أم المشايخ
•
بارك الله لك فى الموهوب لك وشكرت الواهب وبلغ اشده ورزقت بره
بارك الله لك فى الموهوب لك وشكرت الواهب وبلغ اشده ورزقت برهبارك الله لك فى الموهوب لك وشكرت الواهب وبلغ اشده ورزقت بره
يسلمووووووو حبوبات على الردوود والدعوات الطيبه ،،
roro78
هيه انا بكر ،، وولدت طبيعي والحمدلله ،،وماعرف ليش ولادتي قبل موعدها
انا اصلا عطوني ثلالث مواعيد للولادة :42: وماعرف شو السبب
20 /7 و 25 /7 و28 /7 :eek: بس الدكتوره كانت دايما تأكدلي على اني بولد في 20 /7
&&&&&&&&&& فلم الولادة &&&&&&&&&&&
اكشن :
في يوم الجمعه العصر ماكنت احس بأي ألم اللهم الا شوية ثقل اسفل البطن
وكنت اتكلم مع اختي وحسيت شوي ماي نزل مني ،، رحت للحمام وانتو بكرامه وشفت شوية دم،،خــــفـــت قلت اكيد بولد اليوم ولا باكر ،، وبعدين بدت الهواجيس قلت يمكن تمزق في المشيمه او البيبي صار فيه شي لاسمح الله،،رحت للمستشفى مع اختي واخوي وكنت خاااايفه موت مع ان عندي خلفيه عن الاجراءات لاني كنت اقرا وااايد اثناء فترة الحمل
المهم دخلوني غرفه وحطولي جهاز على بطني يقيس نبضات قلب البيبي ويقيس الطلق عندي وجت سستر وقالت بسويلك فحص داخلي ،، هني انا صدق خفت لان قريت انه مؤلم بس والله كانت يدها ناعمه وحنونه علي مش نفس الدكتوره اللي رح تجيكم قصتها بعد شوي،،،
لقت السستر بأني فاتحه تقريبا 2 سم وقالت باقيلك 14 ساعه عشان تولدين قلت والله مابقى مربطه كذا ونايمه على ظهري 14 ساعه وقلت طلعوني قالن لازم الدكتوره تشوفك المهم جت الدكتوره وكانت مكشره والله ماتذكر انها ابتسمت ولا حاولت اطمني ،،حسيتها قاسيه قلت اذا هذي نظراتها كيف يديها ،،المهم قالت رح اسوي فحص داخلي قلتلها ماكملت نص ساعه من سوتلي السستر !! والله فرق مابين فحص السستر الهنديه وفحصها هي ،،قسم بالله كأنها تتعامل مع خشب وكم مره اقولها لاتوجعيني ولا كأنها تسمع وخذت وقت اطول من السستر واخر شي قالت تقريبا 2 سم ،،طيب اللي قبلك سوت فحص انتي ليش تسوين ولا هي لعبه :09:
المهم قالت اطلعي بس على مسؤوليتك وسألتها قبل ارجع البيت شو اسوي حتى تتسهل الولاده قالت ماشي بس اشربي خروع وسوي رياضة مشي ،،
قلتلها الخروع مايأثر على البيبي قالت لا بس يحمي الطلق،،
رجعت البيت واتصلت على زوجي وخبرته بس ماطاعو يطلعونه من الدوام مع انه قالهم زوجتي بتولد :( رضيت بالواقع وتوكلت على الله وماخليت شي ماسويته،،قريت سورة مريم وكنت اكرر الادعيه اللي تسهل الولادة مشيت وشربت خروع وشربت مغلي القرفه ،، وادربت على التنفس اثناء الطلق وقلت لاختي ذكريني اذا نسيت اتنفس او سويتها بطريقه غلط،،
مرت الليله على خير آلام بسيطه كنت اصحى وارجع انام بسببها ،،الصبح يوم السبت الساعه 8 نزل علي ماي اكثر من اللي نزل البارحه وشفت سدادة عنق الرحم ،،رحت اتصلت على الدكتوره والقهر ماردت علي لين الساعه عشر الصبح وقالتي تعالي بسرعه ،،
<<<< كنت مستغربه ليش للحين ماجاني وجع الطلق اللي اسمع عنه دايما
