الحمل والوظيفة ؟؟

السلام عليكم ورحمة الله وبركاته ..
كيف حالكم جميعا ..
كتبت هذا الموضوع الاني مره مترددة ومشوشة .. استخير واخد بالرائي الي يناسبني ..
اولا انا انسانة طموحة وعملية جدا احب الشغل الوظيفة كذا من ربي يمكن علشان من تخرجت وانا موظفة في القطاع الخاص
بس تزوجت تركت الوظيفة وندمت مو متعودة علي الجلوس بالبيت كنت ابحث مدة سنة علي الشركات ابي اتوظف لكن ربي مااراد
المهم حملت ولما وصلت الشهر السابع من الحمل بدات سبحان الله الشركات تتصل علي ٥ شركات اتصلو وبنفس تخصصي رفضت وكنت علي قناعه حتي اولد ان شاء الله
حاليا انا بالاسبوع الثالث من الشهر التاسع امس اتصلو علي شركة حددت معي مقابلة يوم الاحد للاسف اربط لساني اني اقول حامل او مسافرة الان هذي الشركة مميزاتها عاليه وكمان كنت اقدم عليها من ٢٠١٢ اكثر من مره ماعمره اتصلو وحاليا جاني الاتصال ...
مترددة كثير اروح المقابلة وانا ع وجة ولادة ايش اقول لهم .. لو قلت ينتظرو حتي اولد وطفلي مين يمسكة لي تعرفون حيكون حبيبي يحتاجني كثير اهلي بعيد عني واهل زوجي مايقدرو يمسكو طفلي .. بنات هذي الوظيفة نفسي فيها خايفه تروح علي الاني من زمان وانا اقدم عليها واتمنها ..
لو تركت ومارحت المقابلة ... اخاف اقدم من جديد ماالاقي مين يستقبلني علما تعرفو الحصول علي الوظائف الي تبغيها نفس التخصص في هذا الزمن صعبه ومو بساهل ،،


انصحوني يا اخوات ..
علما ان وحدة من زميلاتي كانت نفي حالتي ورفضت كل الوظائف وقت الحمل تقول بعد ولادتي للحين وانا ابحث ماحصلت وظيفة ..