الحمل والحلم (من استخدمت وصفة جود الالم تدخل )

السلام عليكم 
بقولكم قصتي المحيره ..
اول شي انا الحمد الله كشفت  وسليمه وزوجي سليم . كل شهر يجي تبويض وللاسف مافي حمل 
صار لي كم سنه ..
استخدمت جهاز كلير بلو ديجتال وتابعت التبويض ويبين لي ايام الخصوبه ثلاث ايام وبعدين يوم التبويض يكون فيه جماع وثلاث ايام بعدها .. هالشهر طبقته 
واستخدمت خلطة جود الالم للحمل اللي هي تاخذين سبع حبات حبة البركه وتدعين وتنامين على وضو كل يوم قبل النوم .. 
هالشهر اللي كنت مستخدمه هالشيئين جهاز الاباضه وخلطة جود الاللم حصل لي شي غريب ! 
قبل ايام الدوره تقريبا باربع ايام وانا كنت ناويه اطلع و لابسه عبايتي  نزل علي دم طبعا استغربت الدوره مو كذا ماتقدم ابداً يمكن تاخر يوم يومين بس هي منتظمه و بالعاده احس بثقل بالصدر والام الظهر ومغص هالمره غريبه حتى رائحه مافي 
بعدين قلت خلاص هذي الدوره والحمد الله على كل حال ..
وبعدها استناها تنزل مانزلت الا نقاط خفيفه قلت يمكن اول يوم بعدها بتنزل 
ثلاث ايام فقط نزلت علي دوره خفيفه جداً وبدون الام ؟ بعدها اليوم الرابع افرازات صفراء وبيضاء انا هنا قريت بالنت وبحثت حصلت حالات مثلي وطلعو حوامل انبسطت واستانست وعشت بايام ماعشت مثلها اليوم حللت حمل منزلي بجهاز كلير بلو الرقمي الدقيق اللي يبين الحمل حتى لو قبل الدوره وطلع سلبي !! تحطمت انقهرت تعبت وحمدت الله على قضاءه وقدره عشت اجمل ثلاث ايام بحياتي توقعت اني حامل لكن للاسف ماادري وش الخيره فيه 
انا الحين اليوم السادس وبالعاده تجيني سبع ايام  بس اليوم لاافرازات ولادم جفاف من امس مادري اصلي واغتسل ولا شلون 
واللي مرت عليها نفس حالتي وش صار معاها !! وهل هي من الحبه السوداء !! ودي اروح المستشفى واكشف بس زوجي رافض لانه مشغول كثير وانا تعبت من التفكير امس مانمت الى الساعه اربع تعبت تعبت طلبتكم ادعولي ان الله يرزقني بالحمل السليم عاجلاً غير اجل