السلام عليكم
الحمد لله والمنة ولدت يوم 18 / 1 وانا كان مقرر لي الولادة في 23 /1
في البداية كان يجيني طلق خفيف لا يذكر وبعدين نزل معي سائل مخاطي ممزوج بدم لمدة يومين وصبرت ورحت المستشفى عندي مراجعة عند الدكتورة وقلت لها عن الاعراض وكشفت علي وقالت مفتوح الرحم 5 سم وقالت ماتحسين بالم قلت خفيف
فطلبت اجلس عندهم ساعه تحت التخطيط وبعد الساعه يقررون اذا ولادة او اطلع وارجع اليوم الثاني فطلبت منهم اطلع ساعه وارجع عشان اتعشى خخخخ رايقة
المهم طلعنا وتعشينا ورجعت لهم وسويت التخطيط وقرروا عقبها تنويم المهم كانت الساعه 12 منتصف الليل المهم طلبت من زوجي يوصل ولدي لاهلي وكلمت امي وطلبت منها تسوي خلطة الحليب عشان اشربها وانصحكم فيها رووووعه تخفف الطلق
المهم طول الوقت كشف ومغذي وقياس ضغط وحرارة يعني مافيه راحه بالمستشفى والطلق يروح ويرجع خفيف المهم اليوم الثاني الظهر كشفت الاستشارية وقالت مفتوح 7 سم قالت بروح وبرجع بعد ساعه
بعد ساعه رجعت وفكت موية الرأس وشد الطلق وبعد نص ساعه ولدت ولله الحمد وجبت ولد الله يحفظه
وماانسى اوصيكم يابنات تقضون الوقت بالدعاء بتسهيل وتيسير الولادة والله يابنات انها تشرح النفس وتطمن القلب
وخلطة الحليب يفور كأس حليب مع 5 اعواد قرفة و5 حبات قرنفل وملعقتين عسل ونص بياله زيت سمسم يشرب بعد دخول التاسع بعشرة ايام وتشرب كل اربع ايام
والله يسهل على كل حامل وتقر عينها بضناها :04:
أم نايف 2007 @am_nayf_2007
كبيرة محررات
يلزم عليك تسجيل الدخول أولًا لكتابة تعليق.
strawberries
•
الحمد لله على سلامتك يا قمر انت والنونو والله يرزقك بره ويرزقني ولد سليم معافى آمين يا رب العالمين
الصفحة الأخيرة