السلام عليكم
ولله الحمد والمنه ولدت وجبت ولد الله يصلحه ويرزقني بره هو واخوانه
ولدت قبل شهر ويومين في مستشفى البار بأبها ... ولدت قبل نهاية التاسع بيوم طولت
قبل الولاده بأيام كنت ماعاد أقدر انام من التعب اول مره كذا تحصل معاي احس اول مااحط رأسي بضيقة وتعب وقبلها بليله ارسلت الشغاله لامي لانه عندها ناس وبدأت أطبخ كالعاده بس كان فيه ضغط في أسفل ظهري لدرجة أمشي منحنيه وخلصنا العشاء وبدأت أغسل الاواني وظهري يعورني وخلصت بعد جهد
وأحس بألم أسفل بطني قلت يمكن تقلصات كالعاده ولكن حسيت انه خلاص بولد وقمت انظف واكنس علشان يكون بيتي نظيف
ونمت وصحيت ع ألالام بس بسيطه ورجعت نمت
بعد الفجر كان الكلى اليمنى تعوووورني شكله النونو ضاغط عليها وفكرته برد وتدفيت وتحركت وخف ولما بغيت أنام رجعت تعووورني الكليه ألم فظيع وقمت وجلست والبس فروه وبدأت الالام تجي وتروح وقلت يمكن ولاده لانه في عيالي الاوليين تنزل علي المويه وهذا مانزلت
اتصلت ع الدكتوره وقلت لها عندي الالام يمكن ولاده قالت نزلت مويه ولادم ولا افرازات قلت ايه افرازات ثقيله .. قالت خلاص ولاده اشربي دافي وامشي
اتصلت ع زوجي وقلت ياالله بولد لانه لازم اروح المستشفى لانه بعيد يمكن 170كيلو عن محافظتي قال عن جد قلت ايه قال ياالله جاي
وجهزت ملابس عيالي وصحيتهم ولبستهم ووديتهم لامي ولما شافتهم بكت الله يخليها لي
وبدأ المشوار للمستشفى كانت كليتي تعورررني وألالام طللللق وكان يساعدني التنفس العميق لاحد ماوصلنا العصر وحنا ماشين الظهر
وصلت وجتني الدكتوره اللي اخترت المستشفى علشانها علياء الماردني طيوبه وحبوبه ومريحه للنفس كشفت وقالت ماشاء الله مفتوح 8 سم لان ولادتي ورا بعض وخلصت الممرضه بسرعه عملها في غرفة ماقبل الولاده
وطلعتني غرفة الولاده:29: وبدأت ألالام الطلق تزززيد وجت الدكتوره وكشفت وقالت في طريقه للتسعه وفتحت مويه الرحم وكانوا يعطوني أكسجين لما تجي الطلقه
ولما بدأت المويه تصب قالت الممرضه خلاص ممنوع الاكسجين لانه خلاص ولاده فرحت وخفت لاني دائما اتعب بالدف
وبدأوا يرفعون رجولي ولما تجي الطلقه ادف بقوتي وماطللع واستمريت ع هذا الوضع قالت الدكتوره كل عيالك يعذبوك وقت الدف قلت الله يعين ويكتب الاجر
ولما جت طلقه دفيت وطللع النونو حسسسيت بسعااااااده وررراحه الحمد لله ماصدقت انه طلع ( من كثر مادفيت واشد في جسمي طلع في وجهي حبوب حمراء حول العين والانف وبداية الخدود وراحت بعد كم يوم)
وحطوا ع طول في اسفل بطني كيس فيه ثلج قلت ليييه قالت الممرضه كويس للرحم وكل ماطاح ترجعه حريصه عليه
وبدأت تخيط وانا خلااااص هلكانه وقرفانه ابغى اناااام وبس وانتهت ونمت ماحسيت بنفسي من البنج ودخل زوجي وتحمد لي بالسلامه وشوي أكلمه وشوي نايمه
وبعدين غسلت وطلعت الغرفه وخليت النونو في الحضانه علشان ارتاااح...
طلبته أسلم عليه ورجعته وجلست لليوم الثاني وطلعت وبس
بالنسبه للمستشفى مايستاااااهل الهلومه والضجه عليه ماافيه خدمات مثل الناس
أخذوا مني 8500 ريال 4500وعليها للولاده 1500 حضانه 2500 تأمين في حالة احتجتها
ابسط الحاجات مثل الفوط الصحيه ماهي متوفره ويجبون لي بين فتره وفتررره فوطه معاهم:29:
الحمد لله كانت اغراضي معاي كاااامله مااحتجت لهم
أكلهمممم عااااادي جدا ... تعاملهم كويس
كاااانت الدكتورره روووعه وخلوقه وصبوره
كانت خدمات الحياه الوطني افضل واحسن وأكلهم لذيذ
بس ماكانت الدكتوره كويسه
ميومه1 @myomh1
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة
يتربى بعزكم يياررررب