطلق ولاادري.
تذكرتكم دعيت لكم عسى الله يرزقكم الذرية الصالحة 🙏🏻.
الحين للحين عندي ألم فبطني ويعطوني بنادول كل ٦ ساعات وجرح الولادة يألم وصرت أحط ميبو ولاادري ينفع أنا ولدت طبيعي الحمدلله بعد عذاب الطلق وابرة بنج نصفي ماجابت فايدة بس خرمت ظهري ع الفاضي تقول ممكن تحركتي وأنا سمعتها تقول بعطيها بس جرعة وظل الألم مختفي ساعة كذا بس ورجع والدكتورة مستغربة تتوقعوا ليش ماجابت معي مفعول ظل طلق قوي فبطني وللحين معي ألم حتى شعري صار متشابك من كثر ماتحرك من الالم من متى افكك فيه😭
الحمدلله أنا رحت الصبح ١٠ خلصت ع الساعة ٩ احسن من ولادتي الاولى لين ١ ونص مع انه طلق صناعي كانت.

ولكن طلقي اليوم كان اقوى من الطلق الصناعي يابنات والله مابالغ الله يهون على كل حامل ويرزق من تتمنى يارب ويحفظ وليدي والله يعين مافيني نوم ماراضي يجي ان شاء الله مايرجع الاكتئاب بعد الولادة يارب ماعارفة كيف يهتم ببنتي ومولود جديد يارب تسهل ماعندي احد يساعدني ابد الله كريم...ماراضي يجي لي نوم هل صار لكم كذا بعد الولادة الدكتورة ماراضية تشيل الابرة من يدي تقول يمكن تحتاجي مغدي او مضاد واحس بانزعاج من الابرة.
سوري طولت عليكم بقصتي بس قلت ابشركم الله يبشركم ويبشرنا بالخير ويشفي اخت جارتي يارب دعواتكم لها تعبانه مرة🤦‍♀️