الحموله وما ادراك😔

مرحبا خواتي شخباركن
هذا اول موضوع لي وترددت كثيررر قبل لا اكتبه ماودي تنكتب لي سيئه وحش بس والله تعبت تعبببببت
موضعي سلمكم الله ..
اهل ريلي .. جننوني .. عقدو ببنتي .. عقدووووها بجد


سلمكم الله انا متزوجه بارك الرحمن لي 8 سنوات وعايشه في بيت اهل ريلي في حجره والثانيه ستور
والبيت بارك الرحمن كلهم متزوجين الشباب وكلهم معيلين ..
الكبير عنده 5 زوجي الثاني عنده 1 بنتنا .. الثالث عنده ولدين توم وحامل روجته الرابع عنده ولد


انا مشكلتي مع زوجه الاول وخوات زوجي مع انهن متزوجات بس ساكنين معانا .. لظروفهم
شو المشكله يكرهون بنتي ويكرهوني ..
مابقول انا زينه وو و و و
تزوجت وانا عمري 23 تقريبا وجلست سنتين وشوي لين حملت وجبت بنتي وعمري 25 تقريبا
ىتعرفون فرحتنا كيف بتكون باول وحده ووحدتنا وللامانه كلهم فرحو لنا واهدوها كثيرررر .. هذا وانا نفاس ف بيت اهلي
بس لما رجعت لبيت اهل ريلي بعد شهرين .. وانا والده بعمليه .. ولا حد اهتم كنت مخلصه الجامعه وخواته حد ف المدارس وحد بالجامعه وحد تشتغل وماكان عندهم شغاله ..
رجعت لطبيعه الي قبل لا احمل واربي ان البيت كله كان عليا وفوقها بنات اخوهم الكبير بحكم ان امهم تداوم و. تنظيف الصاله وحجرت عمتي والمطبخ .. من طبخ وتنظيف ..
وكنت اسكت ابي اكون الزينه الممهم .. كانو كل مارجعو للبيت اسمع تذمرهم مانبا ها الغدا نبا الشي الفلاني .. وكذا مع ان اكلي وطباخي معروف بشهادة خواتهم من اب وحرمه ابوهم انه لذييييذ ..
مرت سنه بعد ماجبت بنتبي وانا على هذا الحال .. ماقدرت اصبر .. قدمت ع وظيفه وتوظفت الحمدلله.. كيف زعلووووو كيف تضايقوو .. ان مين بيساعد امهم!!! بارك الرحمن الشباب كلهم موظفين يقدرون يجيبون 4 شغالات بس كان مرفوض مبدا الشغالات ..
جلست 3 سنوات انا من غير وظيفه بس بعد ماجبت بنتي بسنه توظفت..
هنا بدينا اول حركات الكره .. كنت لادلعت بنتي وقلت لها وربي انج غاليه .. تنط حرمه الكبير حتى عيالنا غاليين بنرفزه تتكلم اضحك انا واسكت ..واذا قلت لبنتي انتي شخية الحريم اكلم بنتي تنط هي كلهم شيوخ حتى عيالنا شيوخ ..
والله ما كنت اعرف ليش كانت تزعل وتعصب لامدحت بنتي
كبرت بنتي وكبرو بناتها الثالث وبدت مشاكلهن
بنتي اصغر من بنتها الكبيره ب6 سنوات والوسطه ب 5 وللاخيره 3 سنوات
يعني في فرق عمر بينهن كبير شوي
بنتي لما بدت تمشي وتتكلم كانو يقارونها ببناتها وكان الوضع عادي عندي .. اطفال ..
ومرت السنين وبديت اشتري لبنتي الحين اللعاب واجيب لهم نفسها بس بحكم ان هم حركتهم اقوى واكبر ف كانت اغراضهم تنكسر اسرع .. كانو يشلون حق بنتي .. وتجيني تبكي .. ف كنت اقول لهم عطوها ويعطونها عادي ماكنت اعرف انه في شي ف القلوب .. بديت اسمع كلام اني كريهه وما اخلي حد يلعب باالعاب بنتي وتشوش عماتها عليها .. ف اذا بكت بنتي وانا مو موجوده خلاص الكل يقول كذابه كذابه محد لمسها .. هنا بديت احس ان في شي مو صح ف اشل بنتي واطلع حجرتي ..