بعد مارحتلها قالت بسوي فحص ،،:frown: اللي لاحظته انها ماتحط على يديها كريم بعد ماتلبس الغفازات نفس السستر وسوتلي الفحص ولته مفتوح 4 سم قالت اليوم انشالله تولدين ،، راحت وبعد ساعه جت وكانت اتابع التخطيط على الشاشه ،،قالتلي بفتح الماي لان اخاف فيه شي غلط داخل وقالت بعد حتى يحمى الطلق ،،قلتلها افتحي <<< على بالي بدخل صبعها وتفتح الماي مالقيت غير طلعت مقص محتاس راسه ،،قلت ياربي هذي شو بتسوي وماعندي غير كلمة دكتوره لا تعوريني ،،السستر طول الوقت تمسك ايدي وتمسح عليها والله حبيتها من قلب قلبي وكل شوي تقول انشالله كل شي تمام،،المهم افتحت الماي ودخلت ايديها مدري شو تتحسس هناك ،،بعدين وقفت وقعدت اطالع الجهاز وبعدين اطلعت ،،استغربت قلت يعني ولا عندها اي كلمه اطمني فيها يعني شو حتى ماتعرف تبتسم او تخفف عني الخوف اللي فيني،،يعني شو بيضرها لو تلتفت وتقول كل شي طبيعي او تحملي واحنه معاكي او اي شي :( يكفي ان زوجي مش معاي
المهم اتصلت على امي وقلتلها اني في المستشفى وشوي وانا اتكلم في التلفون الا جاني وجع مثل مغص الدوره واختي عندي واخوي ينتظر برا وبعد عشر دقايق جاني طلق ثاني وكان اقوا من الاول وكل فترة وفتره كان يجيني طلق بس ماكنت اصرخ بس كنت اركز على النفس لان فعلا اذا انسى واكتم النفس كان يجيني ألم ماقدر اتحمله بس اذا اركز على النفس يكون اخف ،، يوم كانت اختي تقول نزل نزل نزل احس براحه وترتفع معنوياتي(قصدها قياس الطلق في الجهاز ) المهم بعد ماصار الطلق عالي جدا يعني يالله يالله اتحمل قالت الدكتوره بفحص فحص داخلي يوم بيجيت طلق
وكنت كل ما يجيني طلقين او ثلاثه تروح ادخل ايديها ويصير فيني ألمين ،، ألم الطلق وألم الفحص ،،بس اللي لاحظته انها ماتفحص وبس كانت تقولي ادفعي تحت واحس ايديها يوسعن الرحم وهذا اللي ذبحني وخلاني اتمنى اموووت كل مااشوفها بتسويلي فحص،،المهم امي وصلت وخبرتها بلي تسويه الدكتوره هل هو صح ؟؟ استغربت وقالت هذا الفحص يتسوا مره او مرتين قلتلها تقريبا سوته لي اكثر عن 10 مرات وشوي وجاني طلق وكانت الفتره 4 دقايق بين كل طلق وطلق وجت الدكتوره وقالت بسوي فحص داخلي مع الطلق قالت امي لا لاتسويلها ليش تعذبينها ،،عصبت الدكتوره وقالت خلاص على مسؤوليتكم !!! قالت امي زين ماعندكم جهاز او شي تشوفين كم فتح ،،قالت لا وكانت معصبه وااايد قلت لأمي اطلعي وخليها اتسويه لان خفت على البيبي وسوت الفحص وهي معصبه بعد مالت عليها هي والفحص
بعد شوي حسيت رجليني يتخدرن وفيهن مثل اللسعات وهمه يقولون نامي على جنبت الايسر وانا احس ماقدر اتنفس على الجنب الايسر بس يوم قالو عشان البيبي نبضه يضعف رحت ضغطت على نفسي ونمت على الجنب الايسر بعدين ماعرف شو حسيت في اسفل البطن واول ماقلتلهم جت الدكتوره تفحص وانا احاول ماخلي جسمي يشتد لان سمعت اذا تشنج جسمك من الخوف من الالم رح تتألمين بس والله حاولت ارخي اعصابي ولا قدرت :09: بعد مافحصت قالت ولادة ،،وجابولي كرسي وحطوني عليه وامي تقول مايصير كذا اذا الولد نازل بتضغط على راسه والله اسمعهم يتناقشون والجو متوتر وانا اريد اخلص لان مابقى فيني حيييييييييل ،، والغريبه انهم مابدلو الثوب اللي كنت لابستنه يعني ولدت بجلابيتي والله لو ولدت في البيت كان اهون واستر لي ..
