الحمدلله ولدت بنوته في مستشفى دله اللي تبي تفاصيل المستشفى تدخل

مساء الخير خواتي انا يوم الاثنين 22-3-2011تعبت من صداع فقط وكانوا قايلين لي باقي اسبوعين على الولاده لاكن ماادري قلبي ناغزني على طفلي وزاد الصداع ونفسيتي موكويسه قررت العصر اروح الدكتوره كنت اتابع في مستوصف في الروضه العالمي وحاجزه ولاده في دله المهم غديت عيالي ونضفت البيت وجهزت اغراض الولاده وشنطت البيبي وعلمت زوجي مكان القهوه والشاي واغراض البيت لان ماعندي شغاله وانا بولد في البيت وعلشان يمشي اموره هو والعيال المهم رحت مع اخوي العصر وقالت الدكتوره وينك ماجيتي الاسبوع الماضي توقعت ولدتي لان الشهر التاسع كل اسبوع وانا طنشت المهم قاست الضغط لقته 180 عالي قاست الوزن لقت ارتفع بشكل مخيف قالت لازم اشعه مجرد حطت الجهاز قالت بسرعه روحي المستشفى واطلبي قيصري بيولدونك على طول خفت وجلست ابكي وش فيه قالت الطفل ياخذ ومايصرف والماء كثيره جدا لدرجت الحبل السري حول رقبته والكميه قاعده تزيد والضغط يرتفع على طول كلمت زوجي واعطتني الاوراق والاشعه دخلت المستشفى وعلى طول طلعوني ولاده بعد ماشافوا الاوراق والاشعه وراح زوجي ودفع ولاده قيصري 15000الف عند الدكتوره ممتازه المهم جات دكتوره سودانيه وكشفت من تحت وقبلها ثلاث وسبحان الله الفجر انفتح الرحم ونزل دم وماء وعلمت الدكتوره قالت طبيعي ان شاء الله لاكن من الالم قلت اعطوني مسكن خوف والم قالوا نسوي اشعه سبحانه اعترض الطفل وطلع فوق رجعوا قالوا قيصري قلت خلصوني خلاص معاد اتحمل دخلت غرفت الولاده الصباح وطلعت الضهر والحمدلله كل شي بخير انا والطفله وكانت عنايتهم جدا ممتازه والغرف وكل شي لاكن المكيفات عندهم مشكله حار رغم نقلوني غرفه ثانيه لاكن نفس الشي رغم انها خاصه فالمستشفى ماعليها كلام لاكن لاتحطين ميزانيه معينه لان طلباتهم واجده انا داخله على اسلس 7000 دفعت 16000الف والحمد لله على العافيه