بعد معركة عالمية وحروب دائمة انا والنمل في البيت .. قلت يا أنا يا هو .. والله جنني القاه في كل مكان
خاصة المطبخ هو المصدر الأساسي مع اني ما اخلي شي من الاكل مكشوف ودايماً انظف
تخيلوا حتى غلاية المويه يجي عليها .. يعني مويه يابو الشباب مويه مو سكر .. ماء ماء هههههههه
كنا زمان نشوف النمل بس على الاكل الحالي .. الحين لا كل مكان حالي مالح مر .. اايييي شي وجععع << عصبت
نمل آخر زمن هههههههههه
المهم ماراح اسوي قرقر كثير بما اني استفدت كثير من هذا المنتدى
فلازم افيد ولو بالشيء البسيط
أولاً ..
بعد تنظيف الدواليب كاملة وسطح المطبخ والارضية انثري بودرة النمل ( أي نوع ) بأماكن ما توصلين لها عشان الاستخدام اليومي مايجي على صحونك واغراضك ..
مثل داخل الدولاب جووووه مره في الزوايا وتحت الشباك .. تحت الدولاب إذا مفتوح من تحت
ثانياً
أنا لأني ساكنة بالدور الأرضي .. فحاسة انه جاي من الحوش ..
رحت دورت اماكن في المطبخ مفتوحة لقيت من الشباك فتحه صغييييره بين البرواز والقيشاني في الترويبه نفسها
وش سويت
قطعت من السفنجة قطعه صغيره وعبيتها كلوركس وحشيتها بالقوة داخل الفتحه
وكل وحده تشوف وين مصدر النمل في بيتها شي مهم ..
ثالثاً
تجيبين أي علبة بخاخ عندك فاضية
وتعبينها مويه + كلوركس + ديتول أي نوع
+
ويكون الكلوركس أكثر شي أكثر من الماء والديتول
ويصير تبخين فيه يووووميا قبل ما تقفلين المطبخ .. بخي وامسحي بمنشفه ناشفه .. صح الريحه كلوركس .. بس ماعليه حلوه النظافه وقفلي المطبخ واخرجي
احيانا انا اذا كنت كسلانه .. ابخ كذا في اماكن متفرقه بدون ما امسح واخليه واخرج ..<<<< وما انسى سفنجتي اللي حشيتها ابخها كمان
الحمدلله خف النمل كثير كثيييير وما صرت اشوف الا نادر مره
واتمنى تكون فكرة مفيدة للجميع
والسلام عليكم ورحمة الله :27:
والله صااادقه حتى المويه ماسلمت منها
وبعدين اشتريت بودره ريد والحمدالله خف كثير وفي اماكن اختفت النمل وماعاد صار في شي
هيا تصدقي حتى النمل الطيار موجود ههههههههههههه
حلوه كلمه النمل الطيار ؟؟؟ قصدي النمل الي يطير انا ما اسميها غير كذا
يعطيكي الف عااافيه حبيبتي