حطوني على سرير مخصص للولادة
<<<<<<<< كنت متوقعه اني رح اولد مستووره وصار العكس
كنت مفكره اني رح اكون مغطيه جسمي ببطانيه او اي شي ثاني والدكتوره تتحسس لين تحس راس البيبي واطلعه بدون حد يشوف شي
والصراحه عكس هذا تماما .. افتحت رجولي وشلحتني وسلطت علي لمبه
ووقفن معاها سسترتين وثلاث فراشات والكل يطالع يالقهـــــــــر،،
قلت للدكتوره وانا في عز الطلق ايش يسون الفراشات في الغرفه طلعيهم ،،تعرفووون شو قالت ،،قالت لا اريدهن يساعدني
حشا تولد ديناصور هب انسان ..
لا القهر اني يوم التفت ان وحده من الفراشات سرلنكيه وماتعرف عربي اطالعني وتهز براسها يعني انتي مسكينه ااااه والله لو فيني حيل ذيك الساعه كان اعطيها شلوتي يطلعها من الغرفه هي والزبالات اللي معاها ،،لا ومكتوب على قمصانهن الزرق بلدية ابوظبي *_*
المهم كانت امي واقفه وماسكه في يدي وقالتها الدكتوره اطلعي وانتظري في غرفة الانتظار ،،قالت مش طالعه هذي بنتي ماقدر اخليها (فديتها انا ) ماطاعت الدكتوره وانا فيني طلق وهي تحايل في امي تطلع ولا سالت فيني وانا اللي اتوجع ومدري البيبي وصل ولا لا،، قلت خلاااص امي اطلعي لاتعصب وتسوي فيني شي..اطلعت امي والدكتوره تقولي ادفعي حتى لو ماشي الم ،،يعني انا انتظر الطلق اللي يخلي جسمي يدفع تلقائي نفس ماقريت بس هي تقولي ادفعي مع الالم وبدون الالم ،،رحت فكرت في خاطري وقلت هذي الدكتوره مش صاحيه وماتعرف شي كيف يعني ادفع بدون الم احسن شي اسوي نفس اللي كنت اقراهن وادفع مع الالم بس ..
