الحمد لله .. دعواتكن .. و اسمعوا قصتي

الحمد لله الذي منّ عليي و حقق لي أعظم حلم في حياتي ...‏

هلق من شوي عرفت النتيجة من المخبر و الحمد لله طلعت حامل .. و الله حتى ‏اللحظة ماني مصدقة حاسة قلبي رح يطير من الفرحة .‏

ملخص بسيط عن قصتي ....‏

صار لي سنة و شهرين متزوجة و من ثاني شهر و أنا عم أحلم بهاليوم .‏
المهم أول دورة اجتني تأخرت أسبوع ففرحت و قلت يمكن حامل بس شرفت ‏الدورة .. الشهر يلي بعده تأخرت أسبوعين قلت يمكن حامل بس كمان شرفت, ‏فنصحوني الأهل روح للدكتور للاطمئنان و طلع سبب الخربطة ارتفاع ‏هرمون الحليب و بالفعل أخذت الدواء و انتظمت الدورة بس كمان ما صار ‏حمل رجعت لعنده كمان قال ضعف اباضة و أخدت حبوب تنشيط 3 دورات و ‏ما استفد و بعدها قطعت روحة الدكاترة 3 شهور ( كانون – شباط – أذار )‏
بس الدورة الماضية غيرت الدكتور ما بعرف حسيته مو كتير فهمان .‏
هذا الدكتور فحصني نسائيا و قال عندك ميلان ‏بعنق الرحم بحيث أنو السائل المنوي لا يصل الى الرحم لذلك عليك وضع ‏مخدة أسفل الظهر بع الجماع و عدم الحركة لمدة نصف ساعة على الأقل و طلب شوية ‏تحاليل لي و لزوجي من باب الاطمئنان .‏
طبقت نصيحته بالاضافة للدعاء و الاستغفار و الله دعيت من قلبي و كتير ‏أوقات ابكي و انا على سجادة الصلاة دعيت ربي يجبر بخاطي بها الشهر و ‏بخاطر كل نساء المسلمين المحرومات .‏
أكتر دعاء رددته بعد الانتهاء من الصلاة " بسم الله الرحمن الرحيم و الصلاة ‏و السلام على سيدنا محمد سيد المرسلين يا رب ناديتك بإسمك الأعظم الذي اذا ‏دعيت به أجبت و اذا سألت به أعطيت انك تجبر بخاطري بهذا الشهر و خاطر ‏كل نساء المسلمين يا رب , يا رب استجب, يا رب استجب, يا رب استجب)‏
و الحمد لله الله جبر بخاطري و ما حاجني لدوخة التحاليل و الأطباء يعني لا عملت تحاليل و لا شي
يا رب يثبت حملي و يجبر بخاطركم يا رب .‏