الحمد الله حامل بس عندي كيس مائي !!!!

السلام عليكم ورحمة الله وبركاته

انا الحمد الله حامل في نهاية الشهر الثاني بس من اول ماحملت وانا احس نفسي ثقيله مرره وبطني شوي كبير كاني في الرابع وحتى اذا جيت انوم ما ارتاح بس كنت اقول شكلي حامل ب3 او 4 من الثقل ولما رحت للدكتوره قالت لي عندك مع الحمل كيس مائي على المبيض وحجمه كبير 6في 6 كبر البرتقاله تقريبا وعطتني تحويل لمدينة الملك فهد وقالت احتمال في نهاية الثالث يسوون لك عمليه وفعلا لما رحت لمدينة الملك فهد قالو في الاسبوع 14 نسوي لك عملية ونشيل الكيس لان وجوده يضغط على الجنين ومايقدرون يعالجوني وانا حامل بس بحثت في النت كثيرلاني ما احب اسال واشغل الناس وانا مابحثت لكن مالقيت مثل حالتي الا قليل مره اغلبهم بدون حمل ابي اسالكم اذا تعرفون احد صار له مثلي ووش طبيعة العمليه هل لها مضاعفات وهل هي صعبه او عادي وبعد العملية كيف وسمعت ان الكيس ممكن ينفجر ويموت الجنين وش الاشياء الي تخليه ينفجر واي معلومه ممكن تفيدوني فيها لان موعدي بعد شهر فما فيه وقت اسالهم