ولا نزلو البنات يلعبون بالحوش وتضاربو .. وتبكي بنتي وبنتها تجي تركض الام تهزء بنتي ي ويلج وياويلج .. اقولها عيب عليج الينت صغيره تقول لا مهي صغيره كنت اشل بنتي واطلع .. المشكله كنت افكر اني اسوي الصح لما يسالوني جدودها شو فيها اقول لا عادي عادي واطلع حجرتي .. ماكنت اعرف ان الثانيه كانت تتبلى عليا وتقول اني انا ضربت بنتها عشان كذا بنتها ضربت بنتي وانا ربي الشاااااهد ماضربتها وهذا وانا كنت اربيهن وهي بالدوام قبل لا اجيب بنتي المهم القلوب كانت تشيل عليا وانا مدري
بعد سنين تزوج واحد من اخوان ريلي الي عنده الحين توم بارك الرحمن (ما اقولهم المواقف اليي استوت خلال هذي الفتره)
ومره كنا انا ومرت حممي المعرس ووحده من خوات زوجي بالمطبخ بالليل .. الا تتكلم اخت زوجي ان انتي غلط تشلين بنتج بس يتضاربون مفروض تخلينها وبتسكت .. رديت بالعكس عشان مانتضارب وماتزيد المشاكل اشلها بس تهدا انزلها .. احسن من اخليها ويتضاربون وتوصل ونتضارب نحن الامهات .. المهم هي مقتنعه انه خطاء .. تكلمت حرمه حميي ان يالعكس صح الي تسويه عشان ماتزيد المشاكل( هنا كله وانا مدري ان حرمه الكبير كانت تقلب الموضوع كله لها )
كانت سوسه وللحين سوسه تعرف تتمسكن قدامهم وقسم بالله بس يفضى البيت تنقلب شريييييييره
بس تزوج الاخير من اخوان زوجي .. تزوج وحده صغيره ..
كانت تجيني تقول لي يقولون انتي كذا كذا كذا .. قبل لا اتزوج بس ما اشوف فيج شي من كل الي يقولونه .. والله كنت ارد عليها عادي انتي عايشه معانا وبتشوفين .. واذا تضاربو العيال اكون بالصاله واروح اشل بنتي من الضرابه وهم اصلا يبكون الصغار .. ااطلع يجون يقولون الام ضربت ..
ومره تركض الام وراي قدام الشيبان تريد اونه تضارب .. قال لها ابو زوجي شفيج .. قالت بصراخ ضربت بنتي .. نزلت من الدرج وانا ابكي من الغصه الي لها سنييييييين وانا ساكته .. حلفت له ان مالمستها ولا ضربتها .. جاتني اخت ريلي تقول لي روحي روحي بس
طلعت وانا مقهوووره ..كنت احس في شي خطاااااا ف الحياه مو صح يوصلهم كلام خطا عني بس ما اقدر اتكلم وابرر مايصدقوني ولايعطوني مجال
كانت تجيني ام التوم وام الاول تقول لي نحن تشوف ان انتي صح وانتي مظلومه وان انتي ماسويتي شي بس الله يعينج كيف ساكته وليش ساكته .. كنت ارد غصبا عني اسكت لان اهلي مربيني صح مو مربيني للمشاكل وانا للحين طول عمري بكون شاله اسمهم
كنت اشوفهن العمات يقفل الباب ف وجه بنتي عشان لاتشوف شو عندهن و3 بنات اخوهم كلهن داخل .. كنت اشوفهن يشترون ل3 بنات اخوهم وبنتي لا .. كنت اشوفهن يصورون ويتمدحن ف 3 بنات اخوهم وبنتي لا ..كنت اشوفهن يطلعون ويمشون 3 بنات اخوهم وبنتي لا
الحين استوت فيني حاله رجفه ارق
كل ماشوفهن احس قلبي من داخل ينتتتتتتتتتتتتفض مو خوف بس مدري والله شو .. احسه بينزل من مكانه وجسمي كله ينتفض
لانزلت وشفت هذي ام 3 بنات والولدين .. كذا يستوي فيني
ادري طولت بس كنت محتاجه افضفض لمكان غريب وارميه بحر على قولتهم