السلام عليكم ورحمة الله وبركاته،،،،،،
طبعا انا عضوة قديمة كنت كثيرة التواجد في هذا القسم سبحان الله كنت ارتاحله كثير واحبه ومازلت ودايما ادعي ربي يرزق خواتي بالحمل الطبيعي الثابت يارب
انا ولله الحمد حملت بالتلقيح الصناعي ويبت بنوتة ماشاء الله بتكمل سنة الحين ربي يحفظها من كل شر ....
وقبل رمضان اتأخرت دورتي وحللت منزلي وطلع مافي شيء وعقيت التحليل بدرج اللي موجود بالحمام ونسيت موضوعه وانا اصلا اسير الجيم واسوي ريجيم عشان اضعف وناسية موضوع الحمل وابد ماحاطة في بالي واصلا قبله هالشهر كنت آخذ حبوب منع الحمل عشان التكيس وتركته لأنه تعبني والدكتورة قالتلي بس 3 اشهر
المهم بعد اسبوع من هالتحليل شكيت بالموضوع وغير جي في اعراض نفس اعراض حملي ببنتي مثل الاسهال وهذا بالبداية جي ايصير سواء بداية الحمل او الولادة
سرت طلعت التحليل من الدرج هذا بعد اسبوع طبعا والا اجوف خطين كيف جي قلت لا التحليل اتخمر وخرف هههههههه
ريلي خذالي تحليل ثاني وطبعا انا كنت ابا اتأكد لأني اتعالج لأسناني وصار التهاب عصب وغير مرضت من التهاب الحلق والزجام فلازم اعرف عشان الادوية والاشعة وحللت وطلع موجب سبحان الله مااعرف شو صارلي خفت ماادري اضحك فرحت ابصراحة عشان ان الحمل صار طبيعي ولله الحمد
بعدين قلت للدكتور مال الاسنان اني حامل قال ويييييييييه مشكله انتي فيج التهاب ولازم مضاد وتعبت حييييييييل وقال سيري لدكتورتج واسألي إذا ممكن وسرت للدكتورة وجيكتلي سونار مهبلي قالت مااجوف شيء يمكن حمل متأخر وخليني اسوي تحليل دم هرموني
قتلها اوكي سوت وطلعت النتيجة اليوم اللي بعده
وطلع 400 يعني نسبة لابأس بها
وعقب قالت تعالي مرة ثانية اجيك وحددتلي يوم وسرت جفت قالت بعد مااجوف شيء بنحلل دم مرة ثانية اصلا الجنين مايبين بالسونار الا إذا وصل فوق ال 1000 وانا قبل مااحلل نفس اليوم نزل اشوي دم علي خفت وسرت عندها وقالت بنحلل مرة ثانية وحللت وقالت إذا نزل الهرمون يعني الحمل بينزل والنتيجة طلعت
وكانت 700 والمفروض اتكون بهذا اليوم واصلة 1000 يعني ماكانت متضاعفة بس ارتفعت وفي خلل والدم مستمر سبحان الله
والبارحة سرتلها قالت خلاص بينزل الحمل بس عيدي التحليل نهائي يوم الخميس
وسبحان الله اليوم زاد اشوي الدم واحس خلاص راح الحمل ولله الحمد واقول اللهم أأجرني في مصيبتي واخلفلي خيرا منها
وانا راضية كل الرضا واكيد ربي يبالي الاحسن وانا ماكنت دارية مراجعات واشعة ومضادات غير الجيم يعني يمكن مب الوقت المناسب وارد اقول الحمد الله
وبالنهاية ابا اقوللكم شو اللي ساعد على الحمل معنه انه كنت ماخذة مانع وهذا ايسوي مانع طبيعي سبحان الله بس سويت حجامة لأني ابا الدورة تنتظم وابا افتك من الحبوب + اخذ القسط الهندي وسبحان الله صار حمل من اول شهر عشان جي انصحكم بالحجامة ممتاااااااااااااااازة وايد وانا كتبت قصتي في هذا القسم لبعث الامل لخواتي العزيزات وانا متأكدة من هالشيء
ادعولي ربي ايعوضني بغير هالحمل حمل طبيعي وانا مب مستعيلة بالوقت اللي رب العالمين رايدلي وبنتي بعدها صغيرونة..........
واي سؤال انا حاضرة
اختكم ومحبتكم الماسة زوجها
الماسة زوجها @almas_zogha
كبيرة محررات
يلزم عليك تسجيل الدخول أولًا لكتابة تعليق.
محبت امي وايوي
•
الله يعوضك خير يارب
الله يعوضك خير ياربالله يعوضك خير يارب
تسلميلي الغالية وربي يرزقج بالذرية الصالحة المعافة بهذا الشهر يارب
غريبة 14 قراءة وبس رد واحد استغربت وبقوة ابصراحة:44:
غريبة 14 قراءة وبس رد واحد استغربت وبقوة ابصراحة:44:
ألماسة ياعمري
ماشاء االله تبارك الرحمن
والله مره فرحتيني,وصدق كلامك حصول الحمل,ماشاء الله شئ إيجابي
إذا كان فيه خير لك الله يثبته,وإذا شر يبعده عنك يارب
والله يرزقك بأحلى إخوة لبنوتك يارب
وفعلا الحجامة كويسة,ووصى عليها النبي صلى الله عليه وسلم
وتسلمي على نصايحك
ماشاء االله تبارك الرحمن
والله مره فرحتيني,وصدق كلامك حصول الحمل,ماشاء الله شئ إيجابي
إذا كان فيه خير لك الله يثبته,وإذا شر يبعده عنك يارب
والله يرزقك بأحلى إخوة لبنوتك يارب
وفعلا الحجامة كويسة,ووصى عليها النبي صلى الله عليه وسلم
وتسلمي على نصايحك
انا اشكرك اولا واشكر امثالك اللي ما يبخلون علينا بنصايحهم وتجاربهم
وان شاء الله ربي بيعوضك بحمل سليم ومثبت وتجبين احلى بنت واحلى ولد لانك تستاهلين كل خير
عندي سؤال الحجامة هي نفسها كاسات الهوا
او عملت حجامه للجسم عامة مو بالبطن وجزاك الله الف خير
وان شاء الله ربي بيعوضك بحمل سليم ومثبت وتجبين احلى بنت واحلى ولد لانك تستاهلين كل خير
عندي سؤال الحجامة هي نفسها كاسات الهوا
او عملت حجامه للجسم عامة مو بالبطن وجزاك الله الف خير
الصفحة الأخيرة