اذا حملتي ووزنك طبيعي،
يعني ما كنتي سمينه وقت الحمل، فبتزيدين من ١٠ الى ١٢ كيلو (طبيعي)
وبعد الولادة مباشرة اول يوم توزنين تلقينك نازله ٥-٦ كيلو منها وزن الجنين والمويات والخ..
بعد الولادة لو طبيعي ب٣ ايام ابدي البسي المشد وامشي ساعه يوميا وكثري شرب مويه عشان يرجع جسمك بسرعه..
كيف ما اسمن؟
١- ابعدي عن اشاعات (انت تاكلين حق شخصين) خطا خطا خطاا، اول ٣ شهور كلي نفس كميات اكلك الطبيعية مثلا (ساندوش بيض فطور، كبسه غدا، ايدام عشاء + قهوه وقطعه حلى او فاكهه على حسب انت وش تاكلين) وبعد الثالث يبدا الجنين يكبر من هنا تزيدين على سعراتك بس ٢٠٠ سعره، يعني لو كنتي تاكلين صدر دجاجة عالغدا بس زيدي عالصدر فخذ دجاجة بس ..
٢- اكلك يكون صحي، الجنين ما ياخذ من جسمك غير المركبات الكيميائية (الفيتامينات والمعادن والخ) يعني ما ياخذ مثلا تفاحه كامله لا ياخذ مثلا ١ملجم من الالياف الي فالتفاح يمتصها من جسمك وخلاص تكفيه، فابعدي عن الاكل الي مافيه فوائد لانه بيخليك تجوعين عشان البيبي جوعان لو اكلتي برجر ومكرونه ورز وما اكلتي خضار وفواكه بتجوعين لان الجنين ما جاه فيتامينات اليوم.. فخلي اكلك صحي قدر الامكان كلي من اكل بيتك عادي لا تسوين وجبات مخصصه بس مثلا بدال ما اسوي مكرونه باللحم والكريمه والجبنة والخ، اسوي مكرونه باللحم والخضار عشان الفوائد، بدال ما اسوي مسقعة مقلية كلها دهون اخلي الخضار مشويه، وهكذا
٣- لا تتهاونين فالفيتامينات او تتوقعين انها تسمن، الفيتامينات ما تزيد الوزن ابدا خصوصا مع الحمل لانها تعطيك بس ٢٠ الى ٤٠٪ من احتياجك اليومي وانتي تحتاجين نسبه ١٠٠٪ يعني يعطيك حديد ٢٠٪ بس على اساس تعوضين ال٨٠٪ الباقي بالاكل الطبيعي فهذي مارح تضرك ابدا بالعكس بتنفعك فالايام الي ما تاكلين فيها اكل صحي وتتاكدين ان الجنين توصله الفوائد
٤- لا تحرمين نفسك من اي اكل نفسك فيه، بس تحكمي فالكمية، مثلا نفسك في سينابون، لا تشترين اكبر قطعه اشتري الصغيره بس لا تقولين لا ما باكلها لان مضره على هالموال مارح تتركين اي شي وبتاكلين ومع الوحام بتزيدين دبل..
٥- اول ٣ شهور من حملك امشي يوميا ٣٠ دقيقة، ومن الرابع للسادس زيدي مده المشي ل٤٥ دقيقة واخر ٣ شهور تصير ساعة كامله + تمارين الولادة بتلقين فاليوتيوب.. هذي تحافظ على وزنك وعلى صحتك وتسهل عليك الولادة تعطيك قوة جسدية كبيرة وتساعد جسمك حتى بعد الولادة انه يرجع زي ما كان اسرع من الي كل حملها تاكل وجالسه ما تتحرك وطبيعي لما تمشين من السابع يبدا يجيك زي التقلصات فالبطن هذا شي طبيعي وصحي جدا ان عضله الرحم تبدا تتقلص بخفيف لانها تستعد للولادة والمشي يوصل لها الدم فتتمرن معك بس لا تخافين منه وتحسبينه ولادة مبكره ابداا ولا توقفين الرياضه تخافين تولدين بعد لا استمري على المشي والرياضه حقت الولادة لانها بتساعدك وتريحك من حتى الالام فالظهر والرجلين ..
٦- لا تسمعين لكلام الناس الي يقولون خليك منسدحه لا تتحركين الجنين بيطيح الخ الا لو قالت هالكلام لك الدكتوره وعندك اعراض صحيه زي نزيف او تجلط بالمشيمه او الخ، لكن دام ما عندك مشكله فلا تخافين ابدااااا وتحركي امشي وكلي اكل صحي وماعليك من الي يتفلسفون عليك..
وبس يارب افدتك انا مسويه كذا والحين فالسابع وما زدت الا وزن البيبي الي هو كيلو ونص فقط مع ان نمو الجنين الحمدلله طبيعي مره ووزنه طبيعي وطوله طبيعي وبالعكس تقولي الدكتوره متقدم فالوزن ع اقرانه ما شاء الله فيمكن يوصل ٤ كيلو عند الولادة والناس كلها تشوفني ما اسمن فتفكر الجنين ميت جوع ببطني وصغير 😂
يعني ما كنتي سمينه وقت الحمل، فبتزيدين من ١٠ الى ١٢ كيلو (طبيعي)
وبعد الولادة مباشرة اول يوم توزنين تلقينك نازله ٥-٦ كيلو منها وزن الجنين والمويات والخ..
