الحمدلله ولدت ورجعت لبيتي وبنتي بالسلامه

مرحبا يابنات حواء حبيت ابشركم اني ولدت بالسلامه وجبت احلى عريس الحمدلله
حبين ابشركم لاني ازعجتكم بخوفي من الولاده القيصريه والبنج
هذا الرابط اللي كتبت فيه عن خوفي
http://forum.hawaaworld.com/showthread.php?t=1788211
المهم ابقولكم عن قصه ولادتي رحت لموعدي يوم السبت الموافق 4/7/1430
كان هذا الموعد مع الدكتوره عشان تاكدلي ولادتي لبكره ويشوفني دكتور التخدير ورحت وكنت حاسه من يوم الجمعه حركت الجنين قليله جدا ودخلت على الدكتوره وقالتلي خلاص بكره ولادتك قلتلها ان الجنين حركته قليله قالت يالله نكشف عليك نشوف النبض وسمعت النبض قالت خلاص اطلعي فوق انتي حاله ولاده لان الحركه قليله جدا جاك الموت ياتارك الصلاه :44:ماله داعي ننتظر لبكره حتى ان الساعه حوالي احدى عشر صباحا ودوام الدكتوره باقي عليه ساعه وينتهي ب قالت ابجلس علشانك لان الحاله ماتحمل الانتظار وطلبت دكتور التخدير خالد الحسن لان سمعت ناس في النت يمدحونه وطلعوني لغرفتي فوق ولبسوني واخذوا مني تحاليل ولبسوني كل شي بسرعه دخلت الغرفه الساعه احدى عشر ونص وجابولي جهاز التخطيط وبرضها لجنين ماتحرك الا يمكن شي بسيط جدا ويوم جت الساعه وحده ونص دخلوني غرفه العمليات وانا استغفر واذكر الله احاول اطمن نفسي ويوم دخلت غرفه الولاده والاقي دكتور التخدير يرحب فيني لاني طالبته بالاسم فرح فيني وسلم علي وقالي تطمني انتي بين اهلك واخوانك وجت الدكتوره نضال والله كانت حبوبه اثناء الولاده ودخلوا فيني المغذي وعطاني الدكتور البنج على طول ماجلست في وعيي الا تقريبا عشر دقايق ودخلت دنيا ثانيه ماصحيت الا الساعه ثلاث العصر وزياده صحيت بس مو في وعيي الكامل يعني اعطي خيط خيط وطلبت زوجي ودخل علي في غرفتي العاديه ولمن صحيت شوي قلتله علمت امي اني ولدت قال طبعا قلت اجل خلها تجي وجت هي وامي واختي وبنت اختي والحمدلله على السلامه والله يقوم اللي مابعد ولدوا بالسلامه
اسفه على اني طولت عليكم بس حبيت اطمنكم