القصه راح اقولها كامله بدون تقطيع وتشوويق ومو ضروري الرد قد ماهو ضروري تعم الفائده:
يابنات ياعسلات ...
أطلعت على كم رجيم بالمنتدى وحسيتهم مايتوافقون مع نظام رمضان
وطحت على أسلوب ورتبته على شيء مناسب لي وهو
تثقيفي قبل لا يكون رجيم
أولاً
أفتحي مخك وأستقبلي هالمعلووووماااات زين إذا ودك تروحين هالشحووم إلي مسويه زحمه
حبة حماااس
>>>شوي شووي مو مرره ضروري تحسين بالجوع علشان جسمك يدور شيء غير الأكل يحرقه يعني يروح ياخذ له من الشحم إلي متراكم
كل ماحسيتي بحرقة الجووع ابتسمي وقولي هاااه قربناا ننحف ونطلع سوبر موديل
ثانياً لا تقعدين فترات طويله بدون اكل ضروري تنظمين أكلك
وترجعين تخربطينه يعني أمشي على روتين ومو روتين علشان بطنك يتخربط ويبداء يحرق
لا تحرمين نفسك ولااا تنطلقين بدون وعي وتاكلين لحد ماتتعبين وتغتثين
----------------------------------------
نبداء أول شيء
بسم الله الرحمن الرحيم
اذن المغرب هذي بدايه لك
قبل كنتي تاكلين 4 سنبوسات كلي 2
قبل كنتي تاكلين 2 سنبوسه كلي 1
كل حاجه كنت تاكلينها قبل كلي نصف الكميه
اشربي شوربه
أشربي مويه
نص كاس عصير
حاولي يكون فيه سندويتش بر بصدور الدجاج أو سلطه مافيه سلطه
سوولفي وتكلمي حسسي نفسك إنه مالك خلق ومنسده نفسك
وبعد إذا فيه اصناف كثيره لا تحرمين نفسك
خذي صحن صغنتوووتي مثل حجم صحن المخصص لكوب الشاي والكافي أكبر بشوي
وأي شيء تشتهينه عبي هذا الصحن وكلي
بس لا ترجعين تعبينه
خلااااااااااااص خلصناااا من الفطور شبعتي الحمد الله ماجاك شيء ماراح تموتين إذا ماخلصتي ع الفطور وسويتي زحمه
خذي لك شاهي اخضر بدل القهوه
وإنتي قاعده مع اهلك أو رايحه للمسجد تصلين افرحي
بإنجازك أنك ماكثرتي وإنتي الحين جوعانه شووي معناتها انك قاعده تنحفين
تحركي تحركي
أقل حركه رتبي المكان إلي إنتي فيه بحركه سريعه
والسحوووور
خليه مررره بدري حتى لو حصل تتسحرين بالسوق لو إنتي طالعه
مثلاً أشتهيتي بيق ماك مو مشكله كلي بيق ماك
>>>تحب البيق مااك
بس نصه وخذي لك سلطه
اي شيء نصه يعني لا تخلصين عليه
بس المهم أقصى حد الساعه 1 الليل
وأخر الليل قبل الفجر كلي لك تمر وأشربي لك قد ماتقدرين مويه فاتره
وان شاء الله تحصلين على رشاااقة دائمه
وسلامتكم
ملاحظة :
شدي بطنك كل ماتذكرتي كرشتك تحرقين سعرات
أمشي مشيه وسيعة الخطوات وسريعه ماعليك من الناس المهم تلقين نتيجه
بالبيت حاولي ترتبين تروحين وتجين بنفس البيت لا تجلسين بغرفه وحده طوال اليوم