اللي تعبني نفسيا اني كنت اسمعها تتكلم بالانجليزي ..صح اني مش فالحه بالانجليزي بس كنت افهم وكانت تقول انا مرهقه جدا واريد اخلص بسرعه ..وشوي واسمعها تقول كان عندي ثلاث ولادات البارحه ..وقالت شي عن البيبي مافهمته بس بعدين فهمت انها تريد تسوي شفط للبيبي ؟،؟، هني قلت لااااااااااا بيطلع بدون شفط ،، ماله داعي الشفط
قالتلي بعدين بنسويلك عمليه قلت لا عمليه ولا شفط كل شي طبيعي بس محتاجه وقت وشوي ويجيني طلق وادفع وادفع ويحطولي اكسجين مع كل طلق ولاحظت اني اتعب اكثر مع الاكسجين اثاري العله السرلنكيه ماشغلت الاكسجين وكل ماقول لدكتوره مافيه اكسجين تقول لا فيه بس انتي اسحبي نفس اقوا اخر شي عصبت لان متاكده ان مافيه اكسيجن واروح والصقه في وجه الدكتوره واقولها شوفي فيه ولا مافيه ،،عقب هالازمه شغلنه وجاني اكسجين ..مع الدفع تقولي الدكتوره قرب والله قرب ادفعي ومره كنت ادفع وشفتها جابت المقص وشقت هناك بس ماحسيت فيه وهي تقص ،،بعدين صارت تخوفني مره تقول ولدج بيروح منج ادفعي ومره تقول انتي ماتعرفين تدفعين وكلام من هذا وكنت افكر في خاطري ان مستحيل يطلع والله جاني احباط وايست بانه رح يطلع اليوم واقول معقوله بيمر هاليوم ياربي مطول الوقت ويوم قالتلي انتي ماتريدين ولدج لانه بكذا بيروووح منج وتخيلت اني بخسره بعد هالتسع شهور وهالالم كله،، وماتلاقوني غير دفعت لين قطعت النفس نهائيا وحسيت في لحظه اني اذا ماتنفست الحين بموووت بس ماتنفست لين سمعتها تقول طلع طلع،،ريحت راسي شوي على المخده بعدين رفعت راسي لقيتها ماسكتنه بالمقلوب من رجله واشوف الحبل السري وهمه عدهم ماقطعوه ،،بعدين اقطعوه وعطته وحده من السسترات والغريبه اني ماسمعته يبكي الا يوم كانو ينظفونه ،،يوم التفت له وهو على مسافه بعيده شوي لقيتهم حاطيله اكسجين خفت وقلت شو ليش يحطوله اكسجين حسبت يحتاج حضانه او شي لا سمح الله بس قالو هذا شي روتيني للمواليد الصغار
بعدين جت امي وامسكت يدي وتقولي قولي الحمد لله قولي الحمدلله نطقتها بس ماكنت فرحانه ماعرف ليش يمكن من شدة التعب ويمكن لاني كنت افكر في الخياطه..بعدين ناديت الدكتوره قلتلها باقي المشيمه طالعتني وقالت شو انتي دكتوره تعرفين كل شي :22: بس ماضحكت لان كنت احس بقلق اخاف ماتخيطني وتخليني كذا ..المهم جتني وضغطت على بطني هي ومعها سستر وانا دفعت لان قريت لازم تدفعين عشان تطلع المشيمه بعد ماطلعت راحت الدكتوره شفتها تاخرت قعدت اناديها عشان تخيطني قالت اصبري لين ياخذ البنج مفعوله.. وبعدين جت وقعدت ساعه تخيط وانا على اعصابي خايفه توغزني ولا شي وفي نفس الوقت رجولي يرتعشن من البرد والتعب وهي ماخلصت وانا ماقدر اقول شي اخاف تعصب ولا تخيطني زين..بعد ماخلصت حطوني على كرسي وودوني الغرفه كنت بردانه ولبستني اختي دلاغ صوف من الشنطه اللي جهزتها لهاليوم وحطت الشال علي وبطانيتين بعدين جا اخوي فديته بعد مارتحت ساعه وكان جايب معه حليب روابي وعصاير وغصبني اشرب شوي عصير وشوي حليب وهذا اللي خلاني ارجع ،،قالت السستر ممنوع تشربين حليب ومعاه عصير لانه يرهق المعده وهي ماتقدر تهضم الحين..كنت مشتاقه اشوف حمودي على الرغم من الارهاق اللي احسه وشوي وانهم جايبين حمودي فدييييييييته وتوته توته خلصت الحتوته ..
