الحمد لله والشكر قصتي من طقطق إلى السلام عليكم .

السلام عليكم,,

كيف حال الجميع ووش أخبار نفسيااات التوااااسع والعوااااشر,,

الحمد لله والشكر على تمام النعمة وإكتمال المنه..

ولدت صباح يوم الأثنين الماضي 27/12 الساعة 11:27بالضبط,

وجبت ولله الحمد بنت. الله يصلحها ويهديها ويجعلها أمه صالحه.

....................................................................

طبعاً كان موعد ولادتي المقرر 29/12 يوم الأربعاء

بس من يوم السبت 25/12 نزل علي إفرازات مخاطيه متموجه باللون البني ومعي مغص خفيف يروح ويجي .. هنا أنا جبت حلتيته ووبتها بماء وحطيتها بفوطه ولبستها,
وجبت كسره ولفيتها بكيس وكل شوي أشمها .
يوم الأحد نزل معي الافراز مموج بدم ,, والمغص زاد علي شوي بس الألم أقدر أتحمله,,
وفي ذاك اليوم طلعت زيااااره لأهلي بالليل ,والمغص معي,,
المهم بعد مارجعت لبيتي,, ونمت تنبهت الساعة3 ومعي مغص شديد ونفس الشي يروح ويجي,, وبديت أحسب للمغص صار كل 5دقااايق يروح ويجي ..
تصبرت قد ماأقدر إلى ماأذن الفجر قومت زوجي للصلاة وقالي وش فيك قلت مافيني شي.. المعم بعد مارجع من الصلاة ثلت معي مغص قال خلين أوديم للمستشفى بس رفضت قلت أبصبر ..

المهم حاااولت أتسدح أنام بس ماقدرت..دقيت على أمي وقلت لها وش رايك أروح للمستشفى قالت إصبري يبدون يلعبون فيك ويدخلون يدينهم كل شوي..تعال لمي أكبيك,, قلت خلاص بعد شوي أجي,,
فكرت وقلت ماله داعي لأروح لأمي أتعبها معي..

طلعت من غرفة النوم ورحت لغرفة الجلوس وفتحت التلفزيون والدفايه والمغص يااااربيه.:eek:.
تصبرت وتحملت حد الساعة 7 هنا رحت لزوجي وقلت يالله مقدر أتحمل قال إصبري إلى 8 أقوم مره وحده للدوام..المهم يوم صارت حول 8 رحنا ومرينا أمي وحطيت بنتي عندها ورحت ويوم دخلت للمستشفى جت الدكتورة وقاست لي وقالت مفتوح 7سم, فرررحت وقلت يارب إن شاء الله ماأطول,


المهم خذوني للكشك ولبسوني الساعة كانت تقريبا9
وطول ماأنا أطلق كنت أردد ياذا الجلال والإكرام مثل مانصحتنا هنا فيها وحده من الأخوااات.
وأقول يامخلص النفس من النفس خلصني, وأقول ياكريم ياكريم,, وأمسك يد الممرضه ولا المنظفه..
وإذا راح الألم أغفي شوي.. إلى ماجت اللحظات العصيبه والأخيرة والمؤلمة طلعت الراس
وماأدراك ماطلعت الراس.. هنا خلاص مافيني طااااقة ولا جهد,
حاااول قد ماأقدر إلين مافرجها ربي ولله الحمد
وقتها صاارت االساعة 11ونص شرفت البنوته.ولله الحمد..


أشياء كنت أسويها من الشهر التاسع:

1- جبت ماء زمزم وقريت عليه أيات تسهيل الولادة اللي مانت موجوده هنا .وأشرب منها كل ماعطشت.

2- مشيت تقريباً 3مرات مدة نصف ساااعه. وانا أمشي أقرأ الأيات والمعوذات وأستغفر.

3- يوم حسيت بقرب الولادة إستخدمت الحلتيته,إلى ماولدت لدرجة إني مدخلتها بخشمي وأنا أطلق ,:22:.


أحلامي بجنس الجنين هل تحققت:
خلال حملي حلمت مرتين بإني ولدت بنت وفسرت الحلم بإني راح أجيب ولد.
والسونار قال لي بنت ,,
يعني صدق السونار وكذب الحلم,

شكل البطن وشكلي العام:

كل ماشافني أحد قال اللي فيك ولد لأن بطني كان مرتفع ومكور بس كل هالاشياء مو دليل ,,

وهذي كل الحكاية ,, والله يسهل ويوفق الجميع ,,