أولا الحمد لله على سلامتك حبيبتي
رح احكيلك عن تجربتي مع الحمل العنقودي
حبيبتي انا اول حمل لي كان حمل عنقودي وما كنت اخد منشطات فيعني ما اعتقد انو المنشطات الها اي علاقة بالموضوع
في البداية كان زي اي حمل لحد ما وصلت للشهر الرابع وصار ينزل علي دم وعندها اكتشفت دكتورتي انو ما في حمل وحولتني على الالتراساوند الثلاثي ولما عملته في المركز خبروني انو ما في جنين واني اجهضت يعني لحد هاي الفترة وانا ما بعرف انو حمل عنقودي وصارت حالتي تسوء وزي ما وصفتي من كتر التعب كنت اضل نايمة وهزال فظيع لحد اني ما كنت اقدر اتحمم لوحدي ولازم انو يكون في معي حد احسن ادوخ ويصيرلي شي. لما رجعت للدكتور بعد الفحص الثلاثي اعطتي ادوية لتنزيل الجنين وعلشان انا كنت بكرية طلبت مني اني ما اعمل تنظيفات (لحد يومك هذا انا ما بعرف شو وجهة نظرها) بس ما بدي ادعي عليها لكن الحمد لله ربنا لطف فيي.
بعد الاعياء الشديد اللي صابني نقلوني على مستشفى متخصص للولادة والامراض النسائية وعملولي كشف بالالتراساوند الداخلي وعلى الطول الدكتور خبرني انو هاد حمل عنقودي وخطير جدا علي ولازم على طول ادخل غرفة العمليات لاني بمرحلة متقدمة جدا من الحمل (كنت تقريبا بنص الرابع) وطلب فحوصات بنفس المستشفى عملوها وطلع الهرمون عندي مرتفع جدا (مش فاكرة الارقام هلا لانو هاي الحكاية فات عليها اكتر من 9 سنين) وقررلي عملية التنظيفات وانا طلبت منه بس اني اجي تاني يوم علشان احضر نفسي للعملية لاني ما كنت عاملة حسابي بصراحة ووقتها الدكتور وافقني بس على يوم واحد وتاني يوم من الصبح عملولي العملية وكان وضعي جدا صعب حتى انو الدكتور لما صحيت من البنج كان عندي ورجع اكتر من 3 مرات خلال ساعه يطمن علي ولما صحيت كويس من البنج خبرني انو ربنا ستر وقدرو يسيطرو على النزيف اللي صار معي ولولا رحمة رب العباد كان اضطرو انهم يشيلو الرحم. الحمد لله ايماني بربي كبير ودايما ربنا معي بكل صغيرة وكبيرة.
طبعا ما كنت فاهمة شو الحمل العنقودي ممكن يعمل وحكالي الدكتور انو لو ما نزل الهرمون ممكن احتاج كمان عملية تنظيفات لانه ممكن يكون في حويصلات ما ****لت بالتنظيف او صغيرة وكبرت وانو اذا كمان بقي الهرمون عالي بعد العملية الثانية ساعتها رح تضطر للعلاج الكيماوي. واكيد ما بحتاج اني اوصفلك حالة الخوف اللي كنت فيها وانا هاد اول حمل لي وكيف تاثير خوف الناس اللي حولي على صحتي وعلى تاثير ذلك على الحمل والولادة بعد هادي العملية. وكمان مرة الحمد لله رحمة ربي كانت كبيرة وعظيمة علي انو الحمد لله صار ينزل الهرمون كل اسبوع عن اللي قبله والدكتور طمني وحكالي طالما ما برتفع او انو بقي على نفس الدرجة وانو الهرمون عم بنزل معناته الامور جيدة وما رح احتاج لعملية ثانية ولا للعلاج الكيماوي.
وطبعا ضليت متابعة الفحوصات اول 3 اشهر كل اسبوع بعدين شهرين كل اسبوعين بعدين صار كل شهر لحد ما خلصت السنة اللي طلب مني الدكتور اني ما احمل فيها. والحمد لله بعد ما خلصت السنة بالزبط اخر شهر تركت الحبوب ربنا رزقني بالحمل على طول ومن علي بابني يزن وبعدها الحمد لله رحمة ربي كبيرة وحملت كمان مرة باحلى بنوتة وان شاء الله عم بفكر بالطفل الثالث قريبا.
فاختي طالما الهرمون عم بنزل عندك وانت متابعة صح مع الدكاترة ان شاء الله ما فيكي الا العافية وان شاء الله رحمة ربنا كبيرة وبعد ما تمر السنة رح تشوفي اخ او اخت لابنك يوسف الله يحميه.
معلش طولت عليكي بس حبيت اني اعطيكي تجربتي كاملة علشان اطمن بالك شوي لاني اول ما قرات كلامك اتذكرت نفسي.
