الحمدلله ولدت وجاني المهند ^_^

السلام عليكم ورحمة الله وبركاته

صباحكم جوري / ومساكم خير

اللهم لك الحمد ولك الشكر

حبيت انزل لكم قصة ولادتي

والمرمطه بين المستشفيات

سلمكم الله

تقريبا من نهاية السابع والمويه ناقصه عندي وصلت لـ 8

ومع بداية الثامن ارتفعة الى 12 ونص والحمدلله

كملت مراجعاتي بجده بالاطباء المتحدون

ومن اول مراجعه قالو المويه ناقصه 9 قلت ان شاء الله ترجع لطبيعي

وكانت مراجعتي على النص في الثامن رحت قالت المويه ناقصه وصلت 8

ومع بدايه التاسع وصلت المويه ل 6

قالت الدكتوره راح اطلب لك اشعه عشان تتحدد النسبه صح

سويت الاشعه وسالت الدكتوره اخصائية الاشعه قالت

المويه ناقصه والتقرير راح يكون عند دكتورتك بكره ان شاء الله واي شي تقوله لك سويه

هنا انا خفت وبس تفكير

طبعا رجعة و كلمت زوجي عطيته خبر

وثاني يوم رحت لموعدي وعلى اساس التقرير موجود

دخلت على الدكتوره ولا عندها خبر بشي

بس انصدمة من ضغطي كان مرتفع

وقمت شرحت لها وضعي قامت سوت كشف قالت المويه ناقصه

بس روحي سوي هذا التحاليل و تعالي يوم الخميس العصر للمشفى

بصراحه استغربة ضغطي مرتفع والمويه ناقصه
ولا فكرة حتى تحطني تحت الملاحظه :dry:

المهم انا طلعت من عندها و كلمت زوجي >> طبعا هو ما قصر

دق سلف وجاني على جده ثاني يوم رحت مشفى وسويت اشعه وتحليل

وشافتها الدكتوره قالت المفروض دخلتي ولاده من اول اسبوع دخلتي التاسع

المويه ناقصه وصلت ل6 و كمان معكره و بكذا تكون خطوره على الجنين

عاد ما صدق خبر زوجي على طول للطباء المتحدون

وقلب عليهم المشفى ولا بعد لقى التقرير بعده ما وصل ملفي يعني قمت الاهمال

طبعا حاولو يرضونه باي شي دخلوني الطواري بس الدكتوره الموجوده ما رضة تكشف ولا تبي تستقبل حالتي

ويوم جاتني تقول ليه جايه اليوم ليه ما تجلسين ليوم الخميس

عاد هنا صرت انا كذا :blink:

وش هذا الغباء اقول فيه خطوره على الجنين تقول روحي

وتروح تجيب استشاري بدون ما تستاذا مني او من زوجي وتدخله علي

زوجي ما كان موجود وانا في صدمه من تصرفها

طبعا ما مدااها يتكلم الاستشاري الا زوجي داخل

قال الاستشاري انتي عارفه انه مقرر لك عمليه :eek:>>> مدري من وين جاب هذا القرار والملف مع زوجي

قلت ليه وش المشكله قال لانه لك 9 سنين ما حملتي ما نولدك طبيعي

قلت طيب وش المشكه ليه ما اولد طبيعي عمري ما وصل 34 يعني الحمدلله ما وصلت لسن خطر

قال لا ما تولدي طبيعي

واسلوب مستفز جدا

زوجي رد قال بس انا مو مقتنع بكلامك وهذا مو اسلوب :mad:

طبعا بعد صراخ وخصام طلعت من عندهم وانا نفسيتي زفت ما ابي شي اسمه مشفى

رجعت البيت وتعشيت ونمت من 1 وصحيت من 3 هاتك ياافكار تجي وتروح

خفت على الجنين وخفت من العمليه وولا ابي اعرضه لخطر

خاصه ان المويه ناقصه

وعلى الساعه 7 ونص طلعنا انا زوجي فطرنا

ثم رحنا مستشفى سليمان فقيه

رغم اني شفت اسماء مميزه فيه الا اني دخلت

على وحده ما سمعت عنها شي اسمها خديجه عباس



طبعا عطينها ملفي وفهمت حالتي قالت على طول ولاده الحين ادخلك ولاده واعطيك طلق صناعي ولقته مفتوح 3 >>> هنا فرحت قلت يابنت جاك الفرج اخيرا بولد

وبعدها قلت يا كتوره المشفى الفلاني ما عطون سبب مقنع عشان القيصري >> لقافه مني :08:

