السلام عليكم ورحمة الله وبركاته
كيفكم خواتي ,, ان شاء الله تمام وبصحه وعافيه,,
بقولكم قصتي بأختصار ,,عشان تستفيدون وتدعون لي ويمكن يكون احد مر بنفس حالتي يطمني,,
المهم انا عندي نشاط مفرط بالغده الدرقيه والحمد لله على كل حال عطوني فتره استخدم فيها العلاج اذا تحسنة الغده ممتاز واذا لا مافيه الا عمليه لها او علاج باليود المشع ,, طبعا انا كنت متخوفه جداااااا جداااا من علاج اليود ومن الاعراض المصاحبه له وغير العزل ,,, طبعا في هذي الفتره حذروني وبشده من الحمل الين تستقر حالتي ,,لكن قدر الله وماشاء فعل وصار الحمل وكل شي بيد الله ,, يوم عرفت اهملت نفسي وبقوه انواع الثقيل اشيل و اركض مع الدرج وانزل بقوه وانواع الكرف ,,,,,الخ لكن الله كاتب انه يبقى ,,سبحانه ,, والوالده الله يحفظها بس تهاوشني وتمنعني من اي شي يضر بالحمل ,وان الله كاتبه وربي سبحانه مايكتب الا الخيره ,, طبعا راجعت المستشفى في البدايه عن طريق اخصائيه <كانت عربيه غير سعوديه> الله يسامحها حملتني من الهم زود على اللي عندي وانه اذا اذا اذا ماطاح راح اكيد يكون مشوه بسبت حبوب الغده >نيومكروزون< وصرفت لي العلاج اللي متعوده استخدمه للغده <نوع للغده ونوع يهدي ضربات القلب الناتجه من نشاط الغده> طبعا حولتني على استشاري حمل واستشاري غدد والله يجزاهم عني خير ريحوني بكلامهم ان اللي الله كاتبه بيصير ,وان الوحده ممكن تكون سليمه ميه بالميه وتجيب طفل مشوه >توحد مغولي كفيف ,,,الخ< وان الواحد لازم يتوكل على ربه بس قالي اهم شي وقفي حبوب القلب <الله يسامحها الاخصائيه صرفته لي وماقلت لي اي شي عن مضاره> وقلت له ان الاخصائيه كاتبته لي عصب الدكتور عليها وقام يسب وقاللي مهما صار لاتمرين عليها على طول عندنا ,,المهم والحمد لله وادخل الرابع واسوي سونار ويبشرني الدكتور انه مبدئيا كل شي سليم ويوريني انا والوالده العمود الفقري والراس ,,,الخ الحمد لله والشكر له ,طبعا اول الحمل انا كنت عند اهلي لان زوجي كان مع الجيش السعودي في البحرين وبعدها انشغلنا بالاجازه والحين رجعت لبيتي وفتحت ملف للحمل عندي ونفس الشي حولوني على استشاري وادخل عليه قبل امس وقالي التحاليل تقول ان الغده نشطه جدا وعلى طول حولوني موعد مستعجل على استشاري الغدد والله يستر ,,,بس اللي ضيق صدري وقاعده احاتي اني سألت الدكتور عن وضع الجنين قال ما اقدر اقول شي الحين لين بعد الولاده لازم يشوفه دكتور اطفال ويسوي فحص دقيق لطفل لان علاج الغده يأثر وبعدها نحدد ,,,,, وطلب مني تحاليل جديده للكلى والكبد و,,,غيره وقال لازم تسونه مستعجل:44:,,,الله يعين والله يسهل تتوقعون انه شاف شي مو زين:44:
دعواتكم خواتي ,,وان شاء الله اني ابشركم اني انا والطفل سليمين مافينا الا العافيه يارب
حفراويه دوت كوم @hfraoyh_dot_kom
محررة برونزية
يلزم عليك تسجيل الدخول أولًا لكتابة تعليق.
كلامك كله اتكال علي ربك خلك علي اللي انتي عليه متكله لاتستسلمين للوسواس .هذي امي مثلك لاكن ماراحت للمستشفيات بحمالها كله ويوم جتها الاعراض والتعب راحت لهم عقب ماوقفت ولايد ويوم شافها الدكتور وهو برفسور كبير قال ماعندك عيال قالت امي عندي الحمدلله تقول واسكت ثم قال طيب كم مره تسقيط قالت امي ولا مره تقول واسكت ثم قال عندك احد معاق او فيه شي قالت امي الحمدلله كلهم زينين تقول واسكت ثم قال سبحان الله الغده عندك قديمه وتعبانه من فتره .وامي الحين تعالج منها وربي يعافيك ويعافي امي وكل مريض .
الله يشفيك منها ويريح بالك ويحفظ لك جنينك ياااااااااااااااااااااااارب اكثري من الاستغفار والصدقه وطمنينا عليك ياعسل
الصفحة الأخيرة
لاتخافين ولاتتعبين نفسيتك وتوكلي على الله
واكثري من الاستغفار