بعد الولادة لو طبيعي ب٣ ايام ابدي البسي المشد وامشي ساعه يوميا وكثري شرب مويه عشان يرجع جسمك بسرعه..
كيف ما اسمن؟
١- ابعدي عن اشاعات (انت تاكلين حق شخصين) خطا خطا خطاا، اول ٣ شهور كلي نفس كميات اكلك الطبيعية مثلا (ساندوش بيض فطور، كبسه غدا، ايدام عشاء + قهوه وقطعه حلى او فاكهه على حسب انت وش تاكلين) وبعد الثالث يبدا الجنين يكبر من هنا تزيدين على سعراتك بس ٢٠٠ سعره، يعني لو كنتي تاكلين صدر دجاجة عالغدا بس زيدي عالصدر فخذ دجاجة بس ..
٢- اكلك يكون صحي، الجنين ما ياخذ من جسمك غير المركبات الكيميائية (الفيتامينات والمعادن والخ) يعني ما ياخذ مثلا تفاحه كامله لا ياخذ مثلا ١ملجم من الالياف الي فالتفاح يمتصها من جسمك وخلاص تكفيه، فابعدي عن الاكل الي مافيه فوائد لانه بيخليك تجوعين عشان البيبي جوعان لو اكلتي برجر ومكرونه ورز وما اكلتي خضار وفواكه بتجوعين لان الجنين ما جاه فيتامينات اليوم.. فخلي اكلك صحي قدر الامكان كلي من اكل بيتك عادي لا تسوين وجبات مخصصه بس مثلا بدال ما اسوي مكرونه باللحم والكريمه والجبنة والخ، اسوي مكرونه باللحم والخضار عشان الفوائد، بدال ما اسوي مسقعة مقلية كلها دهون اخلي الخضار مشويه، وهكذا
٣- لا تتهاونين فالفيتامينات او تتوقعين انها تسمن، الفيتامينات ما تزيد الوزن ابدا خصوصا مع الحمل لانها تعطيك بس ٢٠ الى ٤٠٪ من احتياجك اليومي وانتي تحتاجين نسبه ١٠٠٪ يعني يعطيك حديد ٢٠٪ بس على اساس تعوضين ال٨٠٪ الباقي بالاكل الطبيعي فهذي مارح تضرك ابدا بالعكس بتنفعك فالايام الي ما تاكلين فيها اكل صحي وتتاكدين ان الجنين توصله الفوائد
٤- لا تحرمين نفسك من اي اكل نفسك فيه، بس تحكمي فالكمية، مثلا نفسك في سينابون، لا تشترين اكبر قطعه اشتري الصغيره بس لا تقولين لا ما باكلها لان مضره على هالموال مارح تتركين اي شي وبتاكلين ومع الوحام بتزيدين دبل..
٥- اول ٣ شهور من حملك امشي يوميا ٣٠ دقيقة، ومن الرابع للسادس زيدي مده المشي ل٤٥ دقيقة واخر ٣ شهور تصير ساعة كامله + تمارين الولادة بتلقين فاليوتيوب.. هذي تحافظ على وزنك وعلى صحتك وتسهل عليك الولادة تعطيك قوة جسدية كبيرة وتساعد جسمك حتى بعد الولادة انه يرجع زي ما كان اسرع من الي كل حملها تاكل وجالسه ما تتحرك وطبيعي لما تمشين من السابع يبدا يجيك زي التقلصات فالبطن هذا شي طبيعي وصحي جدا ان عضله الرحم تبدا تتقلص بخفيف لانها تستعد للولادة والمشي يوصل لها الدم فتتمرن معك بس لا تخافين منه وتحسبينه ولادة مبكره ابداا ولا توقفين الرياضه تخافين تولدين بعد لا استمري على المشي والرياضه حقت الولادة لانها بتساعدك وتريحك من حتى الالام فالظهر والرجلين ..
٦- لا تسمعين لكلام الناس الي يقولون خليك منسدحه لا تتحركين الجنين بيطيح الخ الا لو قالت هالكلام لك الدكتوره وعندك اعراض صحيه زي نزيف او تجلط بالمشيمه او الخ، لكن دام ما عندك مشكله فلا تخافين ابدااااا وتحركي امشي وكلي اكل صحي وماعليك من الي يتفلسفون عليك..
وبس يارب افدتك انا مسويه كذا والحين فالسابع وما زدت الا وزن البيبي الي هو كيلو ونص فقط مع ان نمو الجنين الحمدلله طبيعي مره ووزنه طبيعي وطوله طبيعي وبالعكس تقولي الدكتوره متقدم فالوزن ع اقرانه ما شاء الله فيمكن يوصل ٤ كيلو عند الولادة والناس كلها تشوفني ما اسمن فتفكر الجنين ميت جوع ببطني وصغير 😂