الحممممممد لله ولدت بالسلامة

حبيباتى واخواتى الغاليات
وحشتونى والله مووووت
طبعا الموضوع واضح من عنوانه
وما حاكتب كتير المفيد المختصر ان شاءالله وحاحكى ليكم قصة ولادتى
ولدت يوم 4/10 الماضى الموافق 12 رمضان يعنى الان لى اسبوعين وسبحان الله كل التعب:09: الكان فى تسعة شهور مضت ولااااا كانه كان
المهم الموعد المحدد لولادتى كان المفروض يوم 16 /10 يعنى ولدت قبل 12 يوم من الموعد المحدد
فى صباح ذاك اليوم اللى هو يوم الولاده نفسه كنت نايمة فى احلى نومة فجاة الساعة سبعة ونصف صباحا وبدون مقدمات نزلت الموية وبللت كل المكان والحقيقة اتفاجات بشكل غير معقول لانى ابدا ما كنت متوقعة اولد قبل المواعيد وسبحان الله قبلها بيوم كان عندى كنترول واخبرتنى الداية بانى امامى اسبوع او اسبوعين بالكتير للولادة وحيث ان البيبى وضعه جانبى فحتنزل الماء اولا قبل الم الولادة واخبرتنى ان اتصل بالمستشفى على طول لانه ممكن تكون الولادة فى اى لحظة
وعلى فكرة دى هى ولادتى التانية والحمدلله
المهم اخبرت زوجى وذهبنا للمستشفى بعد ما اتصلنا بيه ولما وصلت فحصتنى الدكتورة وقالت ان البيبى لسة لم ينزل راسه للحوض وانو امامى 24 ساعة او احتمال 48 ساعة على الولادة وخصوصا انو حتى تلك اللحظة لم يكن هناك اى الم بتاتا :( .. فجهزت نفسياتى على عذاب طويل وفى دواخلى اقرا فى سورة الطارق وكل ما تيسر من القران حتى تمر اللحظات سريعا ويسهل الله امر ولادتى
اهااااا بعد ساعتين تقريبا فحصتنى الطبيبة وقالت ان البيبى راسه نازل فى الحوض والرحم فاتح 2 سنتميتر وانها ستعطينى وجع صناعى حتى تسرع بخروج البيبى وفعلا قد كان ... الغريبة حتى تلك اللحظة لم اكن اشعر باى شئ ولكن بمجرد ما اعطتنى الوجع الصناعى بدات الالام تظهر :eek: وتدريجيا حتى صارت لا تحتمل وتحديدا من بداية الالم حتى خروج البيبى حصل ذلك فى اربعة ساعات ولكن من افظع الساعات فى عمرى ولن انساها
وخرجت ابنتى الحبيبة فاتن الى الدنيا وهى تصرخ خرجتونى ليه ما انا كنت قاعدة كويسة ...هاهاها:42:
هذه حكايتى واتمنى انى ما اكون طولت عليكم
وعقبال لاخواتى الحوامل ربنا يسهل ليكم وربنا يرزق اخواتى الغير حوامل بالذرية الصالحة يااااااااااااا رب امين
لو عندكم اى استفسار انا حاضرة