ول ول ول سووووري بنات مادريت اني كتبت هالكثر :42:
لزوووم الفلم وعذرا على الاطاله..^__^
roro78
هيه انا بكر ،، وولدت طبيعي والحمدلله ،،وماعرف ليش ولادتي قبل موعدها
انا اصلا عطوني ثلالث مواعيد للولادة :42: وماعرف شو السبب
20 /7 و 25 /7 و28 /7 :eek: بس الدكتوره كانت دايما تأكدلي على اني بولد في 20 /7
&&&&&&&&&& فلم الولادة &&&&&&&&&&&
اكشن :
في يوم الجمعه العصر ماكنت احس بأي ألم اللهم الا شوية ثقل اسفل البطن
وكنت اتكلم مع اختي وحسيت شوي ماي نزل مني ،، رحت للحمام وانتو بكرامه وشفت شوية دم،،خــــفـــت قلت اكيد بولد اليوم ولا باكر ،، وبعدين بدت الهواجيس قلت يمكن تمزق في المشيمه او البيبي صار فيه شي لاسمح الله،،رحت للمستشفى مع اختي واخوي وكنت خاااايفه موت مع ان عندي خلفيه عن الاجراءات لاني كنت اقرا وااايد اثناء فترة الحمل
المهم دخلوني غرفه وحطولي جهاز على بطني يقيس نبضات قلب البيبي ويقيس الطلق عندي وجت سستر وقالت بسويلك فحص داخلي ،، هني انا صدق خفت لان قريت انه مؤلم بس والله كانت يدها ناعمه وحنونه علي مش نفس الدكتوره اللي رح تجيكم قصتها بعد شوي،،،
لقت السستر بأني فاتحه تقريبا 2 سم وقالت باقيلك 14 ساعه عشان تولدين قلت والله مابقى مربطه كذا ونايمه على ظهري 14 ساعه وقلت طلعوني قالن لازم الدكتوره تشوفك المهم جت الدكتوره وكانت مكشره والله ماتذكر انها ابتسمت ولا حاولت اطمني ،،حسيتها قاسيه قلت اذا هذي نظراتها كيف يديها ،،المهم قالت رح اسوي فحص داخلي قلتلها ماكملت نص ساعه من سوتلي السستر !! والله فرق مابين فحص السستر الهنديه وفحصها هي ،،قسم بالله كأنها تتعامل مع خشب وكم مره اقولها لاتوجعيني ولا كأنها تسمع وخذت وقت اطول من السستر واخر شي قالت تقريبا 2 سم ،،طيب اللي قبلك سوت فحص انتي ليش تسوين ولا هي لعبه :09:
المهم قالت اطلعي بس على مسؤوليتك وسألتها قبل ارجع البيت شو اسوي حتى تتسهل الولاده قالت ماشي بس اشربي خروع وسوي رياضة مشي ،،
قلتلها الخروع مايأثر على البيبي قالت لا بس يحمي الطلق،،
رجعت البيت واتصلت على زوجي وخبرته بس ماطاعو يطلعونه من الدوام مع انه قالهم زوجتي بتولد :( رضيت بالواقع وتوكلت على الله وماخليت شي ماسويته،،قريت سورة مريم وكنت اكرر الادعيه اللي تسهل الولادة مشيت وشربت خروع وشربت مغلي القرفه ،، وادربت على التنفس اثناء الطلق وقلت لاختي ذكريني اذا نسيت اتنفس او سويتها بطريقه غلط،،
مرت الليله على خير آلام بسيطه كنت اصحى وارجع انام بسببها ،،الصبح يوم السبت الساعه 8 نزل علي ماي اكثر من اللي نزل البارحه وشفت سدادة عنق الرحم ،،رحت اتصلت على الدكتوره والقهر ماردت علي لين الساعه عشر الصبح وقالتي تعالي بسرعه ،،
<<<< كنت مستغربه ليش للحين ماجاني وجع الطلق اللي اسمع عنه دايما
