السلام عليكم ورحمة الله وبركاته
الحمدلله على كل حال مهما كان الحال ..اللهم صل على محمد وعلى اله وصحبة اجمعين ..
حبيت اليوم افضفض واطلع الي مكبوت بصدري من زمن انا الحمد الله مؤمنة بقضاء الله وقدره و اؤمن انه ما اصابنا من مصيبة الا هي تكفير للذنوب نسأل الله الجنة والبعد عن النار ويثبتنا على دينه وسنة نبية صلى الله عليه وسلم
ومدري اذا كان مكان الموضوع صحيح او لاء فان امكن للمشرفات نقله للمكان الصحيح..
المهم انا من يوم كنت 3 متوسط لاحظت امي انه الدورة ما نزلت لي بس قالت يمكن تتأخر مو شرط اصير مثل اختي الكبيرة جتلها وهي بـ اولى متوسط فخلاص عادي لكن لما صرت 3 ثنوي وبرضو ما نزلت و اختي الي اصغر مني ب4 سنوات نزلتلها فقالت لي لازم اروح للدكتورة اكشف وفعلا رحت مع امي للمستوصف لاني حتى انا عندي فضول اني اعرف ليه ما نزلت لي واختي نزلتلها مع اني كنت مررره خايفة ومتوترة ومتردده وتم الكشف وقعدنا عند الدكتورة لين ما تقرأ اوراق الكشف وخبرتنا بخبر صعقني وخلاني انهار داخليا خلاني اكره نفسي وكل شئ في الحياه حسسني اني ما عندي قيمة , الخبر هو اني ما عندي رحم تعرفون شلون ما عندي رحم حسيت ان الدنيا سكرت بوجهي وضاق كل شئ حولي والعبره خنقتني لكني ما بينت ولا قلت شئ طلعنا من المستوصف ورجعنا البيت طبعا هالكلام ما يعرفونه خواتي اخاف اقول لهم ويناضروني بشفقة ماابي احد يشفق علي لاني حينها انا بنهار ويمكن اسلك طريق خطأ لاني جدا جدا حساسة حتى لو ما بينت حساسيتي بالموضوع وحاولت اتناسى واتناسى واتناسى لكن كل ما بديت انسى يجي احد ويتكلم عن الدورة وآلامها وانا اقعد ساكتة ماعمري جربت المها ولا شئ حتى مره من المرات قعدنا بجمعه مع بنات عمي وقعدوا يسولفون عنها انا قعدت ساكتة مدري وش اقول احاول اغير الموضوع ويرجعون له مره ثانية واحاول مره ثانية ويرجعون مره ثانية قلت في نفسي خلاص لاسمعتهم يتكلمون عنها بطلع من المكان ما ابي احد يلاحظ شئ ما ابيهم يلاحظون اني انا الدورة ما جتلي حينها ايش اقول لهم ما عندي رحم لاااا مستحيل اقول لاحد مستحيل لان اكيد الكل بيلاحظ لاني الحين عمري 19 سنه وقريب ادخل ال 20 ولسه ما نزلت لي الدورة الشهرية...
قريت مره انه في حرمة في تركيا سوت عملية زراعة رحم وقلت الحمد الله العلم تطور لكن قريت شئ انه هالعملية حرام تحطمت من جد وجديد ..
تصدقون اخاف ما اتزوج ما ابي اكون عانس واذا جاء خطيب بإذن الله ايش نقوله اخاف الكل يعرف اني ناااقصة ومشوهه واصير عاله على الكل ومحد يبيني يعني معقول فيه بنات يتزوجون وهم ما ذاقوا شئ اسمه دورة شهرية ؟؟.. أنا من النوع الي يحب يهتم بنفسه وشكله لكن من يوم عرفت اني ما عندي رحم تكاسلت وصرت ما اهتم بنفسي بحجة انه مهما صرت جميييله محد بيقرب صوبي لاني عقيييم ومشوهه .. وكمان فكرة انه ما اقدر اجيب اطفال تشغلني مدري شلون اوضح لكم لكن كل ما شفت طفل او طفلة اتضايق او اذا سمعت احد من اقاربي رزق بطفل احس يجيني شعور الغيرة فعلى طول اذكر ربي ما ابي احسد او اعطي عين لان زي تعرفون العين حق حتى لو بدون قصد.
فاذا عندكم قصص عن اشخاص مثلي ما عندهم رحم وتزوجوا وعاشوا حياه حلوة او نصائح تحبون تقولوها لي او أي شئ اهم شئ اني ارتاح نفسيا واعيش براحة . لاني أدري ومتيقنه انه هذي خيره من ربي والله ما حرمني من شئ الا عشان يعطيني الي احسن منه ومافيه انسان خالي من العيوب والحمد الله على كل حال اولا واخيرا ..
وشكرا لانكم عطيتوني من وقتكم ..
في آمان الله
حائرة في زمانها @hayr_fy_zmanha
عضوة جديدة
يلزم عليك تسجيل الدخول أولًا لكتابة تعليق.
h2o
•
عزيزتي مو معقوله بس سويتي كشف عند مستوصف طيب يمكن هالدكتوره ماعندها سالفه ولا ماتفهم روحي دكتوره ثانيه تاكدي اول شي وغير كذا سمعت كثير بنات يكتشفون انهم ذكور مو اناث بعد عمر طويل احيانا يوصلون 30 سنه او اكثر ولازم تسوين تحليل جينات ويعرفون اذا انتي انثى فعلا او ذكر والحمد لله على كل حال هذا امر من الله وربي ماياخذ شي الا يعوض باحسن منه خلي ثقتك بالله كبييره والله يعوضك خييرعزيزتي مو معقوله بس سويتي كشف عند مستوصف طيب يمكن هالدكتوره ماعندها سالفه ولا ماتفهم روحي دكتوره...
مثل ما قالت الاخت اللي قبلي ..
روحي مستشفى ثاني وثالث ...
الله يفرج همكم يارب
روحي مستشفى ثاني وثالث ...
الله يفرج همكم يارب
كشة نمله
•
الله يكتب لك كل خير توكلي على الله وشوفي كم دكتوره لاتاخذين على كلام دكتوره وحده بس
وصدقيني كل مايجي من ربي خير وبركه والحمدلله على كل حال
وصدقيني كل مايجي من ربي خير وبركه والحمدلله على كل حال
السلام عليكم مثل ماقالوا الاخوات سويت تحاليل عند أكثر من مستشفى ونفس النتيجة لا يوجد رحم والحمد الله طلعت انثى والحمد الله مو خنثى ..
عطوني رأيكم وانصحوني >_<
عطوني رأيكم وانصحوني >_<
الصفحة الأخيرة
روحي دكتوره ثانيه تاكدي اول شي
وغير كذا سمعت كثير بنات يكتشفون انهم ذكور مو اناث بعد عمر طويل احيانا يوصلون 30 سنه او اكثر
ولازم تسوين تحليل جينات ويعرفون اذا انتي انثى فعلا او ذكر
والحمد لله على كل حال هذا امر من الله وربي ماياخذ شي الا يعوض باحسن منه
خلي ثقتك بالله كبييره والله يعوضك خيير