الحمد لله مرررت ملكتي على خيرر .. وكله من فضل رب العالمين ..

بسم الله الرحمن الرحيم

حبيباتي وخواتي بنات حواء بصراحه هذي اول مره اكتب فيها بمنتدى بس انا مريت بتجربة الملكة وكانت حلوه وشينه يعني حلو ان الوحده تملك بس الصعب والشين الاغراض من فستان وورد وكوفيره وشعر ومصورة وانتي ماشيه ما ابي اطول عليكم انا بكتب كل شي سووويته,,,

ملكتي كانت بالبيت يعني المعازيم كانوا حوالي 40 وحده . طبعا اول شي نجي عند البوفيه :cook: كان الحمد لله قمه
اخذته من عند مطعم الكازار اللى بالحمراء . وثاني شي الكيكه اخذتها دورين من عند سعد الدين وكانت من جد قمممممممممممممممممممممممممممممممه :p كلمة رائعه عليها قليلة وثالث شي الطقاقه كانت حليله بس كلفتتني يعني اتفقت معاها على سعر وخذت يومها سعر بس الحق ينقال كانت من جد فرفوووشة اسمها ريم العبد الله . نجي عند الفستان طبعا كنت ابي فستان رايق وناعم وفي نفس الوقت فخم فخم والحمد لله لقيت فستان بالمواصفات اللى ابيها وهذا من فضل ربي . نجي عند طقم الذهب شريته من الرميزان وكان رايق وكلاس منزلين اشياء مره كلاس في سوق حراء الدولي . وبعدين نجي عند الكوفيره طبعااااااااااااا وانا مغمضة عيوني رحت عند احلام المها اللى رواء سوق الكيال بالخالديه مره معروووف والحمد لله طلعتلي طلعه :D وارجع واقول هذا فضل من ربي الحمد لله . اما باقة الورد اخذتها من عند زهور ريما اللى عند كبري المربع من جد كانت حلوه وفوق سعرها انا شريتها ب 350 وكانت كبيره من فووووق وتزل على تحت كيف اوصفلكم يعني زي القلب كثير من فوق وكل مانزلنا على تحت يقل مررررررررررررررره فخمه . اما علب الحلاوه كانت من باتشي يعني قمه تلاقونها براويز وقوارير دهن عود من باتشي اللى بالتحلية بالدور الثاني من جد روعه اشيائه هو غالي يعني العلبة على 80 و70 و60 بس تستاهل .

امممممممممممم وش بعد :16: هذا اللى اذكره للحين واذا تذكرت اي شي ثاني بكتبه واللى عندها اي استفسار انا با الخدمه .


بس الله يخليكم ابي الدعوه الطيبه ان الله يوفق لي انا وزوجي ويخليلي هلي ويطولي بعمرهم

وسلامتكم.....:p:p:p