الحمد لله ربي سهل ولادتي وجبت احلى توأم

الروابط مكتوب غير موجوده .. بنسخلكم القصص بالتعليقات بالترتيب

تعالو أحكيلكم تجربتي مع أشعة الصبغة للرحم
عرض القائمةسلام عليكم ورحمة الله وبركاتهطبعاً أنا عضوة جديدة وهذي أول مشاركة لي وإن شالله تستفيدو منهاأنا متزوجه لي سنتين وعندي تكيسات في المبايض.. تابعت مع دكتوره وعطتني كلوميد ومنشطات ابر المهم يا اخوات حملت من الشهر الثاني بعد الزواج وكانو توأم بس ربي ما أراد انو يكمل الحمل فحصل إجهاض من الشهر الثالث.. وبعدها ماعاد حصل حمل.. ادويه ومنشطات وإبر ولا صار شي.. الدكتوره قالت خففي وزنك وطبعاً مع التكيسات نزول الوزن صعب جداً ووزني ماكان زايد مره فأختصرت الموضوع وعملت تكميم ووصلت المثالي ورجعت تابعت مع الدكتوره ونفس الشي ماحصل حمل.. اخر شي قالت لازم زوجك يفحص و راح زوجي وعمل التحليل والحمد لله سليم.. المهم قالت مابقى عندنا الا نعمل صبغة للرحم لأن إحتمال حصل انسداد بسبب الاجهاض😳.. والله يا بنات الدنيا سودت في وجهي خصوصاً بعد قريت تعليقات أغلب الأخوات انها مؤلمه و أنها مثل ألم الولاده و... و... فصرت اتهرب أكثر من ٦ أشهر وأنا أتهرب اخر شي قلت لمتى رح اهرب خلاص رح اتوكل واعملها.. المهم من يوم قررت الى اليوم اللي بروح فيه أنا كنت في عالم ثاني لا أكلا ولا نوم ولا اي شي حاله نفسية رهيبه😭😭.. وجا اليوم المنتظر قبل لا اروح المستشفى بنص ساعه أخذت إبره مسكنه وابره للتقلصات و وصلت المستشفى وركبي قاعده ترجف المهم نادو عليا وماكان نفسي ارد.. ودعت زوجي على اساس الموت اللي رح اشوفو😂 خصوصاً انو عندي فوبيا من الإبر ومن المستشفيات .. دخلت الغرفه كانت في بنت سعودية شابة هي تقريباً فني تصوير والله انها جداً راقيه واسلوبها رائع.. قالت لي انتي عارفه ايش رح نعمل لك؟ قلت اي قالت من قوقل طبعاً؟ قلت اي والله قالت تعالي و أعطتني لبس وقالت تعالي شوفي الادوات.. هذا معقم وهذا الشاش لتطهير المنطقه وفي حاجه شفافة علشان يوسعو المنطقه ويدخلو عن طريقها الأنبوب حق الصبغة حجمو نفس حجم السونار اللي يدخل عن طريق المهبل وبس.. المهم قالت لي فضي البول أهم شي واتوكلي الموضوع بسيط ولما تكوني جاهزه رح انادي الدكتوره.. المهم خلصت وانسدحت وانا ارجف واسناني تخبط في بعض.. نادت الدكتوره مصريه ماشالله عليها سكر ودمها خفيف.. سلمت علي وقالت لي ارفعي رجولك وضعية الولاده.. المهم رفعت ودخلت الجهاز حق التوسيع بلاستيكي مو حديد.. ابداً ما فيه ألم ولا فيه اي شي.. وبعدها دخلت الأنبوب اقسم بالله يا بنات ان ماحسيت فيه وهو يدخل وبعدها قالت لي رح نبدا نحقن وهنا خفت لأنو اغلب الاخوات قال الصبغة مؤلمه.. وبدت تحقن حسيت بنغزة خفيفة جداً مثل مغص الدوره لمده ثانيتين تقريباً وقاعده تقول نكست.. نكست.. نكست وفجأه قالت خلصنا 😳 قلت نعم والدراما اللي مجهزتها والصراخ اللي كنت بصارخه والإغماء والبكى وين لسه ما عملت شي 😂 المهم الموضوع بالضبط من يوم دخلت الجهاز لحد ما خلصت ما اخذ دقيقتين على بعض.. والله العظيم ان ماخذه اكثر من ربع ساعه في تغيير ملابسي ودخول الحمام والتوتر و... و.... اما الاشعه ما اخذت اكثر من دقيقتين..ف يا أخواتي اللي طالبين منها اشعه تتوكل على الله وتروح تعملها الموضوع ابداً مو نفس الرعب اللي قاعدين نقراه.. أبسط مما تتخيلو.. أهم شي تكوني ريلاكس وجسمك مرخي و بسرعه بتخلص وقبل لاتروحو اخذو مسكن ابره واخذو ابره او حبه للتقلصات وصدقوني مارح تحسو بألم...أكثرو من صورة البقرة والإستغفار..طولت عليكم بس حبيت احكيلكم بالتفصيل وأتمنى تكونو استفدتو من تجربتيأسأل الله لي ولكم الذرية الصالحة( ربي لاتذرني فرداً وأنت خير الوارثين)

حملت بعد أشعة الرحم (الصبغة) الحمد لله
تأخر الحمل

سلام عليكم يا أخواتي
طبعاً أنا الآن رجعت من المستشفى وبشروني اني حامل الحمد لله بعد معاناة سنتين وحبيت أشاركم فرحتي..
انا حكيت قصتي قبل مع التكيس و الاجهاض و... و.... المهم سنتين ماصار حمل وكل فحوصاتي سليمة انا وزوجي.. آخر شي الدكتوره قالت لازم أشعة للرحم وخفت واتهربت أكثر من ٧ شهور بس آخر شي عملتها وحكيت التجربة حقتها للأخوات المترددات لا تخافون وتوكلو على الله...
المهم أنا عملتها يوم ١١/١١
يوم ٢٩ /١١ حللت وطلع ايجابي ضعيف
اليوم يوم ٢ / ١٢ حللت وطلع ايجابي..
الدكتوره قالت احتمال كان في انسداد في الانابيب ومع الصبغة انفتح..
الفضل يا بنات بعد رب العالمين يرجع للأشعه.. ف اللي طلبو منها الاشعه لا تتردد وربي يرزقكم الذريه الصالحة
ادعولي يا بنات ربي يثبت حملي 🙏

بنات ربي يجعل فرحتي من نصيبكم كلكم يا رب
تأخر الحمل

بنات قاعده اكتب لكم وأبكي واضحك في نفس الوقت وماني مصدقة..
انا حكيت لكم قبل فتره عن معاناتي سنتين في موضوع الحمل
https://www.hawaaworld.com/%D8...

وقلت لكم اني صرت اقرأ سورة البقرة يومي وبعدها عملت اشعة الصبغه
وحكيت لكم انو في نفس الشهر اللي بديت فيه سورة البقرة ربي يسرلي موضوع الصبغه مع اني كنت خايفة
بس المفاجأة اليوم عملت سونار علشان اسمع النبض
بنات لقيت نفسي حامل بتوأم 😭😭😭
والله اني ما صدقت وصرت ابكي واضحك مثل المجنونه يا ربي يرزقكم فرحتي ويعطي كل محرومه يا رب
بنات ربي كريم واحن علينا من انفسنا.. كل اللي عليكم تتقربو منه قيام ليل قراءة قرآن كثرة استغفار وشوفو كيف بيعطيكم اكثر من ما تتمنو

مبارك عليك التوأم حبيبتي
ربي يحفظهم ويبارك لك فيهم يا رب