الحمد الله ربي نجالي ولدي من الموت/ مكرر

السلام اخباركم 
انا ماعرف بالمقدمات عشان كذا ببدا على طول الحمد الله ربي نجالي ولدي من الموت والسبب اني استودعته عندر بي قبل لانمشي كنا بنات العايله كلنا مجتمعين ونبي نطلع نتمشى ونروح الحديقه ونتعشى بالمطعم اخر شي وركبنا مع السواق وعيالي اثنينهم راكبين قدام عند السواق وكنا واقفين عند الاشاره ونبي نلف فوق تحت عشان نروح للحديقه والسياره بنص لفتها انفتح الباب وطاح ولدي انا شفت الباب انفتح صرخت باعلى صوتي وقف امي هي اللي بجنب الباب وتحاول تفتح عيا لاينفتح وانقز قدام من عند السواق وانزل ادوره بكفر السياره لان طيحته لامحاله دايسه الكفر الي ورا يوم شفت مافي اثر على الكفر وادور تحت السياره ومالقاه واقعد اصيح بالشارع اولدي وينه وين راح اثتريه يوم وقفت السياره جا وركب من جنب مرت اخوي تقول كلنا نطالع للكفر وتقول ماشفته من الخرعه والحمد الله نجا من هالحادث بحماية ربي له ياربي لك الحمد وظل كم يوم مايسولف من الخرعه وبعدها يقولي ياماما والله ربي نجاني باعجوبه شوي ولا يدعسني الكفر ويقولي ياماما مدري شلون بعدت عنه  وطلع من الحادث ماشاء الله ولاحول ولا قوة الا بالله سليم حتى خدش ماجاه ياربي لك الحمد حتى وقت مادوره كنت اقول انا مستودعته ماراح يجيه شي ربي راح يحميه لي لاني استودعته هي كل الحادث صار بلحظه بس كانت لحظة رعب الله لايوريها لحد لاصديق ولا عدو
 واوصيك تستودعون اعيالكم وانفسكم وازواجكم واحبابكم وكل من يعز عليكم