الحمد الله ولدت وجبت بنوته

السلام عليكم روحمه الله وبركاته
كتبت يوم الخميس الموافق 14/ 5 /2009
هذا الموضوع

http://forum.hawaaworld.com/showthread.php?t=1721126

في هذا اليوم الي هو الخميس كنت ناويه اتغداء برا انا وزوجي وارجع للبيت
لاني كنت تعبانه وخفت اروح لاهلي وتجيني الولاده عندهم وبيت اهلي بعيد عن بيتي
وبيتي قريب من المستشفى الي بولد فيها
رحنا وتغدينا انا وزوجي وبنتي وقال زوجي ان عنده شغل قريب من بيت اهلي قالي روحي عندهم واذا حسيتي بشي اتصلي علي على طول قلت اوكي
رحت لاهلي العصر والمغرب قلت خلني اروح للمستوصف الي عند اهلي لاني اتابع عندهم
قلت اخلي الدكتوره تكشف اذا الرحم مفتوح والا لا رحت لها وكشفت علي قالت الرحم مسكر بس يمكن بعد الكشف يبداء يفتح معاك قالت اذا جت الساعه عشر احتمال يفتح واذا حسيتي بشي تعالي
رحت لاهلي وما حسيت باي شي الا الالم الي كانت تجيني وتروح الم بالبطن والظهر بس مو قوي مره وبعد ماكشفت علي الدكتوره تاكدت اني توني على الولاده جت الساعه عشر وما حسيت بشي لما جت الساعه 12 ونص حسيت ان الالم زاد
وبصراحه خفت وكنت اقول لاخواتي شكلي بولد بس كو متاكده وكل شوي اروح للحمام اخر شي اتصلت على زوجي وقلت تعال بسرعه
ورحت تحممت واستعديت طبعا محد يدري الا ثنتين من خواتي وماحبيت اعلم امي
الساعه وحده جى زوجي وقلت لبنتي ياماما انا بروح اطلع الدادا وبوستها ورحت وانا شوي وابكي لاني اخاف من شي اسمه ولاده وولادتي الاولى قيصري وماحسيت بشي والمره هذي اكنت خايفه من الطبيعي
المهم رحت مع زوجي وقال البيت والا المستشفى قلت له لا المستشفى لاني فعلا كنت تعبانه والالم زاد وكان كل خمس دقايق يرجع الالم
دخلنا المستشفى ( مدينه الملك فهد الطبيه )
الساعه 2 بالليل دخلت غرفه الطوارى وكشفت علي دكتوره هنديه او باكستانيه نفسها شينه
وكشفها زي وجهها بغيت اموت وصارخت من الالم
وعصبت قلت لها كم مفتوح ماردت علي طنشتني وراحت سئلت الممرضه الي معاها قالت 3 سانتي
وكنت في وحده مسكينه شكلها بكر وكانت خايفه تقول للدكتوره شوي شوي والدكتوره تنافخ عليها وتقول انا تعبانه من الصباح وانا هنا
قلت في نفسي لو انك من شهر هنا ماراح يكون تعبك زي هالمسكينه الي فيها طلق وولاده
المهم رقوني فوق وعطوني ملفي وكان زوجي بطلع معاي فوق قالو لا ممنوع روح للبيت وبعد ولاده تعال
انا ضاق صدري كان نفسي يكون معاي لاني كنت والده ولادتي الاولى في الحرس ودخل معي زوجي
عاد تعرفون الرجال ماهمهم راح زوجي وقال باخذ لك غرفه خاصه لحد ما تولدين ودعته وطلعت فوق
دخلت غرفه الولاده واااااااااااااااااه من الولاده كنت خايفه ولحالي بس الحمد الله كل الممرضات يجننون طيبين مره ويحاولون يهدون علي وانا كنت مثل الطفل الصغير خايفه وما ادري وش السالفه
كل شوي يزيد علي الطلق وانا اصارخ وهم يقولون خذي نفس لا تصرخين
بس مو قادره الم فضيع وكل ما راح احس اني ادوخ مدري انام مدري والله وش الاحساس هذا بس على طول ما يمديني مغمضه الا ورجع ثاني اااه ياشين هالالم وكل ماكشوف يفتح سانتي
حتى الكشف يتعب مررره وكانو يقولون كل شي تمام والطلق كويس وانا اقول جعله ماينفتح عشان اولد قيصري
كنت لما تنزل المويه اخاف وقول مويه كثير يقولون ايوه كويس هذي مويه راس وانا اخاف اعلمهم لاني ما ادري وش السالفه
بعدين نزل مني دم وحسيت بشي غليض يطلع وقلت لهم دم قالو كويس وانا اعلمهم اخاف ان البزر بيطلع وهم بعيدين عني
بعدين كشفت علي الممرضه قالت كويس ثمانيه ان شاء الله الساعه سبع الصباح ولاده واهلي كل شوي يتصلون ولما اتصلو اخر مره قالت الممرضه الرحم لسى ثمانيه وطبعا علمو امي وانهبلت وجتني هي واختي للمستشفى
وانا خلاص ما اقدر ابي اولد وافتك
بس الحمد الله ان حضي كان زين مع الممرضات كنت اصارخ وهم يهدوني ويقولن لا تصارخين انتي مررره جميله ماشاء الله ان شاء الله يجي بنت جميله سواسوا انتي وانا اقولهم ما ابي بنت جميله ابي اولد وافتك ان شاء الله اجيب شيفه عادي اهم شي اولد واخلص من هالكابوس
بعدين جاني طلق غريب نفس الالم بس كنت ادفع غصب عني احس ان في شي بيطلع
وهم يقولون لا تدفعين لسى خذي نفس
يمكن جاني الطلق هذا خمس مرات ورا بعض احس اني ادفع غصب وقلت خلاص انا في ولاده قالو لسى الحين مفتوح تسعه اذا فتح عشره في ولاده
بس انا حاسه اني خلاص بولد الحين بيطلع البيبي اجل وش الضغط والدفع الي يجي غصب احاول امسك نفسي بس مو قادره
بعدين جابو العده وجت الي بتولدني وقلت للممرضه عطيني ابره بنج اخاف احس بالبيبي وهو يطلع بس الحمد الله عطتني الابره
وتوهم يستعدون الا والدكتوره تشوف راس البيبي بيطلع قالت يلابسرعه البيبي بيطلع وعلى طول جابو العده وانا انهبلت لما شفت المقصات بغيت انهبل جلست اصارخ من الروعه :icon33: وفجئه اجتمعوا الممرضات ودخلت علي دكتوره شكلها اردنيه وقالت لا مو كذا الولاده لا تصارخين خذني نفس وانا عيني في عينها واصارخ ومره اخذ نفس ودخلت علي امي لانها خافت علي وسمعت صراخي بس رجعوها قالوممنوع

