Omelaffff @omelaffff

عضوة جديدة

الحمدلله ولدت بس ضايق صدري على ولدي😩

السلام عليكم كيفكم ياحوايات الحمدلله ولدت بالسلامة لي اليوم 12 بس ولدي حبيبي معه اسهال من ولدته واستخدمت له حليب رونالاك ضد الاسهال بعدين نوفالاك ضد الاسهال طبعاً مع الرضاعه الطبيعيه وديته كذا دكتور يقولي طبيعي بس حبيبي تعب والتهب مكان الحفاظ اخر دكتور قالي اقطعي الصناعي وخلك على الطبيعي جلست يومين على الطبيعي ونفس الشيء من عندها خبره بالهموضوع تطمني الله يجزاكم خير 😩

يلزم عليك تسجيل الدخول أولًا لكتابة تعليق.

تسجيل دخول

Um Kroom • 9 سنوات

الحمدلله ع سلامتك ومبرووك المولود شوفي حبيبتي بعض الاطفال طبيعي معهم الاسهال بس فتره او ممكن ولدك يكون فيه عظيم وديه لحرمه ترفع له

لااله الاانت سبحانك اني كنت من الظالمين

mahaa900 • 9 سنوات

لا مستحيل يكون عظيم لأنه مولود له 12 يوم فقط

ماقلتي حبيبتي معاه ترجيع وإستفراغ او بس إسهال ؟

ام مووووووووووي • 9 سنوات

سجلت دخول عشانك والله انتبهي لايكون عنده حساسيه الحليب وهي حساسيه من ماده الجلكوز او اللاكتوز الموجوده بالحليب ويصير الطفل مايقبل اي نوع من الحليب لاطبيعي ولا صناعي يصيبه اسهال مباشرة ويصرف له حليب خاص لهذا النوع يتم صرفه من مستشفى التخصصي

هذي الحاله موجوده عندنا بالعائله في ثلاث اطفال من الولاده

حواء تهمني • 9 سنوات

بالنسبه للي تقول عظيم لسى صغير مايمدي يجيه عظيم
وع فكره الترفيع مو من صالح الطفل
حبيبتي يمكن كثرة تغيير الحليب اثر عليه ماتغيرينه كل فتره جربي خليب اس26
وخليك عليه ومسدي بطنه وجسمه بزيت سمسم او زيتون بس يكون الزيت دافي ولفيه على طول لايجيه برد ولدك
يمكن انتي تلفين ولدك ويعرق وتفكينه في جو بارد ودخله برد

توتو1409 • 9 سنوات

استمري على الطبيعي ووقفي الصناعي
بإذن الله بتشوفي تحسن بعد اسبوع بس استمري
يمكن ولدك مايقبل الصناعي