الحمل بعد العمليه القيصريه

مساء الخير على احلى كروشات
كيفكم وكيف النونات يا رب يتمم للكل على خير وتقومو بالسلامه

انا والده قيصري صارلي تقريبا 5 شهور و10 ايام
وحملت بالتاني لما كان عمر بنتي 3 شهور
يعني بين القيصريه والحمل بس ثلاث شهور
سؤالي هو هل ممكن اولد طبيعي عادي ولا فيه خطر عليه وعالبيبي
لاني سمعت انه اللي متل حالتي دائما بولدو قيصري لانه بخافو على الرحم عند الطلق من انه ينفجر
وانا ما بدي ارجع اكرر تجربه القيصري :44:
غير التعب راحت عليه رضاعة بنتي ما رضعتها من صدري
وربي يكتب اللي فيه الخير
بنات بدي تجاربكم اللي صار معها متلي او سمعت عن حدا هيك او ارفعو موضوعي والله خايفه من هالتجربه
دمتم بحفظ الرحمن