الحمل للمرة الرابعة.. ممكن تفيدوني يا خبيرات

السلام عليكم
كنت أبغى اسألكم يا حوائيات عن الحمل الرابع
عندي 3 اطفال ما شالله تبارك الله بنتين و ولد الله يحفظهم
و ما صدقت كبروا
و اصغر شي تقريبا 3 سنين

مع العلم انه عمري 26

و الآن زوجي بيقترح عليا فكرة الحمل و انه عشان ما يكون فرق كبير بين اعمارهم و عشان أجيب أخو لولدي ومن هاذا الكلام
و الصراحة انا مو مقتنعة و حاسة اني لسة أبغى أرتاح
و انه مستعجلين على اييييش؟؟
و مرات أقول صح ما ابغى فرق في الاعمار
و مرات اقول انا عندي اهداف و طموح ابغى احققها و ما صدقت انه اطفالي كبروا عشان ابدأ مشاريعي

و شي آخر انه عندي خمول في الغدة و عندي الذئبة الحمراء و من وقت لوقت أشعربإرهاق في جسمي و تعب و ألم في العظام و العضلات على أبسط مجهود في البيت..
و آخر مرة قاللي الدكتور انه الذئبة في حالة خمول و ممكن أحمل

بس أنا مترددة مرررة
و انه حارجع تاني للحمل و الثقل و الولادة و السهر و الرضاعة و الحفايض :icon810:

بالله عليكم أشيروا عليا و أفيدوني و اللي جربوا الوضع و فاهمينني و حاسين بية أفيدوووني