والله ماابي اثبط همتك لكن انا حملت وانا ادرس وكان حملي الثاني وصارت معي مشاكل بسبب الاجهاد لأنه اشتغل بالبيت والجامعه يبيلها شغل ومطالبه ببحوث وعروض وصار معي نزول بالمشيمه واضطريت أأجل الترم والاجسام ماهي واحد جسم يتحمل وجسم لا علماً ان حملي الأول كان من دون مشاكل بس كل حمل يختلف عن الثاني انتي شوفي نفسك وحالتك الصحيه وقرري

شوفي حبيبتي اذا حملك مستقر ووضعك سليم ادرسي
لاتعتذري عن الترم الحين
بتحتاجي الاعتذار بعد ما تولدي فعلا يصير طفلك محتاجك خصوصا ماعندك من يمسكه لك
الحمل ماعمره يعيق الحرمة عن دراستها او وظيفتها الا بحالة انه حملك بخطر
وولادتك بتكون بعد الاختبارات النهائية يعني مره تمام
انا مثلك اختبرت نهائي وبعدها باسبوعين ولدت واخذت الترم الثاني اعتذار وانربطت مع العطلة الصيفية يعني انتي بترجعي للدراسة الحج السنة الجاي وولدك عمره 8 شهور قده كبير شوي
انا كنت اداوم الخمس يايم كلها وفي بيتي جالسة وعزايم وضغط مو طبيعي والحمدلله تميت التسعة شهور كاملة
انتي ادرى بنفسك ماعليك من احد ولا تقولي اجهضت وحملت ثاني
الاجهاض شي ثاني وحمل مختلف وطاح

انا حملي كان بغد خمس سنين يعني صدق ميتة عليه بس الحمدلله التساهيل من الله

الله يسعدكم يابنات على ردودكم ..
كب كيك .. صحيح حملي غالي علي ومن زمان استناه بس كل مااتذكر ان الحمد لله اموري طبيعيه وانه بداوم بس يومين اقول مابيأثر وارجع اخاف لكن الله يختارلي الي فيه الخير ..
اموله .. هذا الي مشجعني انه يس يومين وغير كذا ربي يسرها وولقيت مادتين يوم الاثنين بنفس الكلاس والثلاثاء برضو محاضرتين بنفس الكلاس وعندي معمل الاربعاء الساعه 1 الظهر يعني امشي من البيت 12 وزي ماقلتي التاجيل يلخبط المواد وهذا اكثر شي قاهرني بتمرمط وبيصير عندي تعارضات وحوسه ..


بائعة المسك .. ياالله منجد كنتي تعاني بقوه الله يكتبلك الاجر انا الحمد لله مااحتاج اشيل شي تخصصي تربيه خاصه والمسافه بالباص 20 دقيقه بالظبط ..
سكر .. هذا الي خايفه منه الاجهاد بس انا مااسوي شي فبيتي كل الاكل جاهز والبيت مايتكركب كثر ماعندي لا زيارات ولا اطفال ..
عشرينيه .. هذا الي اقوله انه الحمد لله وضعي مستقر وغير كذا موعد ولادتي بنهاية 4 بيكون الترم الثاني بدا وانا بكون ولدت يعني احتمال كبير يروح عليه الترم اذا ماقبلو عذري فعشان كذا ابغى استغل هذا الترم .. يس قلتي عباره حلوه وقفت عندها (وولدك عمره 8 شهور) الله يارب تجيبه بالسلامه يارب


يابنات بستخير وبفكر وربي يختارلي الي فيه الخير بس ردودكم منجد ساعدتني الله يسعدكم يارب ونسيت اقولكم ان الترم الاول اغلبه شتا والجو بيكون حلو وبارد وهاذي نقطه كمان ايجابيه ..

قصدي الترم الثاني بيبدا وانا لسه ماولدت ولازم الشهر التاسع اكون عند اهلي فااحتمال كبير يضيع عليه الارم الثاني

شوفي انا كمان بكون حامل وادرس بس دوامي يبدا شهر محرم وقليل يعني اخلص اختباراتي في شهري التاسع الله يتمم على خير بس بروح اطمن للدكتورة قبلها اذا قالت اوك داومت
ويومين دوامك مو تعب ولاتروحي الا على المحاضره بالضبط وخلاص
اسألي دكتورتك لان تأجيل ترم ولسه بيجيكي البيبي وماراح تعرفي تذاكري مزبوط