الحمدلله يابنات ولدت وقمت بالسلامة

السلام عليكم

الحمدلله يابنات ولدت وقمت انا والبيبي بالسلامة
ايش صار معاي:09: انا اقول لكم
الله يسلمكم انا رحت للمستشفى عشان يحطون لي طلق صناعي لاني عديت موعدي
عاد انا ما صدقت، من الخوف من وصلت كلمت دكتور التخدير وجاني وقلت له ابي ابرة الظهر قال لي خلاص من يدخلونج غرفة الولادة كلميني وانا باجيج من البيت قلت له اوكي
المهم حطولي تحميلتين وانا على فكرة اول مرة اجرب التحميلة دايما كانو يحطون لي طلق صناعي بالجلكوز(السيلان) المهم قالو لي لا تتحركين ساعة قلت اوكي ومرت ساعة :23:وساعتين وثلاث وماحسيت بالم الطلق حتى زوجي قام يضحك علي يقول حتى بالغصب ما تبين تولدين وكنت بس 1 سم وعنق الرحم كان لسه غير مرن المهم فجأة جاني الم الطلق يروح ويجي بس الي قهرني ان التخطيط ما يسجل الطلق وزوجي بعد يضحك يعتقد اني اتوهم المهم قمت ابكي لاني فعلا اتألم بس التخطيط ما يسجل قالت لي الممرضة مش مهم التخطيط احنا ناخذ على الأم وشافت ان الالم منتظم المهم اكشفت علي وكنت 3 سم ونادت الدكتورة وكشفت علي وكنت4 سم نزلوني غرفة الولادة واتصلت اختي بدكتور التخدير وطلع على طول من بيتهم (جزاه الله خير) المهم في الطريق زاد الالم وزاد وزاد والحمدلله الله سلط علي اللي توصلني لين غرفة الولادة تمت تقرأ علي قرءان وتقرا علي الادعية وتنصحني وتقول لي اتنفسي وسبحان الله لما وصلت تحت انفتح كيس الماي واكشفت الدكتورة وقالت لي 7 سم كلشي صار بسرعة بس كان الالم فضيع وكنت اصيح واقول حق اختي اتصلي بدكتور التخدير قالت لي والله اتصلت اهو في الطريق
انا نزلت الساعة 5 وبعد 5 دقايق قلت لهم فيني عصرة وانا على فكرة اول مرة اجرب الولادة من غير بنج لاني في الولادتين اللي قبل اخذت ابرة الظهر المهم اكشفت الدكتورة وقالت لي :06:خلاص توسع كامل اعصري ووصل دكتور البنج بس خلاص ما في فايدة انا في وضع ولادة المهم الساعة5:10 تم بحمدالله وولدت بدون اي نوع من التخدير والله كأنه حلم كأني من الالم كنت سكرانه والحمدلله على كل حال...
على فكرة ترى انا ماخليت نوع من الاعشاب ما شربته والمشي والخروع وغيره وما ولدت ترى كله خرابيط يابنات لا تعذبون روحكم وتشربون اي شي وخليها على الله