ما عليكي الا العافية يا رب
رح احكيلك عن تجربتي مع الحمل العنقودي
حبيبتي انا اول حمل لي كان حمل عنقودي وما كنت اخد منشطات فيعني ما اعتقد انو المنشطات الها اي علاقة بالموضوع
في البداية كان زي اي حمل لحد ما وصلت للشهر الرابع وصار ينزل علي دم وعندها اكتشفت دكتورتي انو ما في حمل وحولتني على الالتراساوند الثلاثي ولما عملته في المركز خبروني انو ما في جنين واني اجهضت يعني لحد هاي الفترة وانا ما بعرف انو حمل عنقودي وصارت حالتي تسوء وزي ما وصفتي من كتر التعب كنت اضل نايمة وهزال فظيع لحد اني ما كنت اقدر اتحمم لوحدي ولازم انو يكون في معي حد احسن ادوخ ويصيرلي شي. لما رجعت للدكتور بعد الفحص الثلاثي اعطتي ادوية لتنزيل الجنين وعلشان انا كنت بكرية طلبت مني اني ما اعمل تنظيفات (لحد يومك هذا انا ما بعرف شو وجهة نظرها) بس ما بدي ادعي عليها لكن الحمد لله ربنا لطف فيي.
بعد الاعياء الشديد اللي صابني نقلوني على مستشفى متخصص للولادة والامراض النسائية وعملولي كشف بالالتراساوند الداخلي وعلى الطول الدكتور خبرني انو هاد حمل عنقودي وخطير جدا علي ولازم على طول ادخل غرفة العمليات لاني بمرحلة متقدمة جدا من الحمل (كنت تقريبا بنص الرابع) وطلب فحوصات بنفس المستشفى عملوها وطلع الهرمون عندي مرتفع جدا (مش فاكرة الارقام هلا لانو هاي الحكاية فات عليها اكتر من 9 سنين) وقررلي عملية التنظيفات وانا طلبت منه بس اني اجي تاني يوم علشان احضر نفسي للعملية لاني ما كنت عاملة حسابي بصراحة ووقتها الدكتور وافقني بس على يوم واحد وتاني يوم من الصبح عملولي العملية وكان وضعي جدا صعب حتى انو الدكتور لما صحيت من البنج كان عندي ورجع اكتر من 3 مرات خلال ساعه يطمن علي ولما صحيت كويس من البنج خبرني انو ربنا ستر وقدرو يسيطرو على النزيف اللي صار معي ولولا رحمة رب العباد كان اضطرو انهم يشيلو الرحم. الحمد لله ايماني بربي كبير ودايما ربنا معي بكل صغيرة وكبيرة.
طبعا ما كنت فاهمة شو الحمل العنقودي ممكن يعمل وحكالي الدكتور انو لو ما نزل الهرمون ممكن احتاج كمان عملية تنظيفات لانه ممكن يكون في حويصلات ما ****لت بالتنظيف او صغيرة وكبرت وانو اذا كمان بقي الهرمون عالي بعد العملية الثانية ساعتها رح تضطر للعلاج الكيماوي. واكيد ما بحتاج اني اوصفلك حالة الخوف اللي كنت فيها وانا هاد اول حمل لي وكيف تاثير خوف الناس اللي حولي على صحتي وعلى تاثير ذلك على الحمل والولادة بعد هادي العملية. وكمان مرة الحمد لله رحمة ربي كانت كبيرة وعظيمة علي انو الحمد لله صار ينزل الهرمون كل اسبوع عن اللي قبله والدكتور طمني وحكالي طالما ما برتفع او انو بقي على نفس الدرجة وانو الهرمون عم بنزل معناته الامور جيدة وما رح احتاج لعملية ثانية ولا للعلاج الكيماوي.
وطبعا ضليت متابعة الفحوصات اول 3 اشهر كل اسبوع بعدين شهرين كل اسبوعين بعدين صار كل شهر لحد ما خلصت السنة اللي طلب مني الدكتور اني ما احمل فيها. والحمد لله بعد ما خلصت السنة بالزبط اخر شهر تركت الحبوب ربنا رزقني بالحمل على طول ومن علي بابني يزن وبعدها الحمد لله رحمة ربي كبيرة وحملت كمان مرة باحلى بنوتة وان شاء الله عم بفكر بالطفل الثالث قريبا.
فاختي طالما الهرمون عم بنزل عندك وانت متابعة صح مع الدكاترة ان شاء الله ما فيكي الا العافية وان شاء الله رحمة ربنا كبيرة وبعد ما تمر السنة رح تشوفي اخ او اخت لابنك يوسف الله يحميه.
معلش طولت عليكي بس حبيت اني اعطيكي تجربتي كاملة علشان اطمن بالك شوي لاني اول ما قرات كلامك اتذكرت نفسي.
ما عليكي الا العافية يا رب
الصفحة الأخيرة
الله يشفيك يارب ويعوضك بالحمل السليم المعافى
وتذكري ان ماصابك فيه تكفير لك
مو من قليل الجنة تحت أقدام الأمهات