الْحَمْد لِلَّه الَّذِي بِحَمْدِه تَتِم الْنِّعَم【 قِصَّة وِلَادَتِي بِبنُوتِي】

بسم الله الرحمن الرحيم

الحمد لله الذي يعطي بلا حساب ،
ويرزق الطير والنمل من غدق السحاب ،
الحمد لله الذي يهب لمن يشاء الذكور ويهب لمن يشاء الاناث ويجعل من يشاء عقيما ....

بفضل الله ومنته وكرمة وحده لا شريك له
الواحد الأحد القهار الفرد الصمد الذي لم يلد ولم يولد ولم يكن له كفواً أحد

اكتب لكم قصة ولادتي بصغيرتي ريناد والتي كانت يوم الثلاثاء بتاريخ 1/3/2011


في البدايه يوم الجمعه تاريخ 25-2 بعد ماطوفت يومين من العاشر
وبعد تهديد دكتورتي انو يوم الاحد لما اجيها على موعدي
راح تعمل لي تحريض بديت افكر في المحرضاات مع اني ضدها تماما
بس بالنسبه لي تبقى ارحم من التحريض الي جربته مرتين
وكانت من اصعب ولاداتتي المهم من يوم الجمعه شريت يانسون علاق حق وادي االنحل
وصرت اشرب يوميا كاس بدت معي اوجاع على خفيف
تزيد شوي وقت النوم و بطني يتحجر كثيير وافرازات كثير

المهم يوم الاحد رحت لموعدي سالتني الدكتوره اذا كنت احس بشى
قلت لها اوجاع خفيفه وتحجر قالت كويس هذا معناته الرحم يتهيأ للولاده
يالله اطلعي عالسرير نعمل تحريض وان شاء الله يومين وانتي والده
انا هنا طارت عيوني ماااااااااابي :icon33:


قلت لها اعطيني فرصه ع الاقل للاسبوع الجاي لو ماولدت سوي اللي تبينه

قالت لوعلي اعطيك اسبوعين مش اسبوع بس انتي عندك سكر
ومش في صالحك تتأخرين اكثر من كذا قلت لها بتوكل على رب العالمين
قالت خلاص اعملي حسابك ع الموعد الجاي راح نعمل التحريض

انا هنا تعبت نفسيتي وصكت الدنيا بوجهي
صرت اتمنى اولد اليوم قبل بكره وقبل لايجي الموعد

المهم كملت ع اليانسون يوميا وأمشي ع الرمل بس مش يوميا
لان ابوالعيال مايفضى لي

يوم الاثنين المغرب كنت هنا بالتجمع وقريت وحده تمدح الزعتر
قلت خليني اجربه يمكن الله يسهلها واولد اخذت لي كاسه
وبالليل قبل انام نزل علي وانتو بكرامه افراز غليظ بس ماتوقعت انو يكون بوادر ولاده
لانه على اصفر مامعه دم ومعي مغص خفيف ..
وبالليل صار جمـــــ....وتروشت بعدها بماي حار
وتأخرت تحت الدوش يمكن نص سااعه

ونمت ..
يوم الثلاثاء الفجر صحيت على مغصه خفيفه قمت وصليت وجهزت عيالي للمدارس
وكان عند بنتي مجلس امهات للصف الاول
قعدت بنتي الصغيره من النوم قلت لها تبين تروحين معي مجلس الامهات
يالله قومي افطري قامت تفطروكنت ناويه اروح مشي لان المدرسه قريبه من البيت..

شوي الا واحس بهذاك الصوت تحت وينزل علي المااااااااي
هنا خلاص انفجعت وتفاجأت قلت لبنتي خلاص حبيبتي ارجعي نامي ماراح نروح المدرسه
صحيت بنتي الكبيره من النوم وقلت لها قومي انا بروح المستشفى
وصحيت زوجي وقلت له انفجع المسكين وخااف الظاهر انبه ضميره هههههههههههههه

قبل اروح المستشفى شربت كاس حليب بالحلبه والحبه السودا واليانسون
وبعدها كاس بابونج وشميت حلتيته

وصلت المستشفى الساعه 8ونص هناك جات الدكتوره على طول اخذت عينه من الماي
وقالت ماراح افحص لان الماي نزل ونخاف يصير لك التهاب بس بشوف بالجهاز
شافت قالت الرحم مسكككككر والماي نازله .. بنومك ..
والله يابنات ضاقت بي الدنيا بدت الطلوق تقوى وانا اصارخ عليهم
وهي تقول ياماما ما أقدر افحصك بس لوحسيتي بدفع نادي ع الممرضه ..
ع الساعه 10ونص ترجيتها تفحص
فحصت وقالت الرحم مسكر لومر اربع وعشرين ساعه ماأنفتح بنعمل قيصري

والالم كل ماله يزيد قلت للممرضه فكي المغذي بتوضا عشان اصلي الظهر
رحت وتوضيت وصليت ودعيييييييت

رجعت لسريري وركبت لي المغذي والالم كل ماله يزييييد
وتجيني ذيييييك الطلقه القويه بغت تطلع رووحي
وانا انادي ع الممرضه وتعطيني الكمام واشفط لين ادوووخ ولافي فايده
وتجي الثانيه وتتوالا الطلوق واحس بدفع واصييح ع الممرضه ولاااااااااده

وتجي الدكتوره وتشوف وتصارخ ع الممرضات الحمدلله ولاده
ويشيلون مني الكماام ويحضرون العده من مقصاات وغيره
ثلاث طلقات والرابعه شرفت نونتي فديتها ع الساعه 1ونص :icon28:


بعدها قالت استرخي عشان تطلع المشيمه ..
وصار عندي نزيف وتصارخ ع الدكتوره ويصيرون يدخلون يدينهم
ويدلكون بطني من فوق ويعطوني ابره وتحاميل ويدلكون ويدلكون
وانا اصيح من الالم لين خف النزيف ع الاربع ونص

خلوني بعدها ساعتين بغرفة الملاحظه وبعدها طلعوني لغرفتي
وتوته توته انتهت الحدوته



الخلااااصه

ملاحظاتي قبل الولاده

مغص تحجر مع زيادة حركة الجنين

افرازات كثيره كنت اظنها التهابات

مغص يزيد مع أي حركه ويختفي لارتحت

نصايحي

شري اليانسون يوميا

المشي

شرب مغلي الزعتر للامانه شربته مره وحده بس

وكنت يوميا اشري حليب بالزنجبيل

قبل اروح المستشفى شربت كاس حليب بالحبه السودا والحلبه واليانسون

وبعدها شربت كاس بابونج

وتوكلت على رب العالمين

ولاتنسون ورد الولاده

انا محملته على جوالي وكنت اسمعه بغرفة الولاده



الله يهون على جميع الكروووشات ويرزق اخواتنا المتاخرات

ويرزقني واياكم بر ذريااتنا وصلاحهم

كتبت تجربي للفائده فلاتنسوني من دعواتكم

اللهم لك الحمد حتى ترضى ولك الحمد اذا رضيت
ولك الحمد من بعد الرضا ولك الحمد على كل حال