537478


جربي هالحبوب وبترتاحي ان شاءالله
وهي امنه ومخصصه للحوامل
انا وقريباتي معتمدينها

وتقدري تسالي وتبحثي عنها واسالي الصيدلي لتتطمني اكثر

طيب لا تروحين لاهلك وتطولين
روحي لك اسبوع مثلا لين ترتاحين وجسمك يرتاح وارجعي كم يوم
وخذي حبوب الغثيان وكلها ايام ان شاء الله وتعدي

روحي كل يومين او ثلاثة للمستشفى يعطونك مغذية
لان جسمك محتاج غذاء ومن دون المغذيات ماراح تقدرين تتحركين
الله يهون عليك

ذكرتيني بحملي
لا حبوب تفيد ولا غيرها
خمس شهور وانا ميتة عالسرير
اصلي وانا جالسة من قوة الضعف اللي بجسمي
حتى النور والصوت كرهتهم
الله يكتب الاجر

خليك ببيتك وجيبي شغالة كل اسبوع تنظف
وخذي مغذيات واطلبي ابرة فيتامين ب12
اعتقد كذا اسمها
تخفف الغثيان وتقدرين تاكلين بعدها

جزاكم الله خير بنات
انا موفره روحتي لبيت اهلي لما يتقدم الحمل
لاني لسى ببدايه حملي والوحم شااااد معي
ووجهي من التعب صاير يجيب الهم
حتى خجلانه من زوجي من التغيرات اللي فيني
لكن يارب مايطول الوحم تكفون ادعوا لي تعبت والله

قسم بالله كأنك تتكلمي عني

انا كمان ماعدت اطبخ ولا ادخل المطبخ اصلا واذا فتحت الثلاجة على طول عالحمام ارجع

وعندي هبوط وحرقااان شديد والبيت صار خرابه

ومهما زوجي ساعدني ماحيلحق لان عنده شغل وكلو كوم وبنتي كوم عمرها سنتين ونص

قصرت باكلها حتى رجعت لبستها حفاضه بعد مانضفت منها وكرهت كل الاكل حتى الالبان والاجبان والدجاج واللحم وكثير من الخضار والبيض

لكن ابشرك انا دخلت الرابع جديد والحمدلله الوحم خف النص وصرت ادخل المطبخ واطبخ ورجعت اعود بنتي عالحمام صح عندي دوخة باستمرار والغثيان يوم يجي ويومن لا بس ****لله بالتدريج كلو يختفي

الله يهون علي وعليك ويعدي هالمرحلة على خير يارب