الحمد لله ...شعري اتغير للأحسن

السلام عليكم ...أنا حابة أحكي لكم عن تجربتي مع شعري
شعري جدا جاف بعد الولادة أصبح أكثر جفافا وبدأ يتساقط بشكل مرة كبير كما انه صار جدا تعبان وما ينفع فيه استشوار ولا غيره ...المهم بدأت أدور على حل لشعري
في البداية ذهبت لمحل قزاز واشتريت من عندهم مجموعة لعلاج الشعر ووجدت انها جيدة رطبت لي شعري شوية وحسنت من شكله لكن التساقط مستمر ثم ذهبت لدكتور وأيضا مازال التساقط مستمر
وأصبحت نفسيتي جداتعبانة وأنا أشوف شعري اللي كان مرة غزير بيتساقط الى أن نصحتني احدى زميلاتي بفيتامين B وذهبت للصيدلي وقلت له أبغى فيتامينB وسألته عنه اذا يفيد الشعر ولا لأ فقال لي يوجد فيتامين مخصص للشعر وأخذته وجربته فوقف عندي التساقط بنسبة 70 % وبعد كدة رحت للكوافيرة وعملت حمام زيت وقالت لي ان شعري جدا جدا جاف وعرضت علي مجموعة مكونة من شامبو وكوندشير وسيريوم وبخاخ للشعر وحمام زيت وقالت لي جربيه وماراح تندمي لأنه مخصص للشعر اللي زي شعرك واشتريت المجموعة كلها ماعدا حمام الزيت لأنه عندي حمامات زيت مرة كثيرة لكن حأرجع واشتريه لأن المجموعة بصراحة كانت مرة رائعة وجابت معايا نتيجة مرة حلوة
يعني بعد الاستحمام شعري يكون رطب يعني حتى لو ما استشورته أقدر أمسكه من قدام والباقي أخليه مفلوت بشكل مرتب ومع الاستشوار يكون الشعر مرة حلو لأن البخاخ بيعطي كثافة للشعر
فالحمد لله حمدا كثيرا لأني كنت مرة تعبانة من شعري وما كنت أتوقع انه حييجي يوم ويكون شعري بالحلاوة دي من غير ما أروح لكوافيرة ...حتى زوجي لاحظ الفرق وصرت أستقبله وأنا فاكة شعري
باقي أعطيكم اسم المجموعة اذا انتم حابين تجربوها ..في المرة القادمة:) :)