الحمى والزكام والبلاعيم وانا حامل في الشهر الثالث

السلام عليكم

انا حامل في الشهر الثالث ومن امس فيني حمى وزكام وبلاعيم

الحمى عندي وصلت 39 رحت المستشفى عطتني الدكتورة أدول ومضاد حيوي ينفع للي حامل ما تقدر تعطيني أكثر من هذا لاني حامل وبيأثر على الجنين

تعبانه وايد لدرجة اني ما اقدر آكل شي وما قادرة أشيل نفسي من التعب

الدوا مفعولة ساعة ساعتين ويروح ويرجع العذاب مع الحمى

عندي عيال ما قادرة حتى أأكلهم او حتى اهتم فيهم وأهلي بعيد عن المنطقه اللي عايشه فيها

بعدني أتعذب من اللوعه ومن حسيت انها خفت عني شوي ياني عذاب الحمى والبلاعيم

ثلاث شهور وأنا أتعذب من الوحام ( ألم فالبطن والظهر واسهال ولوعه وترجيع وصداع ) شي ما ينطاق والحين مع هالمرض أبكي من الألم وادعي الله سبحانه يخفف عني


أرجوكم اللي عنده شي يخف عني اتخبرني وبتاخذ أجر من وراي لاني فعلا كرهت الحياه مع هذا العذاب