بعد مارحتلها قالت بسوي فحص ،،:frown: اللي لاحظته انها ماتحط على يديها كريم بعد ماتلبس الغفازات نفس السستر وسوتلي الفحص ولته مفتوح 4 سم قالت اليوم انشالله تولدين ،، راحت وبعد ساعه جت وكانت اتابع التخطيط على الشاشه ،،قالتلي بفتح الماي لان اخاف فيه شي غلط داخل وقالت بعد حتى يحمى الطلق ،،قلتلها افتحي <<< على بالي بدخل صبعها وتفتح الماي مالقيت غير طلعت مقص محتاس راسه ،،قلت ياربي هذي شو بتسوي وماعندي غير كلمة دكتوره لا تعوريني ،،السستر طول الوقت تمسك ايدي وتمسح عليها والله حبيتها من قلب قلبي وكل شوي تقول انشالله كل شي تمام،،المهم افتحت الماي ودخلت ايديها مدري شو تتحسس هناك ،،بعدين وقفت وقعدت اطالع الجهاز وبعدين اطلعت ،،استغربت قلت يعني ولا عندها اي كلمه اطمني فيها يعني شو حتى ماتعرف تبتسم او تخفف عني الخوف اللي فيني،،يعني شو بيضرها لو تلتفت وتقول كل شي طبيعي او تحملي واحنه معاكي او اي شي :( يكفي ان زوجي مش معاي
المهم اتصلت على امي وقلتلها اني في المستشفى وشوي وانا اتكلم في التلفون الا جاني وجع مثل مغص الدوره واختي عندي واخوي ينتظر برا وبعد عشر دقايق جاني طلق ثاني وكان اقوا من الاول وكل فترة وفتره كان يجيني طلق بس ماكنت اصرخ بس كنت اركز على النفس لان فعلا اذا انسى واكتم النفس كان يجيني ألم ماقدر اتحمله بس اذا اركز على النفس يكون اخف ،، يوم كانت اختي تقول نزل نزل نزل احس براحه وترتفع معنوياتي(قصدها قياس الطلق في الجهاز ) المهم بعد ماصار الطلق عالي جدا يعني يالله يالله اتحمل قالت الدكتوره بفحص فحص داخلي يوم بيجيت طلق
وكنت كل ما يجيني طلقين او ثلاثه تروح ادخل ايديها ويصير فيني ألمين ،، ألم الطلق وألم الفحص ،،بس اللي لاحظته انها ماتفحص وبس كانت تقولي ادفعي تحت واحس ايديها يوسعن الرحم وهذا اللي ذبحني وخلاني اتمنى اموووت كل مااشوفها بتسويلي فحص،،المهم امي وصلت وخبرتها بلي تسويه الدكتوره هل هو صح ؟؟ استغربت وقالت هذا الفحص يتسوا مره او مرتين قلتلها تقريبا سوته لي اكثر عن 10 مرات وشوي وجاني طلق وكانت الفتره 4 دقايق بين كل طلق وطلق وجت الدكتوره وقالت بسوي فحص داخلي مع الطلق قالت امي لا لاتسويلها ليش تعذبينها ،،عصبت الدكتوره وقالت خلاص على مسؤوليتكم !!! قالت امي زين ماعندكم جهاز او شي تشوفين كم فتح ،،قالت لا وكانت معصبه وااايد قلت لأمي اطلعي وخليها اتسويه لان خفت على البيبي وسوت الفحص وهي معصبه بعد مالت عليها هي والفحص
بعد شوي حسيت رجليني يتخدرن وفيهن مثل اللسعات وهمه يقولون نامي على جنبت الايسر وانا احس ماقدر اتنفس على الجنب الايسر بس يوم قالو عشان البيبي نبضه يضعف رحت ضغطت على نفسي ونمت على الجنب الايسر بعدين ماعرف شو حسيت في اسفل البطن واول ماقلتلهم جت الدكتوره تفحص وانا احاول ماخلي جسمي يشتد لان سمعت اذا تشنج جسمك من الخوف من الالم رح تتألمين بس والله حاولت ارخي اعصابي ولا قدرت :09: بعد مافحصت قالت ولادة ،،وجابولي كرسي وحطوني عليه وامي تقول مايصير كذا اذا الولد نازل بتضغط على راسه والله اسمعهم يتناقشون والجو متوتر وانا اريد اخلص لان مابقى فيني حيييييييييل ،، والغريبه انهم مابدلو الثوب اللي كنت لابستنه يعني ولدت بجلابيتي والله لو ولدت في البيت كان اهون واستر لي ..
