الحمد لله من قبل ومن بعد ولدت بالسلامه وعقبال كل مواليد رمضان

امس الفجر وانا ارد على اسعد امراءه وكان اخر رد لي في منتدى حواء جاني مغصه قويه كان تو ياذن للفجر وخفت قمت بسرعه ابي الحق اصلي الفجر واجهز بس وقفت نزل علي دم كثير طبعا كان فيتي طلق من اليوم الي قبله في ظهري واسفل بطني وكنت خايفه اروح ويقولون مافيه ولاده والساعه عشره باليل نزلت سداده الرحم وزاد الالم بس متباعد كل ساعه كل نص ساعه ويروح سويت خلطه مكونه من قشر قهوه زعتر يانسون كمون سنوت قرفه واخذت ملعقتين عسل سدر طبيعي وطلعت بترمس الخلطه معي حديقه الروابي وقعدت اشرب فيه واشم حلتيته وامشي الى الساعه 2 اليل ورجعت تسحرت وريحت وعلى منتدى حواء الى الفجر ولما بدى الدم ينزل رحت على طول المستشفى قوى الامن وصلت قالو ولاده بس مافي سرير والنونو ممكن يحتاج عنايه حولوني على طول ابنامي والحمد لله مافي زحمه والالم سار اقوى وصلت وعلى طول غرفه الولاده طلبت ابره الظهر رفضو لان الرحم عدى اربعه سانتي كم ساعه على الظهر كذه وجبت ولدي الله يطلعه لي سالم معافى والحمد لله على كل حال بعد الولاده جاني نزيف ممكن من الخلطه الله العالم بس عدت على خير ولدتني دكتوره سوريه اسمها مي الله يوفقها صبوره وحنونه وتتعامل بكل احترام طلعت اليو م العصر لاني تعبت ماقدر انام بالمستشفى وولدي مازال في المستشفى ادعوله يطلع لي بالسلامه ويقر عيني فيه عاجل غير اجل ويرفع عنه كل ضر يارب ياكريم ياقادر