والحمد الله طلعت بنتي الساعه سبع الصباح يوم الجمعه :icon28:
والحمد الله كانت طلعت البيبي بسرعه ولا حسيت فيها وبعدين خيطوني حتى الخياطه ما حسيت الا في الاخير بنغزات خفيفه
بعد نص ساعه او ساعه دخلت علي امي واختي
وضمتني امي وكانت خايفه علي لاني اول مره اجرب الطبيعي
ولما اطمنو علي راحو بعيدن جتني الممرضه قالت وش تبين حليب ساده او حليب مع شاي
قلت لا حليب ساده وجابو لي فطور بس ما اكلت الا تمره وكاس حليب
وبعدين ودوني لغرفتي طبعا زوجي حجز لي الغرفه بس راح لاني تاخرت ونام وامي اتصلت عليه تبشره مالقاها الا هالرجال يجيهم عيال وهم نايمين :mad: الله يرحم حالنا يا الحريم :44:
وهذي قصه ولادتي ببنتي الحلوه
بس حبيت استفسر عن بعض الاشياءياريت ما تبخلون علي
اولا ابي اقولكم ان الطبيعي شيييييييييييين ويازين القيصري
دايما يقولون الطبيعي اول ما تولدين ترتاحين ويروح التعب بس العمليه تتعبين بعدين وانا اشوف العكس
العمليه اتعب اسبوع عشره ايام وخلاص والجرح يكون في البطن يعني محتمل
اما الطبيعي الخياطه تطول وتعب انا لي شهر الحين والخياطه ما طاحت
واتعب في الحركه ومتقرفه من نفسي:09:
احساسي بان في المنطقه هذي خياطه احساس متعب ومقرف
والله ان الطبيعي شي مع ان الله الحمد الله سهل علي الولاده الا ان الم الخياطه مع انه مو الم كبير يكفي حتى النغزات البسيطه تجيب لي الضغط مو قادره المسها لما احط كريم ومتقرفه من الوضع وحالتي حاله
والله يستر بعدين اذا بتكون الخياطه كويسه والا لا
ثاني شي ابي اسئلكم
انا لي شهر وطهرت من الدم بس تنزل مني بين فتره وفتره مويه وصخه وريحتكها كريهه هل هذا يعتبر اني لسى ما طهرت؟؟؟ وايش هذي المويه الي تنزل مني هل هذا يدل على اني خربت
مع اني اكل سفوف العشرين يوم الاولى واكل تمر مع رشاد وفلفل ابيض بس ما اكلت الهوم حقت العشرين يوم الاخيره
اكتفيت بالفلفل الاسود والابيض والتمر والرشاد وشاي الاعشاب والقهوه حقت النفاس
ياليت تجاوبوني على تساؤلاتي ولا تبخلون علي :26: