السلام عليكم ورحمة الله وبركاته
انا نزلت موضوع كنت اسال فيه عن افضل مستشفى خاص بالاحساء
وبعضكم نصحني بمستشفى الموسى
طبعا انا توكلت على الله وقلت باروح الموسى وانا عندي خبر اني
راح اخضع هذي المره للولاده القيصريه بحكم اني كنت عامله
قيصري مرتين من قبل
واول التاسع رحت المستشفى وطلبت الدكتوره ناديه وقالو لي
في زحمه عليها قلت لهم طيب في استشاريه ثانيه
قالو لي الدكتوره اماني قلت لها خلاص افتحي ملفي عالدكتوره
اماني ................
طبعا المستشفى فيه نظام عجبني كثير انك تحجزي لك موعد بالساعه يعني موعدك مكتوب الساعه 6
تجي الساعه 6 الا ربع تفتحي الملف وشوي يجي دورك المهم الدكتوره اماني روووووووعه
استقبلتني وتابعت حالتي وحددت لي موعد العمليه
رحت لها في الموعد وكان الطلق بادي فيني كانت في نفس اليوم عندها محاضره وحاولو المستشفى يتصلون علينا يخبرونا
بموعد ثاني للعمليه بس ماكان عندهم الا رقم التلفون القديم
يوم شافو حالتي على طول راحو جهزو لي اوراقي وكل شي وحطو علي جهاز التخطيط يراقبون الجنين والتقلصات ويوم شافو الطلق بدا يزيد اتصلو على الدكتوره وقالت لهم يجهزوني للعمليات بسرعه
وهي جايه في الطريق
رحت للعمليات الساعه 3 وربع وخدروني الساعه 3 و25
صحيت الساعه 4 ونص وكنت بموت من البرد والالم حطولي غطا
دافي وعطوني مسكن نمت بعدين
ونقلوني لغرفة الولاده بعد ماكنت في غرفة الملاحظه
كانت كل دكتوره تمر علي وتشيك على العمليه
ودخلو زوجي:arb: وبعدين جابو ولدي :04:عشان اشوفه
وبصراحه هذي الدكتوره ممتازه بالعمليه القيصريه
والحين انا في النفاس لي 11 يوم
والعمليه مرتبه ولا كان في اثر للعمليه
وامس راجعت الدكتوره وشالت لي خيط العمليه
في المستشفى ماكانو يخلون ولدي عندي على طول يجيبون
وقت الزياره 4 ساعات ويرجعونه الحضانه
ويجيبونه الصباح ارضعه ويرجعون ياخذونه
بصراحه ارتحت كثير عندهم
واسفه طولت عليكم
واتمنى لكل وحده حامل ولاده سهله ويسيره
واهم شي ثقتج بالله تكون كبيره والله مايخيبج
صدقين راح تتسهل امورج اذا سلمتي نفسج وروحج لربج
:27:
يلزم عليك تسجيل الدخول أولًا لكتابة تعليق.
أخت ريومه
•
مبرووك ما جاك ما شاء الله ويتربى بعزك وعز ابوه باذن الله..
مبرووك ما جاك ما شاء الله ويتربى بعزك وعز ابوه باذن الله..مبرووك ما جاك ما شاء الله ويتربى بعزك وعز ابوه باذن الله..
الف مبرووووووووووووووووووووووك والحمد الله على سلامتك
الصفحة الأخيرة