السلام عليكم اخواتي
اول شي الحمدلله الحمدلله الحمدلله
اللي قومني بالسلامه ورجعني لبيتي وعيالي وسهل علي الطلق والمخرج
..
طبعا ولدت يوم الاحد ب 29 شوال
من يوم السبت بالليل عالساعه 11 جاني الم اهو مش زي كل مره لاني والده مرتين هالمره بطني يشد ويتحجر بقوه لدرجة ماقدر اوقف
ويرجع يفك جلست ساعه كذا واختفى سبحان الله
الساعه 12 دخلت نمت
قمت الصبح ست وربع لبست عيالي لمدارسهم وفطرتهم وابوهم اجازه طبعا الاحد كان ثاني يوم للايجازه سبحان الله قدم الاجازه بوقتها كانه حاس :icon31:
طلعنا الصبح نوصل العيال ومرينا المركز الصحي كان تعبان شوي ضغطة مرتفع وجلست انا بالسياره استناه والالم رجع لي نفسه الي اهو بطني يتحجر ويفك وظل معي وقت وجلست احسب صار كل ربع ساعه
ركب زوجي السياره وقلت له قال نروح المستشفى
قلت له لا اخاف يمسكوني قام يضحك يقول ليه سجن :06:
قال عالاقل روحي شيكي عالنبض وعالبيبي موخسرانه دام من امس يتحجر بطنك خل نتطمن
وانطلقنا وكنت موقادره اتنفس زين بالسياره وفتشت صراحه ماقدررت
ووصلت الاسعاف للنساء والولاده وكشفت علي الدكتوره وقالت 4 سم
انا وجهي صار كذاا :eek:
ودموعي نزلت غصب اهو خوف اهي صدمه :blink:
قلت لها طيب عطيني ورقة الدخول بعطيها زوجي واخذتها ومن الدلاخه ركبت معه قلت له روح سو لي دخول قالت طيب ليه راكبه معي :06:
نزلت طبعا بعد ماودعته ووصيته على اولادي وصياح ونياح لاني حتى مابستهم
عطوني ملابس وبدلت وحطوني عالكرسي وانطلقت للدور الاول جناح الولاده
طبعا غرفة تطلقين وتولدين فيها وحمام خاص يعني هالغرفه محد يدخلها من المرضى لين تولدين بالسلامه
ركبوا لي التخطيط وكان الطلق جدا خفيف والقابله معي بالغرفه مافارقتني لما ولدت طبعا تغيرت القابله الساعه اربع من سعوديه الى هنديه
وكانو قمة بالذوق الاحترام اي شي اقوله ينفذونه بابتسامه حلوه
الحين يبدا الاكشن الماساوي
دخلت غرفة الولاده 10 بالضبط وكان الطلق شوي شوي يزيد
جات الساعه وحده ونص الظهر بدت دموعي تنزل على خفيف بدون صوت جات قاست لي الدكتوره
قالت 5 سم الطلق بدا يحمى معي بس الرحم يفتح على اقل من مهله اول مره يصير معي كذا
شوي شوي صار الالم كل خمس دقايق
والله والله ياحوائيات ان اذا جاني الالم ماكنت اصرخ او اصيح كنت امسك بالمسكه حقة السرير بقوووه واخ نفس عميق واطلعه مرتين او ثلاث لين تروح الطلقه
وظليت على هالحال ووقت وكنت اقول وقتها كلمه وحده بسس
ياااااااااااااااااااااارب
ياااارب خفف عني
ياااارب سهل علي
كنت اذا جاتني الطلقه بدال ماصرخ اقول ياارب
والله يابنات شوي الا المويه انفكت لحالها مع انهم كانو بفكونها لي ونزلت على ثلاث دفعات مدري لهي مانزلت مره وحده
الساعه خمس قاست لقته سبعه
حمدت ربي وزاد الالم وبرضوا ماصرخت ابد
انا استغرب من اللي يصارخون بعز الطلق احس
الالم يزيد كذا
والحمدلله على سبع الا ربع قامت القابله تطالع الجهاز نادت الدكتوره قاست قالت خلاص تسعه
مدري كيف يعرفون من الجهاز ان خلاص فتح للولاده
افتحت لي رافعة الرجل وقالت حطي رجلك وانا جسمي كله عرررررررررررررررق لاني اتالم موت وساكته حطيت رجلي عالرافعه طبعا النوم عالظهر زاد الالم معي
فجاه كل هالهدووووء انقلب
صرخت صررخه حسيت كل اللي بالقسم ارتاعوا منها
لان الحريم اربع وعشرين ساعه صراخ
طبعا طلعة الراس موهينه غصب صرخت
قالت سكري فمك اكتمي الصرخه ويالله دفي راس قريب
دفيت ودفيت وطلعت بنتي حبيبتي طبعا جبتها بعد ولدين
وطلعوا الممشيمه بعدها بشوي وجات الدكتوره خيطتني طبعا ببنج ابره
وخلوني ست ساعات ملاحظه وبعدها صعدوني الدور الثالث
ملاحظتي عالمستشفى جدا رائع اهتمام ورعايه ومايتركونك ولا لحظه
عيبه زحمه شديده مررره مرره
يعني كويس لحقت على دكتوره تولد مع القابله
لان بعض المرات من شدة الزحمه القابله تولد لحالها
ينتي طبعا جلسوا ينظفوها وودوها الحضانه اختياط للملاحظه
لان معي قلبي شوي تعبان خافو تورث مني والحمدلله طلعت سليمه
ويارب لك الحمد والشكر اللي سهل علي ولو ان كنت بموت من الم الطلق بس مع ذكر الله كل شي يهون
واي سوال انا حاااااضره
وعلى فكره ويشهد علي الله مانسيتكم بالدعاء
دعيت ربي يرزق كل المحرومات والمتاخرات بالحمل بالذريه الصالحه
وسميت بنتي ديمه
بعضهم قالوا حلو وبعضهم قالوا بايخ وقديم \
قلت مومهم انا نفسي بهالاسم من زمان وحابته
وادعولي اخلص نفاسي على خيررر
دلوعة زمانهاااا @dloaa_zmanhaaaa
كبيرة محررات
الحمدلله ولدت .. وهاذي تفاصيل ولادتي بالولاده والاطفال بالدمام .. كتبتها بالتفصيل
93
10K
يلزم عليك تسجيل الدخول أولًا لكتابة تعليق.
قطرات اندى
•
الحمدلله على سلامتك ومبروك البنوته تتربى بعزك انتي وبوها
الحمدلله على سلامك مبروك ماجاك الله يخليه لك ويخليك لعيالك ويجعلهم من حفظة كتابه الكريم
ويهون علي وكل حامل يارب
ويهون علي وكل حامل يارب
الصفحة الأخيرة