أختي مذهله جزاج الله خير على هالمعلومه بس منو قالج عنها ..؟؟
لان الحمدلله كل شئ عندي سليم وكان حجم البويضه ولله االحمد والمنه عندي 25 بس الدكتور قالي بعطيج ابره وانا ماعندي خبره بهالابره واول مره اسمع عنها ... بس كنت مستعجله ابي الحمل عشان ابي اولد بالعطله عند اهلي واذا ماصار هالفتره راح اضطر اولد عند ام زوجي الي كرهتني بالولاده والنفاس بولادتي الاولى لدرجه تعقدت وقعدت 3 مابي حمل بس ولد كسر خااااطري كله بلحاله وانا طالبه وعلى وشك وظيفه ان شاء الله بس مابي اولد عند ام زوجي احس ماحمل احسن ولا اشوف الي شفته قبل ياااااااربي قههههر <<< قالت قصه حياتها
المهم حبيبتي مذهله امس صار لي 14 يوم من الابره مع ان الحمدلله كل شئ سليم ولاحظت تكرمين نقط من الدم ...الظاهر دوره هانم شرفت ...
وصراحه الكلام الي قلتيه فوووق ينطبق على حالتي ...
بس حبيت اعرف من قالج هالمعلومه... ومشكوره يالغلا

سديم يم يم
وش رايك بترجمة اسمك:42:
بالنسبه للدوره والله مدري هي تنزل بعد الابرة ب14 يوم او لا بس ياليت انا اتمنى تنزل بدون ما اخذ حبوب تنزلها ..
بس يالغاليه انتي اذا ولدتي روحي عند امك يعني حتى لو كنتي طالبه او موظفه يعطوكي اجازه والله مافيه زي الام واذا نحديتي جيبي شغاله ولا تخلين احد يخدمك وينغص عليك ترا النفاس ماهي زينه لها ضيقة الخلق ,,,,,ويارب ان شاء الله تكونين حامل وتولدين بالوقت اللي تمنين يارب .
عسل سدر
والله انك عسل تسلمين على الرد بس كلمة ثقب فالرحم تخووووف ,,الله لا يحيجنا لها يارب ويرزقك من اول شهر ..
الدموع الساكبه
ان شاء الله تصير ابتسامات دائمه والله يالغاليه انا عندي اثنين الله يحفظهم واحيانا ازهق منهم بس سبحان الله الغريزه من يوم كبر ولدي وانا اشتاق للحمل كني ماعندي احد والله اني احس اني خلاااااص اموت واحمل لا وزوجي كل مايشيل طفل صغير من عيال خواته يناظرني ويقول يالله تراي مشتاق للصغار واللي حولي كل ماتحمل وحده تقول يالله الدور عليكم يحسبوني للحين اخذ مانع مادروا عن معاناتي في هالمستشفيات ..الله يرزقنا جميعا ..
ورود الدار
ان شاء الله المره الجايه يصير الحمل ويفرحك ربي ,,ايوالله يالغاليه ادري كلنا في هالقسم همومنا وحده الله يعجل بالفرج يارب ..
مذهله22
معقوله هالمعلومه صحيحه !! طيب كيف الاطباء مايعرفوها واول ماتكبر البويضه يقولو ابرة تفجير !!
موعدي اليوم اشوف البويضه طلعت او لا وراح اسأل الدكتوره,,

