الحمد لله بس طفشششت

الحمد لله علي كل حال،،، وسبحان الله والحمد لله والله اكبر ،،،،يارب فرج همي وجبر كسري يارب العالمين ،،،،، اخواتي انا ماكتبت لكم اليوم إلا لأَنِّي أبغى احد يساعدني ويشور علي اخواتي انا تعبت مليت نفسيتي تعباانه ،،،،،،انا إجاني بنت من اربع شهور ماشاء الله بارك الله يارب الله يحفظها ويخليها لي ومن وانا حامل قلت طلعاتي وزوجي كان يقولي انتي حامل خلاص مو لازم تطلعي ونادرا ما اطلع ومن يوم ماولدت مافي غير هالبيت وبس ناااااااادرا بس يطلعنا حتي يمشينا بالسيارة ماغير يلف فينا بالسيارة بالشوارع ويرجعنا البيت من النادر اجتمع مع احد اهلي ما يوديني عندهم بالأشهر ما اروح وإذا رحت لازم احد من اهلي هوه الي يوديني ويرجعني ،،،،،واليوم الي زوجي حن عليا فيه يوديني عند اهلي لازم ينكد علينا طول اليوم يتحجج يقولي اهلك شارعهم زحمه ساعه لما اطلع من الشارع ،،، أعراس ما اروح الان هوه مايبي يشوف الناس ،،، جمعات مع خواتي مايوديني حتي مافي احد صار يحب يجي عندي والسبب هوه الناس تقولي زوجك ماينزار مغاير اشوف أمه وابوه بس حتي خواته من النادر بس أشوفهم صديقاتي مانعني ازورهم ويزوروني والله يابنات زهققققققت طفشششششت كلام ماصرت اعرف أتكلم حتي زوجي يقولي انتي صايره ماتتحملي مزح. من اول فصل الشتاء خواتي يجمعو سوا ويطلعو علي بر علي حديقه وانا ما اجتمع معاهم ولا حتي نطلع لحالنا مغاير البيت يقولي انا ما احب اطلع خميس وجمعه استناهم من أسبوع لأسبوع وآخر الأسبوع يقولي ما أبغار اطلع من يوم ماتزوجته من 11سنه ولا سفره سافرت غير مكه مره وحده والدمام الان كان أهله فيها وبسسسس،،،،،والله أشياء كثيره كمان بس وش اكتب وش اخلي ،،،،،، مصروف مايعطيني ابدااااااا ويحاسبني علي اي فلوس معي،، والله صرت أخذ من جيبه من غير مايدري وماادري هذا حلال ولا حرام ،،،،أولادي صارو معقدين يقولولي بابا كل شي عنده لا لا اخواتي والله ماكتب إلا لان خلاص زهقت زهت حياتي مالها معني غير ادرس تشتغل وأنظف وطبخ واغسل انا ادري الان هذه حال اغلب الناس بس انا مليت نفسي أغير اجو نفسي اطلع وانبسط وجتمع مع اهلي وخواتي نفسي مايحرمني من اي شي بحبو الان كل شي احبه حاااارمني منه يااااارب فرج همي يااارب