السلام عليكم ورحمة الله وبركاته
ابشركم ولدت بتاريخ 3/15 وانا بكريه طبعآ بهذاك اليوم كنت طفشااااانه وخلاص ابي اولد باي شكل فكانت الساعه 8 الصباح قمت ماحسيت بحركه للجنين وكان معي افرازات خضراء وانتوا بكرامه
فخفت وادق على زوجي وقلت له ابي اروح للمستشفى وبالفعل رحت لمستشفى الملك فهد الحرس الوطني
ودخلت الطوارئ توقعت يحطون جهاز نبضات القلب عشان نتأكد ونطلع << بكريه
خذوا مني القياسات للضغط والحراره وشوي الا وهم جايبين لي اسوارة الولاده انا من الروعه صرت احس بحركة الجنين<<شكله كان نااايم
سألتي الممرضه متى وقفت حركه الجنين قلت الساعه 8 قالت ليه ماجيتي من وقتها<<روعتني زياااده
المهم شوي الا وجايبين لي عربيه عشان اقعد عليها قلت كملت .... قلت عادي اقدر امشي قالوا لا اركبي وركبت وتنقلني الممرضه لغرفة الملاحظه وهناك ركبوا حق نبضات القلب والحمدلله تطمنت وعطوني جهاز قالوا اضغطي عليه اذا حسيتي بحركة الجنين<<<يحسب عدد الحركات
المهم هذا الكلام الظهر وتجي دكتوره وتكشف علي من تحت وقالت 3 سانتي مفتوح وتقول يمكن الافرازات الي شفتي التهاب
ودخلت يدها ودخلت جهاز تقول هذا راح يساعد على سرعة فتح الرحم والطلق<<<يوجع
ويجي العصر وتجي استشاريه وقالت مافيك ولاده<<<من قالكم اني جايه ابي اولد
المهم ويطلعوووني قالوا اذا نزل دم او مويه تعالي
وانا طالعه شريت كيك بالقرفه وياليتني ماكليته
شغل علي الطلق بشكل فضيع والله الم الم الله يكتب الاجر بس الألام هذي بدت معي 12 الليل تقريبا ويوم جت 3 الفجر رحت المستشفى لأني خلاص ماعاد اقدر استحمل من الالم ماعاد اقدر اوقف زين ولا اقعد زين بس اتلوى في مكاني
طبعا معي دم بس من الكشف الي الظهر
واروح ودخلتي عليهم موب زي دخلتي عليهم الظهر خخخخخخخخخخخ
من السياره على العربيه على طول وسبحان الله احس ببرد موب طبيعي ارجف رجف وتشوفني وحده وتجي تقراء علي الله يجزاها خير ويوفقها ويرحم والديها <<من جد هونت علي
ويودوني لغرفة الملاحظه وماطولت فيها ودوني لغرفة الولاده والدكتوره تقول انتي شاربه قرفه طلقك قوي والرحم مافتح كثير قلت لا بس ماكله كيك بالقرفه وكأنها ماصدقتني
المهم سألوني اذا ابي ابرة الظهر قلت ينفع وانا معي القلب قالوا لا خلاص ماراح نعطيك ويوم زاد علي الالم قلت عطوني اياها قالت السستر اللحين بيجي دكتور التخدير <<تصرفني ماشفت رقعة وجهه
وتقول بروبلم يعني مشكله الابره وانتي كذا
ويجيبون لي دكتور قلب يكشف علي ويوم جت الساعه 8 الصبح ولدت بفضل الله
بس من جد مستشفى الحرس اهتمام بالام والبيبي
الله يصلح وليدي وعيالكم قولوا امين
الماَاسه 2009 @almaash_2009
محررة برونزية
يلزم عليك تسجيل الدخول أولًا لكتابة تعليق.
ويسامي
•
الحمد الله على السلامه ومبرووك المولود
الصفحة الأخيرة