قلت يقولن كذا وكذا

عشان اني متاخره بحملي

قالت آآآها لا كذا تغير الموضوع

هذا البيبي الغالي الي يجي بعد فتره طويله

ما نتركه يتعرض لالم الولاده والطلق

هذا الطفل المهم

وشرحت لنا الموضوع عكس الاطباء

هنا زوجي اقتنع وانا يعني اقتنعت شوي

بس جلست الوم نفسي ليه قلت كذا كان ولدت طبيعي

واحيان اقول خيره يمكن الطفل ما يتحمل الم الطلق ويصير مضاعفات

المهم على طول دخلتني ولاده

ودخل معي زوجي انا دخلت القسم وانا اقول يارب ما اسمع صوت

على بالي بسمع صراخ وصياح

دخلت القسم كله هدوء

جلست بغرفتي

وجوني الممرضات عطوني لبس ولبسته

بعدها زوجي نزل عشان يطلب غرفه خاصه ويوقع اورق عندهم

وانا جاتني الممرضه وعطتني محلول

وركبت جهاز النبض حق البيبي

ولا اخذت نص الساعه الا زوجي راجع عندي ورجعو اخذو مني بصمه عشان بعد الولاده تنحط مع بصمة الطفل

شوي الا جاي السرير الي بروح فيه على غرفة العمليات

واطلع عليه وزوجي معي الين وصل لمكان ممنوع الدخول ..... هنا هو خرج من باب وانا دخلت من باب


وادخل غرفة الرعب

يابنات جاني عدم تركيز مدري غفوات مدري وشو:23:

المهم صرت اناظر بالممرضات وكل وحده تجهز شي

الشي الوحيد الي انتبهت له سرير الطفل

شوي تجي الممرضه قالت تبين تخدير كامل ولا نصفي

قلت لا نصفي ...شوي يجي دكتور التخدير ..قال عمرك اخذتي تخدير نصفي <<< وانا بكل ثقه ... ايه :biggrin:اخذته

قال ..عمرك عملتي قيصري قبل كذا ..؟ قلت ..لا

قال اجل كيف ...؟؟>> الرجال ان *** مخه :confused:

انا وقتها مو مركزه مدري كيف رديت

قلت مسويه اطفال انابيب :humm:

رد والله ..>> بلهجة المصاريه ويضحك

وانا اقول ايه >>> مدري وش احس فيه وقتها

شوي وتجلسني الممرضه قلت امسكي يدي

انا بس اناظر بالغرفه احس راسي يفر مكانه.

شوي اشوف الدكتور داخل ومعه شنطه

وتجيني دوخه ما حسيت الا بالابره

والكل لا تتحركي لا تتحركي ..ولا ادري وش صار بعده

كاني مخدره كامل

ما حسيت فيهم وهم ينيموني على السرير ولا بدخول الدكتوره

بس لقيت سرير الطفل قدامي وعيني عليه

شوي اشوفهم شايلينه و يحطونه على السرير ويجي عنده دكتور الاطفال وانا عيني عليه

ويجي دكتور التخدير يقول

مبروك جاكي ولد

قلت الحمدلله وعيني عليه ومو مصدقه هذا الحظه

شوي جابته لي الممرضه وهو يبكي واحط يدي عليه ابي احضنه والله شعور مدري كيف اوصفه حلو

ربي لا يحرم احد من هذا الحظه

طبعا ما اشوف لا ادكتوره ولا الي معها

مغير احس كان في احد يدكل بطني

شوي ينقلوني لغرفة الملاحظه وانا اقول جيبي البيبي

والممرضه تقول بعد تروحي غرفتك نجيبه لك

وانا الا جيبوه >> باقي التخدير ماخذ مفعوله

طبعا انا دخلت العمليات ولا احد يدري من اهلي الا اختي

الكبيره عطيتها خبر

وبعد خرجت دق زوجي على الوالده وعطاها خبر ودق على اختي وعلى اهله

وبعدها نقلوني لغرفتي وجني زوجي طاير فرحه

اللهم لك الحمد ربي تمم علينا فرحتنا

طبعا يا بنات

انا ما كنت اعرف شي عن القيصري

طبعا جلست فوق 24 ساعه ما اكل ولا اشرب حتى المويه >> بس الصدق حاولت اشرب شوي ملئ الملعقه مويه بس ابل حلقي نشف من كثر الكلام

كمان لاني ماخذه بنج نصفي

منعوني اجلس او حتى ارفع راسي على مخده لمده ما تقل عن 24 ساعه

وطلبت الممرضه احرك رجولي اول ما اقدر بس تحريك القدم

وهذه قصتي

العذر منكم طولتها بس لاني جد عانيت

واتمنى كل وحده تنتبه لا توصل المويه لهذا المستوى والدكتوره ساكته

انا الين الحين مستغربه ليه ما ولدتني

وش كانت تنتظر ؟؟؟؟ :mad2:

حسبي الله عليهم