حطوني على سرير مخصص للولادة
<<<<<<<< كنت متوقعه اني رح اولد مستووره وصار العكس
كنت مفكره اني رح اكون مغطيه جسمي ببطانيه او اي شي ثاني والدكتوره تتحسس لين تحس راس البيبي واطلعه بدون حد يشوف شي
والصراحه عكس هذا تماما .. افتحت رجولي وشلحتني وسلطت علي لمبه
ووقفن معاها سسترتين وثلاث فراشات والكل يطالع يالقهـــــــــر،،
قلت للدكتوره وانا في عز الطلق ايش يسون الفراشات في الغرفه طلعيهم ،،تعرفووون شو قالت ،،قالت لا اريدهن يساعدني
حشا تولد ديناصور هب انسان ..
لا القهر اني يوم التفت ان وحده من الفراشات سرلنكيه وماتعرف عربي اطالعني وتهز براسها يعني انتي مسكينه ااااه والله لو فيني حيل ذيك الساعه كان اعطيها شلوتي يطلعها من الغرفه هي والزبالات اللي معاها ،،لا ومكتوب على قمصانهن الزرق بلدية ابوظبي *_*
المهم كانت امي واقفه وماسكه في يدي وقالتها الدكتوره اطلعي وانتظري في غرفة الانتظار ،،قالت مش طالعه هذي بنتي ماقدر اخليها (فديتها انا ) ماطاعت الدكتوره وانا فيني طلق وهي تحايل في امي تطلع ولا سالت فيني وانا اللي اتوجع ومدري البيبي وصل ولا لا،، قلت خلاااص امي اطلعي لاتعصب وتسوي فيني شي..اطلعت امي والدكتوره تقولي ادفعي حتى لو ماشي الم ،،يعني انا انتظر الطلق اللي يخلي جسمي يدفع تلقائي نفس ماقريت بس هي تقولي ادفعي مع الالم وبدون الالم ،،رحت فكرت في خاطري وقلت هذي الدكتوره مش صاحيه وماتعرف شي كيف يعني ادفع بدون الم احسن شي اسوي نفس اللي كنت اقراهن وادفع مع الالم بس ..
اللي تعبني نفسيا اني كنت اسمعها تتكلم بالانجليزي ..صح اني مش فالحه بالانجليزي بس كنت افهم وكانت تقول انا مرهقه جدا واريد اخلص بسرعه ..وشوي واسمعها تقول كان عندي ثلاث ولادات البارحه ..وقالت شي عن البيبي مافهمته بس بعدين فهمت انها تريد تسوي شفط للبيبي ؟،؟، هني قلت لااااااااااا بيطلع بدون شفط ،، ماله داعي الشفط
قالتلي بعدين بنسويلك عمليه قلت لا عمليه ولا شفط كل شي طبيعي بس محتاجه وقت وشوي ويجيني طلق وادفع وادفع ويحطولي اكسجين مع كل طلق ولاحظت اني اتعب اكثر مع الاكسجين اثاري العله السرلنكيه ماشغلت الاكسجين وكل ماقول لدكتوره مافيه اكسجين تقول لا فيه بس انتي اسحبي نفس اقوا اخر شي عصبت لان متاكده ان مافيه اكسيجن واروح والصقه في وجه الدكتوره واقولها شوفي فيه ولا مافيه ،،عقب هالازمه شغلنه وجاني اكسجين ..