بسم الله الرحمن الرحيم
السلام عليكم ورحمة الله وبركاته
كيفكم حبيباتي .. أخيرا ولله الحمد ولدت والحين صار لي 3 اسابيع كنت اتمنى الولاده الطبيعيه لأن الأولى قيصري ولكن قدر الله ان الثانيه بعد تكون قيصري ..
قالوا لي في السادس انها بنت .. وبالتاسع قالت لي دكتوره خديجه عباس انه ولد .. وقبل ولادتي بيوم ربي سخر لي دكتوره في نفس المشفى إسمها سحر ميلودي قالت لي الرحم مغلق كليا والراس مانزل في الحوض أنصحك بالعمليه لانه دخلت اسبوع زياده بعد التاسع .. طبعا قالت لي عندك ولد ..
قلت الحمد لله بما انه الاولى بنت والثاني ولد وبصير عمليات بتوكل على الله وبسويها ..
توكلت على الله ورحت لهم الصباح وسوينا إجراءات الدخول ودخلت سويت كم شغله مثل تخطيط القلب والتخطيط تبع الجنين
ع الساعه 1 الظهر جوني بكرسيهم المفجع وجهزوني للعمليات وقبل أطلع دمعتي بعيني حضنت زوجي قلتله بنتي أمانه عندك لاترضى فيها حطها بعيونك .. رحت للعمليات كل الطاقم كانو حريم الا دكتور التخدير .. كانت الغرفه بارده وانا من الخوف وجهي أحمر عرقاان ..
كان فيه طالبات من كلية الطب متواجدات عددهم 3 حسيتهم حنونات ويطمنوني وحده منهم ماسكه ايدي .. التخدير كان إبرة الظهر .. وهذي للمره الثانيه انا اخذها والحمد لله تمام بس من الخوف هالمره تحركت والبره في ظهري صار يصرخ علي الدكتور والممرضات انو لا تتحركي خطير .. والحمد لله فرجت ..
حسيت بدوخه مع البنج والاكسجين حقهم كتمني واحس فيه ماده دوختني جات الدكتوره قالت لي ربك يسهلها ومسكت ايدي وباستني ياحليلها ..
بدت الدكتوره وبس قالت بسم الله الذي لايضر مع إسمه شي عرفت إني بدخل في عالم ثاني .. توكلت عليك يارب كل شي ومليكه ..
وقرب الطفل يطلع قاعده أفكر كيف بيكون شكل هالولد اللي بيجيني وبيشبه مين ..
طلع النونو وسبحان الخالق اللي يخرج النفس من النفس ...
الا يصرخ ولدي الا الدكتوره تقول الله ماشاء الله بنت قمر مثل أمها اي والله تشبهك ..
ماحسيت بفرحة بنتي فديتها .. تحطمت وانكسر خاطري مرره .. مو لأنها بنت بس لأني تجهزت للبنت من وقت انا بالسادس ويوم قالوا لي ولد رحت جبت اغراض كثير للولد وفرحت زوجي وفرحت لأني عمليات.. غير كذا قلت ولد وبنت الحمد لله ان ماعاد صار حمل او شي يكفوني الولد والبنت وتفكيرات كثيره مقدر احصرها .. بس سبحان الله هالبنوته ربي حط بقلبي لها حب مايعلمه الا هو ..
خلص وروني البنت وطلبت من الدكتور يعطيني ابره تنومني .. نمت وصحيت الا الدكتوره والممرضات فوق راسي يصحوني وان الضغط انخفض ..
طلعوني الغرفه ومازال ضغطي منخفض مدري وش السبب ولكن ابره وحده عدلت الضغط ..
طبعا المشفى كان سليمان فقيه .. مررره مريح سمعت عنه كلام كثيير انو مو كويس .. ولكن يعلم الله إني أرتحت معاهم نظافه واهتمام ورعايه والله حتى تفريش الأسنان سووه لي ..
دكتورتي كانت سحر ميلودي ممتازه جدااااااااا وتعاملها روعه يوم تجيني بالتنويم ماودي انها تطلع .. تريحك ويكفي انها بنت بلدي .. وبس يعلم الله انها رائعه ومريحه وولاداتي الثانيات بإذن الله عندها ..الله سخرها لي ووالله اللي تولد عندها إن أمها داعيتلها ...
الممرضات روووعه وعيبهم الوحيد عطوراتهم .. وبالذات السعوديات يالطيف عطوراتهم مرره قويه ستيلا وبربري كل مادخلوا عندي احس عمليتي تعورني ..
طبعا مسكنات وماتحسين بالوجع عندهم .. قعدت 5 ايام كلفتني 15 الف .. بس ع الدلع اللي شفته عندهم لو اكثر كان دفعت..
طول هالخمسه ايام وأمي مرافقتني ومعها بنتي 3 سنوات .. بنتي طفشتني في المشفى جاها زكام وكحه .. غير انها تبكي تبغى تنام معي .. وكانت تنام معي على نفس السرير .. الله ستر وعدت على خير ..
بس كانت ذكريات مرره حلوه تعرفت على كروشات معي وكنا ع الساعه 4 الفجر او 5 نطلع نمشي وأوقات ننزل تحت نشتري شي حار ونطلع واحنا نمشي زي البطات .. الله يكتب لنا الأجر .. كلنا كنا عمليات ..
هذي هي حكايتي مع بنتي وعصفورتي الجديده الله يخليها لي هي وأختها ويرزقني برهم ... ويسهل لكل حامل وييسر ولادتها ..
أجمل النواعم @agml_alnoaaam
عضوة فعالة
يلزم عليك تسجيل الدخول أولًا لكتابة تعليق.
وردة بوك
•
الف مبروك والله يطعمك برها هي وختها واتللي رزقك بالبنت قادر انه يرزقك بالولد فهو قادر على كل شيء
سحابـهـ
•
ماشاءالله تبارك الله
الحمدلله على السلامه ومبروك على العروسة
تتربى في عزكم والله يجعلها من الصالحات..
الحمدلله على السلامه ومبروك على العروسة
تتربى في عزكم والله يجعلها من الصالحات..
الصفحة الأخيرة