الحمل والقولون العصبي

السلام عليكم ورحمه الله وبركاته
مساكم عطر
ان شاء الله تكونوا بخير انتم وحبايبكم
الموضوع وما فيه ياطيبات الشمايل
الاسبوع الي فات جاني الم شديد في جنبي الايسر لدرجة ما اقدر اتحرك مثل السكين المغروسة في جنبي تحملتها يوم وبعده قلت لازم اروح للمستشفى
المهم دكتورتي اول ما كشفت علي قالت هذا قولون عصبي بس لازم يكشف عليك استشاري باطنية وبالفعل حولتني للاستشاري وبعد الفحص قال قولون عصبي :44:
واعطاني محاضرة طويلة عن تأثير العقل الباطن على الاعضاء وتأثير الخيبات (حسب كلامه )الي تمر علينا في حياتنا على اجسامنا وكيف لازم نتأقلم مع نقاط الضعف الي عندنا وما نصير حساسين للامور الي ترفع الضغط (حسب تفسيري )
والله يابنات كلام كثير ذكرني بأيام الجامعة والدكاترة الي الواحد اذا تكلم ما تكفيه الساعتين :mad:
المهم في نهايه هالمحاضرة النفسية قال انتي حامل ما نقدرنعطيك ادوية نخاف منها لكن بأعطيك حبوب للغازات بعد الاكل ولازم 1-شرب مغلي البابونج والنعناع ثلاث مرات في اليوم
2- الاكل يكون خضار وبيض وحليب
3- قبل الاكل بنص ساعة ناكل فاكهة
4- نبتعد عن المقليات والفلفل والغازيات
5- دخول الحمام بأنتظام
واهم شي مع ان هالشي صعب كلامه نصاً( لازم يابنتي قد ما تقدري صلي على النبي ولا تضخمي الامور):icon33:
الحين الحمد لله خف الالم كثير لكن سؤالي يابنات الحين القولون بيستمر معي والا شلون لانه اول مرة يصير معي هالشي .؟