دانـــه

دانـــه @danh_5

عضوة نشيطة

الحموله والتربيه اللي ساكنه مع حمولتها تدخل

الأسرة والمجتمع

السلام عليكم ورحمه الله وبركاته
يابنات انا ساكنه مع حمولتي ومعانا اخوان زوجي اثنين متزوجين وعندهم عيال
مشكلتي ومعاناتي هي اني عندي بنتين وحده عمره سنتين ونص والثانيه عمره شهرين
بنتي الكبيره مانيب قادره اسيطر عليها واربيها تشوف بنات عمه وتقلدهم بكل شي وياليت بنات عمه متربيات كان هان الموضوع بالعكس قليلات ادب وشرسات وعدوانيات مرررررررررره ومن فتره بنتي صارت عدوانيه وبس تبكي طول اليوم تبي بنات عمه واذا راحت لهم طردوها وضربوها واذا اجتمعنا عند التلفزيون ما اتهنى اجلس افك بنتي من ايدهم وانغث شعر بنتي مابقى فيه شي من التمعيط وطول اليوم مشاكل في مشاكل اذا راحت عندهم جتني تبكي واذا هم جو عند بنتي تضاربو اذا طلعت العابها اخذوها منها واذا طلعت سيكلها تهاوشو عليه والله اني حالتي مايعلم فيها الا الله
ابي نصايحكم وتوجيهاتكم وياليت ماتقولون اطلعو ببيت مستقل لان هالشي مو بيدي
ابي بناتي يتربون صح ما ابيهم يتعلمون الالفاظ الوسخه و قله الادب واذا مالحقت عليهم الحين وربي بيضيعون
27
3K

يلزم عليك تسجيل الدخول أولًا لكتابة تعليق.

تسجيل دخول

-صدق مشاعر-
-صدق مشاعر-
يووووووووه عندي وعندك خير

قسم بالله هذا اللي عال قلبي

بناتي احب يكنون مرتبات ومؤدبات وبنات سلفتي معي بالبيت قلة ادب وشطانه ولسان وصخ

والله حتى اللعن يلعنون امهم

وربي تعبت وكل هذا قدام عيالي

ومانقدر نطلع من البيت ابد ابد
خير وش تناظر
خير وش تناظر
الله يكون بعونكم ...
طيب ازواجكم وش رايهم بالموضوع ...
يعني راضيــــــن ؟؟؟؟؟؟؟
الله ينولكم اللي ببالكم يارب
the*wife
the*wife
فعلا كل اللي ساكنات مع الحمايل نفس الشكاوي
الله يسنع لكم و تطلعون
!!صابونه!!
!!صابونه!!
بقولك على فكره غرفة بنتك صويها العاب لها وحطي لها تلفزيون و بلاستيشن
وحطي مطيطه صغيره فيها كور
وخليها تلعب فيها
ورده من ذهب
ورده من ذهب
لا يمكنك مشاهدة هذا التعليق لانتهاكه شروط الاستخدام.
الله يعينك صعبه الحياه كذا والله لو تربين مافيه فائده مدام الي عندك غير متربيات والله مايفيد لان البنت تقلد الي زيها ياليت الي عندها حل تفيدك