بسم الله الرحمن الرحيم
السلام عليكم ورحمة الله وبركاته
الحمد لله كثيرااا والشكر لله كثيرااا ..
بفضل من الله ورحمته اللي وسعت كل شي نجيت من حادث سيارة محقق ورجعت لعيالي وزوجي واهلي وحبايبي بالسلامة ..
قصتي بدأت أمس وهو اول يوم مباشرة عمل لي بعد اجازة الوضع .. وكان عند بنتي المولودة موعد الساعه 2 الظهر .. وكانت خطتي اني اودي عيالي مدارسهم واستأذن من الدوام واروح البيت واغسل وابدل والبس بنتي الصغيرة واقط خدامتي عند امي ويمرني زوجي ونروح الموعد واهلي ياخذون عيالي من مدارسهم ..
الساعه 9 ونص كان في اجتماع لاولياء الامور للطالبات الضعيفات في اللغة الانجليزية عندنا بالمدرسة وكانت بنتي من ضمنهم وعورني قلبي على مستواها الضعيف .. وصار عقلي كله مع بنتي وشلون راح ادرسها وغيره وغيره ..
صارت الساعه 11ونص استأذنت من الدوام وركبت سيارتي ورحت ماشية لبيتي .. وانا في الطريق السريع وقفت سيارة جدامي فجأة فلفيت عنها بقوة وصارت السيارة تدوروتدوروتدووووور فيني .. اطالع الشارع من الدريشة واقول في قلبي خلاص هذا اخر يوم لي بالدنياااا.. وتوقفت السيارة برحمة من الله وعلى طووول سحبت السايد وحطيت p وشغلت الفلشر ..
ياااا بنااااااااات انا وقفت عكس السيارات كلهااا يعني وجه سيارتي بوجه السيارات اللي جاية واللي كانت وراي كلهااا شاحناااااااات ..
لما تأكدت ان السيارة واقفة حمدت ربي وقعدت ابجي وابجي .. والناس التمت علي قامو يهدوني ويطمنوني ..وعيال الحلال ماقصرو معااي طلعو سيارتي وحطوهاا بعيد عن الشارع وطمنوني ان الامور سليمة وقامو يهدوني .. وسألوني اذا حابة اقعد بسيارة وحدة ثانية غير سيارتي بس لما تأكدت ان سيارتي مافيها شي قلت بقعد فيهاا .. وسألوني اذا محتاجة اسعاف بس الحمد لله ما احتجت.. والرجال اللي صدمته كان رجال محترم وافد .. وقف بعيد شوي عني .. وكان في رجال جزاااه الله خير قعد عندي ماراح مني الا لما وصل زوجي لمكان الحادث وزوجي شكره بالحيل ..
الحمد للهوبفضل من الله كان الشارع شبه فاضي والسيارات اللي وراي كانت شاحنات بعيدة ما وصلتني الا لما وقفت .. وربي بعدني عن الصبة الاسمنتية ..والرجال اللي كان واقف عندي كان اهو اللي وراي شرح لزوجي عن الحادث وقاله ان لفت السيارة ودورانهاا كان قوي بالحيل وان السيارة صارت مثل الريشة .. يالله ستررررررك:44:
والحمد لله على كل حال ..
الحمد لله رجعت لبيتي وعيالي وزوجي واهلي واحبابي سالمة .. عورو قلبي عيااالي :44:..
امس كنت في حاله لا يعلم فيها غير رب العالمين ..
دعواتكم يا بنات للرجال اللي وقف بالشمس عندي الى ان وصل زوجي دعواتكم له بالخير ..
والحمد لله على سلامتي :26::26:
رمانة الكويت @rman_alkoyt
محررة برونزية
يلزم عليك تسجيل الدخول أولًا لكتابة تعليق.
حقق حلمي ياقادر
•
الحمدلله على السلامه يااقلبي
الصفحة الأخيرة