مع الدفع تقولي الدكتوره قرب والله قرب ادفعي ومره كنت ادفع وشفتها جابت المقص وشقت هناك بس ماحسيت فيه وهي تقص ،،بعدين صارت تخوفني مره تقول ولدج بيروح منج ادفعي ومره تقول انتي ماتعرفين تدفعين وكلام من هذا وكنت افكر في خاطري ان مستحيل يطلع والله جاني احباط وايست بانه رح يطلع اليوم واقول معقوله بيمر هاليوم ياربي مطول الوقت ويوم قالتلي انتي ماتريدين ولدج لانه بكذا بيروووح منج وتخيلت اني بخسره بعد هالتسع شهور وهالالم كله،، وماتلاقوني غير دفعت لين قطعت النفس نهائيا وحسيت في لحظه اني اذا ماتنفست الحين بموووت بس ماتنفست لين سمعتها تقول طلع طلع،،ريحت راسي شوي على المخده بعدين رفعت راسي لقيتها ماسكتنه بالمقلوب من رجله واشوف الحبل السري وهمه عدهم ماقطعوه ،،بعدين اقطعوه وعطته وحده من السسترات والغريبه اني ماسمعته يبكي الا يوم كانو ينظفونه ،،يوم التفت له وهو على مسافه بعيده شوي لقيتهم حاطيله اكسجين خفت وقلت شو ليش يحطوله اكسجين حسبت يحتاج حضانه او شي لا سمح الله بس قالو هذا شي روتيني للمواليد الصغار
بعدين جت امي وامسكت يدي وتقولي قولي الحمد لله قولي الحمدلله نطقتها بس ماكنت فرحانه ماعرف ليش يمكن من شدة التعب ويمكن لاني كنت افكر في الخياطه..بعدين ناديت الدكتوره قلتلها باقي المشيمه طالعتني وقالت شو انتي دكتوره تعرفين كل شي :22: بس ماضحكت لان كنت احس بقلق اخاف ماتخيطني وتخليني كذا ..المهم جتني وضغطت على بطني هي ومعها سستر وانا دفعت لان قريت لازم تدفعين عشان تطلع المشيمه بعد ماطلعت راحت الدكتوره شفتها تاخرت قعدت اناديها عشان تخيطني قالت اصبري لين ياخذ البنج مفعوله.. وبعدين جت وقعدت ساعه تخيط وانا على اعصابي خايفه توغزني ولا شي وفي نفس الوقت رجولي يرتعشن من البرد والتعب وهي ماخلصت وانا ماقدر اقول شي اخاف تعصب ولا تخيطني زين..بعد ماخلصت حطوني على كرسي وودوني الغرفه كنت بردانه ولبستني اختي دلاغ صوف من الشنطه اللي جهزتها لهاليوم وحطت الشال علي وبطانيتين بعدين جا اخوي فديته بعد مارتحت ساعه وكان جايب معه حليب روابي وعصاير وغصبني اشرب شوي عصير وشوي حليب وهذا اللي خلاني ارجع ،،قالت السستر ممنوع تشربين حليب ومعاه عصير لانه يرهق المعده وهي ماتقدر تهضم الحين..كنت مشتاقه اشوف حمودي على الرغم من الارهاق اللي احسه وشوي وانهم جايبين حمودي فدييييييييته وتوته توته خلصت الحتوته ..
ول ول ول سووووري بنات مادريت اني كتبت هالكثر :42:
لزوووم الفلم وعذرا على الاطاله..^__^
الحمد لله على سلامتج ياأم محمد .......... ومبروك عليج حمودي....... الله يجعله من مواليد السعاده.
على فكرة أنا ولدت معاك في نفس اليوم 1-7-2006 ويبت ولد وسميته حمد بس في مستشفى الوصل في دبي والله ما في أحسن من عنايتهم.
على فكرة أنا ولدت معاك في نفس اليوم 1-7-2006 ويبت ولد وسميته حمد بس في مستشفى الوصل في دبي والله ما في أحسن من عنايتهم.
الصفحة الأخيرة