الحمل بعد الفطام وحساب طول الدورة

السلام عليكم ورحمه الله وبركاته. خواتي ان شاء الله الكل بصحه وعافية وسعيد ومرتاح. المهم حبايب قلبي انا ولله الحمد والمنه عندي عيال لكن الانسان بطبيعته طماع وخصوصا اذا كبروا عياله يتمنى طفل صغير يغير في روتين الحياة ويعطينا روح في البيت اسأل الله العلي القدير ان يرزقني ويرزق كل من يتمنى انا قبل اخر بنوته وقبل ما احمل فيها تأخرت في الحمل بدون سبب واضح وكان اغلب تحاليلي مرة هرمون الحليب مرتفع ومرة كل شيء طبيعي لكن ربي سبحانه الرازق حملت ببنتي بإرادة سبحانه بعدها رضعت بنتي طبيعي سنتين وبعد ما فطمتها. تمنيت الحمل خصوصا ان عيالي بينهم فرق كبير في العمر وانا خائفة يكون الهرمون ارتفع مع الرضاعة ويمنع الحمل ومالي خلق للمستشفى والتعب النفسي. ياليت اللي رضعت تخبرني كم ضلت حتى صار الحمل بعد الفطام والدورة عندي كل شهر الحمد لله مثلا اذا جتني في 1/2/1435 وانتهت في 7/2/1435. الشهر اللي بعده تجئ في 7/3/1435 يعني اليوم اللي تنتهي فيه الشهر اللي بعده تجئ حبايبي اللي تعرف تحسب طول دورتي اكون لها شاكرة وهل تعتبر منتظمه