الحمد الله والشكر لك يارب ...تذكروني حبيبة مبارك ؟

السلام عليكم ورحمه الله وبركاته

الحمد الله و الشكر لك يارب العالمين ...

شلووونكم بناااااات :)

اتوقع البنااات القدم في المنتدى يعرفوني :)

بناااات اليوم جايه ابي اقول لكم شغله حلوووووه :):)

آخر دورة كانت يوم 27/3 /2009
وشهر 4 كامل ما جت لي الدورة
سويت تحليل البيت بعد الدورة بـ 8 ايام ما طلع لي شي
وخواتي يقولون صبري لا تسوين شي
وانا كنت تعبانه انفلونزا
والدكتورة قالت لي نطري 3 ايام لو ما نزلت الدورة اعطيج دوا ينزلها

سبحان الله ما رحت بالموعد
واامس فقط رحت للطبيبة لاني مليت .. كنت ماخذه حبوب ( مضاد حيوي ) عشان الكحه والانفلونزا
و الدكتورة سوت لي سونار وقالت ما ادري . بطانه الرحم ثقيلة ومو باين معاااي
وقالت الحين تسوين تحليل الدم

و تعرفون .. تحليل الدم والصدمه اللي معااااه سويت تحليل الدم وقلت حق السستر ( الممرضة ) انا ماشية لو طلع التحليل دقي علي !! ردت ان التحليل يبي له ساعة كامله وان النتيجة يحطونها بالملف وانتي دقي على الطبيبة سأليها .. هذا كان مستشفى السلام الكويت . وعطتني الدكتورة ( وصفة ) حق الدوا اللي ينزل الدورة ... وقالت لو النتيجة سلبية اخذي الدوا لو ايجابي لا تاخذين ..وانا اقول لها : انا متأكدة مو حامل مو حاسة بشي !!!

المهم رحت البيت و مريت اهلي اخذت الخادمه عشان تنظف لي البيت ..
سبحان الله الخادمه مسيحية ولي معاها فترة تجي تنظف لي البيت .. وكله تقول : ماما انا صايمة وبدعي لج وامس كان آخر يوم صيام لها .. وتشكي من سوء الوضع و الفلوس مو كافية وتبي فلوس عشان تشتري جم شغلة وانا بالي كله بالتحليل ما كنت معاااها

بس سبحان الله .. قلت بيني وبين نفسي يابنت والله نذر علي لو النتيجة طلعت وكنت حامل نذر علي اعطيها المبلغ اللي اهي طلبته ..

عند الدوارا
و شوي ويجيني الاتصال وتكلمني دكتورتي ( نزهت ) تقول .. يا فلانه انتي حامل !

انا اخترعت

تعرفون بجي .. و فرحه .. ومو مصدقه .. وحاسه نفسي بطير من الوناااااسه .. يا الله لك الحمد والشكر

و انا احلف الدكتورة واهي تحلف اني حامل

وعطتني موعد باجر اجيها .. و كلمتني اني اخذ فولك اسيد ضروري و تبي تتأكد اني قطيت الوصفه اللي كتبتيها اللي اللي تنزل الدم .. و سبحااانك ربي يا الله لك الحمد والشكر عسى كل البناااات يحسون بالفرحه اللي انا فيها

ودقيت على اختي حبيبتي وقلت لها .. وقعد تيبب .. ودقيت على اختي الثانية و الكل يبجي ومرت ابوي تبجي وخواتي كلهم يبجوووون

حتى الخادمه تبجي .. وكان يوم كله بجي بس بجي غير كله فرحه عسى الله يذوق كل محرووومه الفرحه هذه

والحمد الله لك يارب
الحمد الله لك يارب
الحمد الله لك يارب

اربع سنواااات وانا انطر الفرحه هذه .. اربع سنوااااات وانا من مستشفى للثانية .. والحين تحقق حلمي عسى الله يثبته لي يارب ...

بس ناقص فرحتي ان امي الله يرحمها ما شافتني وانا حامل .. عسى الله يرحمها ...

سبحان الله قبلها باسبوع حلمت فيها تغسلني .. تبي تسبحني .. واليوم اقول حق اختي فسرت لي الحلم انه غسل هموووم وكا همج راااح ..

وقبل فترة حلمت فيها تقول لي ... لا تعتمدين على الاطباء ترا الرحم عندج ما يبين البيبي داخله .. ( معنى كلامها طبعا ) الله يرحمها .. وسبحان الله صج كلام الميت حق ..


و تكفووون بناااات اللي ادش تدعي لي ان الله يثبت حملي .. بارك الله فيكم

وتذكرواا بنااات والله ثم الله ان دعوه عبد فقير لكم في ظهر الغيب اكثر من اي شي واهم واثقل عند رب العباااد من كل شي ...