هههههههههههه مشكوره حبيبتي مذهله
أخاف تأخذنا السوالف ونخرب مووضوع عقد الماس :)
بس بقوولج بالمختصر لعيوونج ام زوجي = عمتي اخت ابوي
ولمن ولدت ولدي كان عمري 20 وطالبه واهلي بديره ثانيه .. فاضطريت اقعد عندهم فتره لين اوقف قيدي المهم .. المره جاها بلا << تحمست هههههههههههه
أم زوجي قلبت علي فجأه يعني كان في قلبها شئ وودها تطلعه ومالقت الا يوم طلعت من المستشفى وطبعا انا والده قيصري يعني ماقدر اتحرك .. وتقعد تسب فيني بدوون سبب ولو دارين ماخذناك << طيب شنو سويت عشان هالكلمه
انا بعدين اكتشفت انها منقهره عشان فلوس المستشفى الخاص الي ولدت فيه مع اني ابي حكومي بس هم اصروا على الخاص :)
المهم بعد السب والشتيمه وانا ساكته وزوجي متنح يمي وساكت .. حاولت اقووم ماقدرت من العمليه ابي اصعد لشقتي فووق ماقدر من الجرح ... قعدت ابكي والنفاس عاد يجي معاه نفسيه زفت
قالت على شنو تبكين ام زوج ماتحصلين مثلها << حطو تحتها خطين
وزج على كيف كيفج << قصدها المتنح الي قاعد يمي
ورزقج الله بولد << يعني لو بنت حرام
وقالت لولا هالولد تصرفنا مع اهلك << يعني نطلقك خخخخخخخخخخخ
ولاحظي كل هذا بدون سبب والله العظيم وانا طيبه معاها واحسن فيها من بناتها بس شقول
المهم هي راحت .. وجيت بحب على راسها << ودي اذبح عمري ولاسويت هالحركه .. بس حطيت ربي قدام عيوني وتذكرت حديث عن الرسول من الي فهمته ان خيرهم الذي يبدا بالسلام
المهم جيت بحب على راسها ولا تدفني بيدها حيل ... هذا وانا عمليه وماتحمل وفيني دوخه وبلاووي وحبيت على راسها مع ذلك وخليت املي بربي الكريم ينتقم لي منها ...

ولا ابي اعيد هالتجربه ابدا ابدا والله العظيم قعدت 6 شهور وربي بدون مبالغه مانام الليل وابكي من القهر
وكل الي صار بدون سبب بس عباطه على قولتهم مشتهيه تهاوش
سوري طولت ههههههههههههههه :)

بنات انا الحمد لله رحت امس للدكتوره وقالت البويضه طلعت الحمد لله ..
سديم ,,,الله يعينك على هالعمه هذا وانتي بنت اخوها !!!!!!!!!!!!!!!!!!!!
بس لا تندمين على اللي سويتيه لأنك صرتي احسن منها وبيجيلها يوم وتندم هي ,,,,,,,
صدقيني الطيب ينصره ربي بالاخير ..وعن تجربة انسانه عزيزه علي ,,

هلا بالغلا عقد الماس ... الحمدلله انها نزلت عاد شدي الهمه .. وخلي يالغاليه املج بربج كبير
ولاتخلين لليأس مجال ... حتى لو جت الدوره الله لايقوله خلي فالج برب العباد خير وان شاء الله راح يرزقج ... وعسى ان تكرهوا شيئا وهو خير لكم

ملاحظه : حبيبتي عقد الماس يشهد الله قلبي انفتح لج وحبيتج تذكريني بأختي الي أكبر مني يعني مادري من اشوف اسمج تجي اهي على بالي ...
والله يرزقج يارب وقلبي عندج يالغلا
وبالنسبه لي انا نزلت الدوره وسبحان الله احساس عادي يعني احس مو مهتمه مادري ليه ... مع اني ولله الحمد سليمه ... وامس عطاني الدكتور حسبي الله عليه كلوميد << شحقه مادري الظاهر يبيني اجيب توأم هههههههههههه
واكلت حبتين من اللقافه وسألت الدكتوره رانده قالت لاتأكلينهم لان التبويض عندج زين ...
وصراحه مادري اخاف تضر هالحبتين الي اكلتهم
وصراحه هالشهر محتاره اخذ ابره تفجيريه ولا اتركها على الله .. لان كلام مذهله اقنعني وابي اتركها على الله ...

والله يرزقج ياااارب ياعقد .. وعليج بالاستغفار حبيبتي والظن الحسن بربج .. وانا بدعيلج وادعي لكل وحده بهالمنتدى

وبالنسبه لليوزر نيم sadeem yam yam << طالع عسل من بؤج :)
اتمنى اجيب بنت عشان اسميها سديم